-${ المرجله --$-

[ناشي الصخيني]

من لاينال المرجله في شبابه =ماضنتي يلقا المراجل ليا شاب
كل" على الطالات يشعب ركابه =ولافيه شي" غير في بذل الأسباب
إليا أذن المذن عليك الأجابه =وصل الفرايض وأسجد لرب الأرباب
أعبد ولي" ماله أحد" يشابه =مفرج الكربات في وقت الأنشاب
وامك وأبوك أرحم بهم والقرابه =لاتقطع الأرحام بالربع الأقراب
هم الأجر وإن كان تبغى المثابه =وخل العلوم الثانيه عنك مجناب
وأفطن وخلك ذيب بين الذيابه =وأحرص على خوة طويلين الأشناب
أهل النقا والطيب وأهل الحبابه =كسابة الناموس في وقت الأصعاب
الي مواردهم سواة اللهابه =لاجيتهم باللازمه فكو الباب
وإلا الردي مافي مخاواه ثابه =لو طاب لك يومين تراه ماطاب
لابد من يوم تشوف الردى به =وتقول له روح ترى خاطري طاب
ولد الردي ماينحسب وش تبابه =والله مايحسب من حساب الأصحاب
لو كان له جدان وفعول لابه =ماحد" يعدل بالعصا عوج الأرقاب
ماينفعك لا كشر الوقت نابه =كنه سهم سبكيم وإعمار وإنساب
وأنصحك عن شي" عليك إجتنابه =لاتصير بأعراض الرياجيل شذاب
هرج القفا على النشاما معابه =هرج القفا وإلا التنابز بالألقاب
يخلي الرجال ماله مهابه =وينزله مابين ربعه والأجناب
والمجلس وأحذر لاتزيد الحكى به =لاصار بالمجلس من الناس شياب
الهرج منقود" على الي هذابه =وعيب" على الرجال لاصار كذاب
أتبع طريق الطيب والي سعابه =ولا تترك شماغك ولا تلبس الكاب
ودرب" يجيب الريح قم سد بابه =مالك ورى بعض السواليف طلاب


آآمل أن تنــــال أعجابكم وأستحسانكم

أخيكم / ناشي الصخيني .

[ابونادر]

ناشي الصخيني


صح لسااااااانك مليووووووووون على هلقصيدة الجزلة لاهنت

ماشالله عليك تبارك الله أنت شاعر ياناشي


أول الغيث قطرة وننتظر منك المزيد



اجمل تحيه


..

[غنام العرافه]

وامك وأبوك أرحم بهـم والقرابـه = لاتقـــــطع الأرحـام بالربـع الأقـراب
هم الأجر وإن كان تبغـى المثابـ = هوخل العلوم الثانيه عنـك مجنـاب
وأفطن وخلك ذيـب بيـن الذيابـه = وأحرص على خوة طويلين الأشناب



الله الله ياناشي صح لسانك على هالقصيده ماشا الله تبارك الله عليك نصيحه ووصيه وحكمه موفق أن شا الله

وتسلم دمت بكل الووود .

[دلوعة زماني]

أتبع طريق الطيب والـي سعابـه ولا تترك شماغك ولا تلبس الكـاب
ودرب" يجيب الريح قم سـد بابـه مالك ورى بعض السواليف طـلاب


صح لساان الشااعر..لاهنت قصيده رائعه بمعنى الكلمه..

بنتظار جديدكـ..

[برق الوسم]

هذه مجاراه لاخي الكريم الشاعر الرائع

ناشي الصخيني 0 وانا جريته لاعجابي بهذه القصيده الرائعه
والتي احتوت كل الصفات والمعاني الجميله الوافيه 0 فشكرا لك يالصخيني

ماقصرت لاهنت يابعد راسي لك ووودي برق الوســــــــــــــــــــــــــــــــم


ياسعود لاحت لي بروق السحابه =وخلت البروق الصادقه وانفتح باب
فتحت بيبان القصيد ونوابه=هاجوس فكرٍيطرق البيت لاشاب
هاجوس شعري فيه عز ومهابه=يشوش للجزلات عن كل مرتاب
مااردده ترديد مخطي صوابه=ولااكسره تكسير0للذوق ينساب
اللذ من نقع الصفاء في شرابه=واحلا من الشهد المصفى لياذاب
وانفع من البلسم لجرح الاصابه=لاحار فكر مدور اسباب لااسباب
واقطع من السيف الحدب في نصابه=لاجا نهار الشر وابليس ماغاب
نبذة قصيدي في حروف الكتابه=سطرتها وابديت مضمون الاعجاب
في شعر شاعر تو نوخ اركابه=يامرحبا ترحيب مشفق لغياب
شاعر وللمعنى نسوق الرجابه=فتح مغاليق الضماير والابواب
قريت من شعره نوادر اكتابه =وابحرت مع بحر الجزيلات بسهاب
اخذت معهن سجةٍ وانقلابه= وجاريتهن من طيب خاطر لياطاب
يوم ان ناشي صاغهن في شبابه= صغت القوافي مثل ناشي وانا شاب
اشوش للطيب بطيب وحبابه=وابادله نفس القصايد على آب
يوم ان ناشي كل معنى رقابه= انا رقيت العرف مع كل مرقاب
حوى قصيده كل معنى الاجابه=بين الوفا والطيب لصحاب واجناب
بين النصيحه والوصيه تشابه=والعرف والحكمه بااساليب شياب
حرٍ مواكيره بعالي اهضابه=يرقى على متن الطويلات وهضاب
الطيب للطيب خزائن زهابه=يوم الردي ماله عن الشين مجناب
حبيت اجاري وافتخر في جنابه=حيث ان شعره لاهل الصنف جذاب
قطفت من زين المعاني اعذابه=واهديتهن في رونق الشعر بكتاب
من شاعر يرسم ولابه غرابه=من ناتج افكاره على السوق جلاب
واقبل تحيات الوفا بالحزابه= يوم ان ظني في قصايدك ماخاب

[منابع الطيب]

صح لسانك ناشي

وسلمت على هـ لقصيده الجزلة

دمت بكل الود

[ناشي الصخيني]

أبو نــــــادر : -صح بدنك والله لايهينك على المرور وتسلم .


غنام العرافه :- صح بدنك وهذا من ذوقك وشكراً .


دلوعــــــــه :-صح بدنك وتسلمين على المرور .


بر ق الوسم :- تسلم على المجاراه الرائعه والله لايهنيك عزيز ومقدارك على الراس والعين .


منـــــابع الطيب :-صح بدنك وأشكرك على المرور .

[ابوعبدالمجيد]

السلام عليكم صح السانك يالصخيني ....ويعطيك العافيه


بغيت اجاريك ولكن اكفاني برق الوسم على مجاراته الرايعه........ تحيات راعي المعطا

.................................................. ....................... الي كله عطا

[الغنــاوي]

صح السانك ياناشي..
وصح السانك يابرق الوسم...
قمه في الابداع والجزاله....
وفالكم البيرق...
تحيااااااااتي

[محمد ابن عقوب]

ناشي الصخيني

صح لسانك والله لا يهينك ،، لا تحرمنا من أبداعك .. وبأنتظار جديدك ...


تحياااااااااااااتي لك ...



برق الوسم


يوم ان ناشي صاغهن في شبابـه= صغت القوافي مثل ناشي وانا شاب
اشوش للطيـب بطيـب وحبابـه=وابادله نفس القصايـد علـى آب


صح لسانك .. كفو والله .. الله لا يهينك على هالرائعه ...


تحياااااااااااااتي لك

[برق الوسم]

الغاوي لاهنت تسلم حبيب قلبي
محمد عقوب لاهنت ياعين ابوي يعطيك العافيه ماعليك زود

للجميع حبي برق الوســــــــــــــــــــــــع

[ابـــوحـــــور]

صح لسانك اخوي برق الوسم على المجاراه لشاعر ناشي الصخيني

[غريب الدار]

ناشي الصخيني
صح لسااااااااااااااااااااااااااااااانك
قصيده في قمة الروعه والابداع
جزله من شاعر جزل
برق الوسم صح لسانك على المجاراه
دائماً متميز يابو وسم
مشكوررررررررررين

[ناشي الصخيني]

[غريب الدار الله لايهينك وصح بدنك وماعليك زود وشهاده اعتز فيها ووسام على صدري واشكرك على مرورك المشرف تقبل كل احترامي والمعذره على التاخير بالرد

[بنت العز]

شاعر مبدع ياناااااشي

قمة الابداع

مع اني ادري شهادتي فيك مجرووووووحه

[مدالله القصيم]

وعليكم السلام ورحمة الله وبركاته
-*¤ô§ô¤*-*¤ô§ô¤*~هلاوالله ومليون غلا تو مانور المنتدى هلاوالله ومليون غلا تو مانور المنتدى مبرووووووك من الاعماق والى الامام~*¤ô§ô¤*-*¤ô§ô¤*-

[ناشي الصخيني]

بك المهلا ياخال واللهيبارك فيك واشكرك على مرووووووووووووك الجميل

[ناشي الصخيني]

بك المهلا ياخال واللهيبارك فيك واشكرك على مرووووووووووووك الجميل

[لامبارد]

صح لسانك أخي نااااااااشي... كالعادة متميز ماشاء الله عليك...
وصح لسانك أخي برق الوسم...

تقبلو مرووووووووووووري...

[بن جمهور]

صح لسانك ولاهنت

[دهن العود]

لاااااااااهنت على القصييييييييييده ولاااهاااااان منطوووووقك

صدق اللي قاااااااااااااال(الرجاااااااااااال مخابر مب منااااااااظر)

[ناشي الصخيني]

لااااامبارد
بن جمهور
دهن لعود
مشكوووووووووين على المرور الاكثر من رائع والله لايهينكم تقبلوخالص تقديري واحترامي

[ابو فهد]

اشكرك على القصيدة الجيدة والتي تدل على موهبتك الشعرية واتمنى ان تسلك هذا النمط في الشعر وتواصل الابداع فيه وتبتعد عن غيره .
تقبل اشواقي الحارة والدعاء لك في الغيب بالتوفيق في جميع امورك