المحاورة الاسبوعية الاولى

[ابونادر]

بسم الله الرحمن الرحيم

وبه نستعين


الاخوة الكراااااااااااااااام

الليلة الساعة العاشرة مساء

انتم على موعد مع محاورة نارية بين شاعرين عملاقين في عالم الشعر


الشاعر الكبير / عزيز النفس والشاعر الكبير / شقران

وسوف تكون البداية من الشاعر عزيز النفس

نتمنى للجميع سهرة ممتعة وحضور مشرف


ولكم جميعا فائق الاحترااام




ابونادر




..



..

[ابو عبدالله الحميداني]

متى واين الحضور عساها فيه عشاء للحاضرين
اكيد ان الادارة سوف تستعد بالتكاليف الازمة وعساكم على القوة ياربعنا

[منابع الطيب]

جاهزين لتشجيع


وابشر يابو عبد الله بلي يسرك تبي بوفيه ولا مفاطيح بس تدلل انت طال عمرك


وتمنى سهره ممتعه للجميع

[شقران]

السلام عليكم ورحمة الله وبركاته

ابونادر مسيك بلخير

اعتقد اني لعبت طاروقين مع عزيز وكان هو البادي

حسبي الله على شقران

وين انت ياشقران

وارسلتله على الخاص ووافق

والبدع عندي

[ابونادر]

ولايهك ياشقران البداية من عندك وانا اخوك

وانا اسف لم انتبه للمواضيع القديمه


..

[شقران]

ياسلامي على رجالن توفي الكرامه= لالفى الضيف وتكسر عزوم المعادي

مستوى الناس فارق كل رجل ومقامه=ميزتن حطها الله في جميع العبادي

[ابونادر]

صح لسانك ياشقران على هذا الطارووووووق الجميل


وبانتظار زميلك ابو محمد للرد

وعساكم على القوة



..

[شقران]

ابوعبدالله (كني مبشر بولد) يوم شفت مرورك

والعشا حالفبن على معزبنا ابو نادر هههههههههها

منابع الطيب بيض الله وجهك على المرور

[منابع الطيب]

وينك يابو محمد تاخرت علينا

[عزيز النفس]

مرحبا والبقى ياللي لفاني كلامه =المعاني جميله والمثايل جدادي

الفخر يا وسيع العرف حنا سنامه =وأنت والنعم لاناش الفتيل الزنادي

[ابونادر]

ياسلام صح لسانك اخوي عزيز النفس

على الرد الواااااااافي

لاهنتم جميعا


مواااااااااااااااااااااااااااااااااااصلين



..

[شقران]

ياعميلي على راسك تقوم القيامه=ودك ابنارها ولا تبون البرادي

السلامه غنيمه كان تبقا السلامه=مادخل جنة الفردوس كود الجهادي

[عزيز النفس]

كان قامت لنا باليوم الاقشر زعامه=كم خصيمٍ على راسه تدور الحنادي

لزناتي بشير وللهلالي سلامه =وبالوفاء ماهقيت أنك قصير المهادي

[شقران]

كل تاجر يوطي سلعته باستلامه=والزباين تميز بالذهب والزبادي

ياعزيز انت شاعرخصم واخذ المسامه=خل شقران بارك فوق راس الشدادي

[منابع الطيب]

الله يعطيكم العافيه شقران وعزيز النفس


متابعين

[برق الوسم]

كل تاجر يوطـي سلعتـه باستلامـه
والزباين تميـز بالذهـب والزبـادي
ياعزيز انت شاعرخصم واخذ المسامه
خل شقران بارك فوق راس الشدادي

ماشاءالله عليك ياشقراان

شاعر عذب ياسلام عليك

[ابونادر]

صحت السن شعرائنا ألاعزاء على هذه المحاورة النارية

يعطكم العافية مستمتعين معكم الليله


سرى الليل والساري سرى



..

[شقران]

الله يعطيك العافيه اخوي برق

اسعدني مرورك

[عزيز النفس]

الله أكبر على شقران عوّد ردامه=ياكبر شرهت أبن الناس والنور بادي

الحويشي الياهام الجمل في مقامه =يطحنه لين كل عضاه تصبح رمادي

[شقران]

نقظت البيت ماتاخذ عليها علامه=المعاني بوادي وانت عايش بوادي

لالكشناك راسك صار راس النعامه=فارسن معك سيف ولا تبيلك جوادي

[ابو عبدالله الحميداني]

متابعين وبجد وحيا الله الجميع وصحت السنة شعراءنا ترى ماهو من عادتي السهر لكن علشانكم تستاهلون

[منابع الطيب]

الله عليكم مبدعين

[عزيز النفس]

الشعر منك ياشقران نلبس وسامه=لادخلنا بسوقه وستمر العنادي

أنقض البيت لو غير عميلي نظامه=لو بغى الزود مايقدر برجله قيادي

[آورنـس]

الله الله عليكم يا كبااار ..


والله المنتدى طلع شي جميل ..



تسلمون يالغالين

[شقران]

استلم لاهنت


انت رجلن شجاع ولا تجيك الرخامه=راوين للسولف في زمان البوادي

جادلن دونها شقران ذب العمامه=ماتبى شاعرن عايش على جوهادي

[شقران]

يعطيك العافيه اخوي اورنس على مرورك ومتابعتك

بس الله يهدي ابونادر الصفوف وينها

[عزيز النفس]

الشجاعه لأبو تركي وعش في كمامه =حدر سيفه تعيش بخير والأمن سادي

والله أني لا خوض الحرب وأبني خيامه =دون عذرن غلاها لاجئن في فؤادي

[شقران]

بنشدك عن بعيرن ظاع منكم خطامه=الخطام متدلي والبعير متحادي

العوج طول عمره مايبا الاستقامه=ندله الدرب يرجع عقب يومين غادي

[عزيز النفس]

قام شقران يرثع باغن الانهزامه=يوم شاف الصحيح وجاه علمٍ وكادي

كان غارت قليب الخصم وكد هدامه=مايجد المباني كود رجلن سدادي

[شقران]

الله يبيض وجيهكم وتصبحون على خير

[عزيز النفس]

فمان الله وتصبحون على خير .....

ونأمل من الأداره بأن تحضر صفوف بالاسابيع القادمه انشاء الله ...

وشكرا...

[ابونادر]

شكرا للاخوان الشعراء على هالمحاورة الممتعة

وشكرا لمن تابعها من الاخووووووة الاعضاء

ولنا موعد ان شاءالله في الاسبوع القادم


وتصبحون على خير










..

[مهاجر الخلان]

شقران وعزيز مشاء الله عليكم محاوره احلى من رائعه بس انا مستغرب الساحه والقنوات الثانيه معرضتها بتلفزون الضاهر معرفوا شقران وعزيز ايييه اكييد ماعرفوهم بس ياويل الي يتحداهم ويلاه مشكورين شعارنا وبيض الله وجيهكم

[ابو عبدالله الحميداني]

مايهمنا ماعرضتهم القنوات اخوي مهاجر لكن يكفي محبتهم في قلوبنا وش خليت عزيز النفس وشقران صحت السنتهم وفالهم البيرق
واتمنى تكون المحاورة حضوريا باي استراحة ترغبون وانا اول الحاضرين والمشجعين يستاهلون كل علم غانم ماهم مثل اللي تقدمهم امراءة متبرجة خليعة يا حسافى على العقول اللهم لاتردي لنا نصيب