المحاورة الاسبوعية الاولى

[ابونادر]

بسم الله الرحمن الرحيم

وبه نستعين


الاخوة الكراااااااااااااااام

الليلة الساعة العاشرة مساء

انتم على موعد مع محاورة نارية بين شاعرين عملاقين في عالم الشعر


الشاعر الكبير / عزيز النفس والشاعر الكبير / شقران

وسوف تكون البداية من الشاعر عزيز النفس

نتمنى للجميع سهرة ممتعة وحضور مشرف


ولكم جميعا فائق الاحترااام




ابونادر




..



..

[ابو عبدالله الحميداني]

متى واين الحضور عساها فيه عشاء للحاضرين
اكيد ان الادارة سوف تستعد بالتكاليف الازمة وعساكم على القوة ياربعنا

[منابع الطيب]

[align=center]جاهزين لتشجيع


وابشر يابو عبد الله بلي يسرك تبي بوفيه ولا مفاطيح بس تدلل انت طال عمرك


وتمنى سهره ممتعه للجميع

[/align]

[شقران]

السلام عليكم ورحمة الله وبركاته

ابونادر مسيك بلخير

اعتقد اني لعبت طاروقين مع عزيز وكان هو البادي

حسبي الله على شقران

وين انت ياشقران

وارسلتله على الخاص ووافق

والبدع عندي

[ابونادر]

ولايهك ياشقران البداية من عندك وانا اخوك

وانا اسف لم انتبه للمواضيع القديمه


..

[شقران]

[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
ياسلامي على رجالن توفي الكرامه= لالفى الضيف وتكسر عزوم المعادي

مستوى الناس فارق كل رجل ومقامه=ميزتن حطها الله في جميع العبادي[/poem]

[ابونادر]

صح لسانك ياشقران على هذا الطارووووووق الجميل


وبانتظار زميلك ابو محمد للرد

وعساكم على القوة



..

[شقران]

ابوعبدالله (كني مبشر بولد) يوم شفت مرورك

والعشا حالفبن على معزبنا ابو نادر هههههههههها

منابع الطيب بيض الله وجهك على المرور

[منابع الطيب]

[align=center]وينك يابو محمد تاخرت علينا
[/align]

[عزيز النفس]

[poem=font="simplified Arabic,6,black,normal,normal" Bkcolor="white" Bkimage="backgrounds/18.gif" Border="outset,4,gray" Type=0 Line=0 Align=center Use=ex Num="0,black"]
مرحبا والبقى ياللي لفاني كلامه =المعاني جميله والمثايل جدادي

الفخر يا وسيع العرف حنا سنامه =وأنت والنعم لاناش الفتيل الزنادي[/poem]

[ابونادر]

ياسلام صح لسانك اخوي عزيز النفس

على الرد الواااااااافي

لاهنتم جميعا


مواااااااااااااااااااااااااااااااااااصلين



..

[شقران]

[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
ياعميلي على راسك تقوم القيامه=ودك ابنارها ولا تبون البرادي

السلامه غنيمه كان تبقا السلامه=مادخل جنة الفردوس كود الجهادي[/poem]

[عزيز النفس]

[poem=font="simplified Arabic,6,black,bold,normal" Bkcolor="transparent" Bkimage="backgrounds/13.gif" Border="groove,6,crimson" Type=2 Line=0 Align=center Use=sp Num="0,black"]
كان قامت لنا باليوم الاقشر زعامه=كم خصيمٍ على راسه تدور الحنادي

لزناتي بشير وللهلالي سلامه =وبالوفاء ماهقيت أنك قصير المهادي [/poem]

[شقران]

[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
كل تاجر يوطي سلعته باستلامه=والزباين تميز بالذهب والزبادي

ياعزيز انت شاعرخصم واخذ المسامه=خل شقران بارك فوق راس الشدادي[/poem]

[منابع الطيب]

[align=center]الله يعطيكم العافيه شقران وعزيز النفس


متابعين [/align]

[برق الوسم]

كل تاجر يوطـي سلعتـه باستلامـه
والزباين تميـز بالذهـب والزبـادي
ياعزيز انت شاعرخصم واخذ المسامه
خل شقران بارك فوق راس الشدادي

ماشاءالله عليك ياشقراان

شاعر عذب ياسلام عليك

[ابونادر]

صحت السن شعرائنا ألاعزاء على هذه المحاورة النارية

يعطكم العافية مستمتعين معكم الليله


سرى الليل والساري سرى



..

[شقران]

الله يعطيك العافيه اخوي برق

اسعدني مرورك

[عزيز النفس]

[poem=font="simplified Arabic,5,black,bold,normal" Bkcolor="sienna" Bkimage="backgrounds/17.gif" Border="ridge,4,darkred" Type=1 Line=0 Align=center Use=sp Num="0,black"]
الله أكبر على شقران عوّد ردامه=ياكبر شرهت أبن الناس والنور بادي

الحويشي الياهام الجمل في مقامه =يطحنه لين كل عضاه تصبح رمادي [/poem]

[شقران]

[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]

نقظت البيت ماتاخذ عليها علامه=المعاني بوادي وانت عايش بوادي

لالكشناك راسك صار راس النعامه=فارسن معك سيف ولا تبيلك جوادي[/poem]

[ابو عبدالله الحميداني]

متابعين وبجد وحيا الله الجميع وصحت السنة شعراءنا ترى ماهو من عادتي السهر لكن علشانكم تستاهلون

[منابع الطيب]

[align=center]الله عليكم مبدعين [/align]

[عزيز النفس]

[poem=font="simplified Arabic,5,black,normal,normal" Bkcolor="sienna" Bkimage="backgrounds/17.gif" Border="ridge,4,darkred" Type=1 Line=0 Align=center Use=sp Num="0,black"]
الشعر منك ياشقران نلبس وسامه=لادخلنا بسوقه وستمر العنادي

أنقض البيت لو غير عميلي نظامه=لو بغى الزود مايقدر برجله قيادي[/poem]

[آورنـس]

الله الله عليكم يا كبااار ..


والله المنتدى طلع شي جميل ..



تسلمون يالغالين

[شقران]

استلم لاهنت

[poem=font="simplified Arabic,5,black,normal,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
انت رجلن شجاع ولا تجيك الرخامه=راوين للسولف في زمان البوادي

جادلن دونها شقران ذب العمامه=ماتبى شاعرن عايش على جوهادي[/poem]

[شقران]

يعطيك العافيه اخوي اورنس على مرورك ومتابعتك

بس الله يهدي ابونادر الصفوف وينها

[عزيز النفس]

[poem=font="simplified Arabic,5,black,bold,normal" Bkcolor="sienna" Bkimage="backgrounds/17.gif" Border="solid,4,darkblue" Type=2 Line=0 Align=center Use=sp Num="0,black"]
الشجاعه لأبو تركي وعش في كمامه =حدر سيفه تعيش بخير والأمن سادي

والله أني لا خوض الحرب وأبني خيامه =دون عذرن غلاها لاجئن في فؤادي [/poem]

[شقران]

[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
بنشدك عن بعيرن ظاع منكم خطامه=الخطام متدلي والبعير متحادي

العوج طول عمره مايبا الاستقامه=ندله الدرب يرجع عقب يومين غادي[/poem]

[عزيز النفس]

[poem=font="simplified Arabic,5,black,bold,normal" Bkcolor="sienna" Bkimage="backgrounds/17.gif" Border="solid,4,black" Type=2 Line=0 Align=center Use=sp Num="0,black"]
قام شقران يرثع باغن الانهزامه=يوم شاف الصحيح وجاه علمٍ وكادي

كان غارت قليب الخصم وكد هدامه=مايجد المباني كود رجلن سدادي[/poem]

[شقران]

الله يبيض وجيهكم وتصبحون على خير