كل ماجيت بطلع في القصيده =يبكي الحرف والعبره ترده
والكلام أوله يلحق جديده =والقلم دمعته من فوق خده
أشهد إنه رحل عنا فقيده =أشهد إنه رحل من دون رده
(( الفواصل )) بعد فقده وحيده =كل صفحه تموت به وتوده
يا (( طلال )) الشعر ياصبح عيده =ياقوافيه...يانظمه...وعده
يابيوت معانيها فريده =يامفرج على المضيوم شده
في الخفا كم تمد الطيب إيده =كم يدٍ تغتني من مد يده
طيره اللي ينومس كثر صيده =اشقر الريش عقبه من يهده
القنص والمطارد والطريده =والكرم والتواضع والموده
والمراجل من افعاله أكيده =طيبه اللي ورث من طيب جده
والأمور العصيه والعنيده =لا بغاها اتصير بكيف وده
كل رجمٍ وطت رجلك بحيده =وده إن قبرك بجنبه وحده
الوطن من قريبه لبعيده =والبحر يصطفق جزره ومده
واتلع الجيد والمياس جيده =وشايبٍ روعه موتك وهده
اسود الليل والجرهد وبيده =وعالي النايفات المستبده
تبكي فراق مثلك يالوليده =في غيابك مكانك من يسده
رد مع اقتباس
