إليكم إخواني الاعزاء هذه المرثيه في زوجتي رحمها الله
آمل أن تنال إعجابكم
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
كل ماجيت بكتب قاف شعـر ٍ طـرى=طاري ٍ لاطرالي جيـت كلـي قصيـد
جيت هم وعذاب وقاف ليـل ٍ سـرى=وأختلـط بالمعانـي دم حبـل الوريـد
كل ما فـالخيـال يتـل قلبـي ورى=وكل ماأقـدم الخطـوه خيالـي يعيـد
يأمر القلب الافكار أمر أمير أمـرى=هي وخلج القوافي له سـواة العبيـد
كان قافـي بلوعـة خافقـي مـادرى=غيرها ويش أبي فيها ...!!!عسى مايفيد
دمع عيني يجدد كـل جـرح ٍ بـرى=والجرح يووووووم يتجدد عذاب ٍ أكيد
لوعة فراقها مـدري غلاهـا إفتـرى=في خفوق ٍ محد من لوعتـه مستفيـد
غير بيض الورق من سيل حبر ٍ جرى=نار ذكـراه جنـة هاالضميـر العنيـد
أودعت جثتـه مابيـن لحـد وثـرى=وباقي ٍ قدر حبه كل يـووووم ٍ يزيـد
طيفها يوووووم أشوفه في لذيذ الكرى=نومتي يشهـد الله كنهـا يـوم عيـد [/poem]
أسأل الله الذي حرمني منها في دنياي
أن يجمعني بها في مستقر رحمته
رد مع اقتباس
المشاركة الأصلية كتبت بواسطة جدتهم ومنقدتهم
