أعزائي أعضاء وزوار منتديات الحمادين أعذروني أيها الاخوه والاخوات على هذا الانقطاع
تذكرت مجاراه لقصيدة للشاعر ناصر تراحيب نشرت في أحدى المجلات
قبل عدة سنوات فحبيت ان أشارككم بها
آمل أن تنال أعجابكم
وهذا ما يحضرني من أبيات الشاعر ناصر حيث يقول
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أغني هاجس ٍ فكري سمابـه=على عزف الاصاله والربابـه
لان الاصل شعر الامس أصلي=جزالـه لاحداثـه لارتـابـه
وشعر اليوم مثل الشطر هـذا=بلابل بلبلـه والبـاب بابـه
فهمتوا شي حتما ً مافهمتـوا=لان الشعر لـه فنـه وادابـه
لان الشعر طرح وذوق راقـي=ماهوب احلام وحروف ٍ تشابه
يهز القلب ويشـد المسامـع=ويرسم من عيون الفن بابـه
مشاعر صادقه من قلب صادق=تجـي مـن تعقيـد وغرابـه
تبين ماخفا وسـط الضمايـر=ويلقى من سأل فيها جوابـه
يدوم الشعر دام الفكـر باقـي=ونهار الفكر يفنـى واعذابـه
يدوم أعوام من راوي لـراوي=ويحي ذكر مرحوم ٍ شدا بـه
وله تعريف مانحتـاج غيـره=كلام ٍ من طعم نقع السحابـه
وقاف ووزن والاهـم معنـى=ولازم يستفيـد اللـي قرابـه
قديما ً كان راع الشعر بـارع=مميز بالفصاحـه والنجابـه
مفاهيـم البلاغـه يحتويهـا=وجزل الشعر مرقابـه رقابـه
لان الشعر ديـوان العروبـه=قديما ً كل شاعر يحتفى بـه
ودار الوقت والشعار كثـروا=وكـل ٍ للقصيـده حـد نابـه
ومر الشعر بظروف ٍ عصيبه=وصابته أنتكاسـه وانقلابـه
مشاعر معظم الشعار صـارت=تجـي بالمشتـرى ولانهابـه
وقال الشعر منهو غير شاعر=لانـه لاحسيـب ولارقـابـه
وهزلت وأختلط هزله وجزلـه=وصابه من ردى وضعه كآبه
وعلى ماقيل فالامثـال قلنـا=يسيء القول من يامن عقابه [/poem]
ناصر بن تراحيب
وهذه مجاراتي لقصيدة
الشاعر ناصر تراحيب
وتتحدث عن ساحة الشعر
و تحمل في طياتها
عن ذلك الشئ
الكثير
[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بعثنـا فاكـس عاجـل للمجلـه=عسى يوصل ويحسب له حسابه
نزفه عبر صفحات الصحافه=إذا ساعدني الحض وسعابه
سـلام الله سـلام الله لنـاصـر=عسى الرحمن يجزل لـه ثوابـه
عدد من طاف حول البيت محرم=وطلب رب البريه والتجـى بـه
أعجبني شاعر ٍ حرك شجونـي=وشوقنـي بقـافـه للكتـابـه
وأسرجت له المهار من القوافي=وجاريته علـى طـرق ٍ سرابـه
يصوعـه مـن ذهــب لله دره=يجاوب بـه سراحيـن الذيابـه
فهمنـا شـي لكـن مافهمـنـا=وش الذنب وش اسباب ارتكابـه
لكـن الكـف وحـده ماتصفـق=يامن يسمعك ياصـوت ٍ بغابـه
متى يسمع لصوتـك يالمنـادي=وتنصفنـا قوانـيـن الرقـابـه
ترانـا لـو تكاتفنـا عبـرنـا=على جسـر ٍسريـع ٍ فاانقلابـه
يبا الله ينصـر الحـق ويعـزه=ويعود المجـد لوطـول غيابـه
ياناصر شفت ديـوان العروبـه=جريح ٍ حايـرٍ ينـزف صوابـه
نحيل الجسم مهـدود العزيمـه=يكافح لجل يرقا أعلـى هضابـه
تركنـاه لصواديـف الليـالـي=بعد ماكـان لـه قـدر ومهابـه
صفحات الشعر لو تنصف هواته=وتترك شغل التحيـز والعصابـه
يعود الشعـر لامجـاده ويظهـر=من أهل التجربه ماينحكـى بـه
أدبنا كان مثـل الجـدي لامـع=في ليل السرمديـه يقتـدى بـه
بنوه وشيـدوه أهـل التجـارب=وحفظ تاريخ من عصر الصحابه
لكن اليـوم شفنـا فيـه ريبـه=ظهر جرحـه بعـد زاد التهابـه
قصيدٍ مات مـن قالـه وباقـي=والاخر مات في لحظـة شبابـه
والشعر اللي ينومس من يقولـه=غزاه اليـوم هالجيـل وثعابـه
غزتنا اليوم أساليـب الحداثـه=وشعر الامـس مغبـر ٍ كتابـه
وانـا مانـي بضـد ٍ للتطـور=اعشق جزل المعاني والصلابـه
واللي قال الشعر شعر الحداثـه=على الموضه يحث خطا ركابـه
ترى جيـل الحداثـه للقصيـده=حناهـا كنهـا قـوس الربابـه
الجاهل ينخدع بإسـم الحداثـه=أساليب ٍ بهـا أنـواع الغرابـه
تراها البعد عن مـوروث أهلنـا=وتفكيكـه لجـل يسهـل ذابـه
لينشـأ جيـل ماعنـده ثقافـه=معزول ٍ عن تراثـه وإنتسابـه
تجـارب غيرنـا كـم علمتنـا=إيضاح لعتمة الـدرب وضبابـه
ترى عمـق المعانـي للقصيـده=يلبسها الحسن وأجمـل ثيابـه
لكن تبسيط وإيضـاح المعانـي=يخليهـا كمـا البيـت الخرابـه
لو مروا ناس حول البيت واجـد=محد منهم يطالـع فـي زهابـه
لو أعطاهـا محررهـا مساحـه=سـواة الـلال لوغـرك سرابـه
تقرى أول بيت بس من القصيده=تلقى قدامهـا خمـس ٍ تشابـه
والشعر الحر والشعر العمـودي=مع الاردو لهـم رابـط قرابـه
كثير النـاس مايفهـم عليهـم=مفروض يضمهم بنـد الخطابـه
ويفك الشعر أهله مـن عناهـم=زمان العولمـه محـد ٍ شقابـه
ومجلات الشعر صـارت تجـاره=وكنزه جاه مـن بـاع وشرابـه [/poem]
تركي عبدالله الشدادي
رد مع اقتباس
المشاركة الأصلية كتبت بواسطة الهنوووف
