اهداء من الشاعر فلاح مطر الهفتاء المحلسي
[frame="7 80"]
[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سلام يامطير الثلاث المعجزات=ياهل اسيوفن قاطعه مرهفاتي
سلام ياللي كاسبين الصعيبات=ياهل افعولن ماضيه حاضراتي
مني تحيه في جزيلات الابيات=لمطير مهديها هل النايفاتي
وابدا بهلا الجدعاءوعيال السيالات=املحقين اجيوشها الطايراتي
الطايرات الميق راحن نفايات=جنحانهن في جوها باقياتي
من يجهل اللي صار بالعاذريات=واللي حذفو في جوها الغايراتي
نعم اعيال العودنعم العبيات=احرقتم الطيار مثل الشواتي
يوم اعلنو ماعاد فيه خيارات=اخترتم الصعبات دون الغناتي
صفرن غنات اللي كسبها غيمات=يوم الخيار ابموتها والحياتي
امسجّلين المعجزه بالسجلات=الاوله لمطيربالمعجزاتي
والثانيه عشرة عوارض لها ثبات=يوم الرشيد وحذفته للعباتي
في جو مشذوبه حصله سوايات=اقشر صباحن شاف واصعب بياتي
والثالثه سوّا البصيص حكايات=برض العراق بدجلته والفراتي
ماجد مشاري قادها بالوسيمات=فوق الاصايل مدرّبه مسرجاتي
ومطير تسندله بذيك المهمات= وضحيّة المطران عبّاس ماتي
فخري امطير اهل السيوف الصقيلات=اسيوفهم ورماحهم حامياتي
اهل الخيول المسرجه والاصيلات=لاصاح صيّاح الضحا جاهزاتي
سقم الحريب اللي ذكر كل مافات= افعولهم بخصومهم واسماتي
مافرّقو في عيشها والمنيّات=متساويه في موتها والنجاتي
ارخصتم الارواح مابه مراوات =عدوانكم من فعلكم في شتاتي
هذي افعول مطير ماهي غريبات=فعول المطيري باقيه شامخاتي
لعلوى وعبدالله ولبريه وقفات=هم عزّنا حاضر وبالفايتاتي
وشيوخنا الدوشان ان راحت وجات=لاوردوهن يرجعن شارباتي
حريبهم ماذاق للنوم لذّات=يقنب قنيب اذيابتن جايعاتي
امشدّدين اخصومهم عشر شدّات=على الوجه ماعاد فيهاألتفاتي
دوشان عز مطير في كل حالات=رجال الفخر والعز بكل الصفاتي
هذي افعول مطير ماهي خرفات=عدوّنا لسانه نشب بالهاتي
حنّا هل الردات كسبنا المعجزات=اهل الثلاث المعجزات الثّباتي
يشهد لنا تاريخها بالروايات= يحكي لنا تاريخا والرواتي
[/poem]
[/frame]
رد مع اقتباس
المشاركة الأصلية كتبت بواسطة صادق الود
