[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على الله ياحال ٍ نهارين ماهـو حـال=حبيس القلق من حاجة ضيقـت بالـي
توارد علي أهموم ماكنهـا الا جبـال=لها بالصدر ياعالـم الغيـب مدهالـي
علومٍ تخلي راجح العقل فيـه أهبـال=زمان الشقى والمر غطى على الحالي
وانا لابغيت اسج وابعد عـن الازوال=تعليت في حزمٍ مـن الدايجـه خالـي
انزه جنابي عن مقاعيـد قيـل وقـال=وأدور على سلوان قلبٍ ماهـو سالـي
وشبيّت ضوي ونكسر فوقهـا فنجـال=مسويه فـي يمنـاي ودلالـه أدلالـي
علي جالها أهدى واتحيل عساي احتال=على الضيقه اللي مالها اول ولاتالـي
يداعبني الغربي واهج الضلوع اكتـال=يبرد على صدرٍ شكى جذوة الصالـي
أخايل سحابٍ بارقه بالدجـى عمـال=يعيد الحياء لرضٍ شكت طول الامحالي
يقولون ما يزمل من الكايـده رجـال=وكم كايـده حطيتهـا وقـاه لنعالـي
لكن المصيبه لاتردا النصيـب ومـال=وهزمني زماني لاني أحارب لحالـي
يكسر طموحي قدم عيني وانا مهتـال=شرات القزاز اللي تحدر مـن العالـي
وانا لاذكرت اني عصامي وطيب فال=ترحمت للي يفـرح بطـاري افعالـي
وتمر السنين وراعي الذاهبـه رحـال=يدور عسى العقلان فزعه من الوالـي
[/poem]
رد مع اقتباس
المشاركة الأصلية كتبت بواسطة برق الوسم
