[align=center](((عاهدني بالله ترده لمستوره)))
هذه قصه مزلوه واخوياه وهو ينتمي للبليحيه من قبيلة الظفير حسب الراوي.
كان مزلوه رجل بواردي ناتوف بمعنى الكلمه وعشيقته اسمها مستوره وذهب ذات يوم مع ثلاثه من اخوياه وهم شايب وولده ورجل ثاني وكلهم من الظفير لغرض القنص ولما وصلوا المقناص قال الشايب انا ابي اقعد عند الركايب واسوي لكم الغدا وانتم روحو وهاتو الصيد ذهب كل لوحده وجوهم قوم وامسكو بولد الشايب واخذوه ولما شافه ابوه ركب الذلول وذهب لمزلوه وخويه يصيح وعلمهم وارجعوا الى موقعهم يتدارسون الراي ولد الشايب رجال ذكي ابتكر خطه للقوم وقال لهم انتم الحين مسكتوني واخوياي ماهم مخليني وتراهم كلهم بوارديه لاكن لكم عندي راي ياعقيد القوم ارسلني الى خوياي ومعي اثنين من الرماه الماهرين عندك وخلهم يحطون البندق بظهري كأسير وانا اعطي اخوياي الامان على انفسهم ولكم ركايبنا وسلاحنا على سلامتنا واذا ارفضو رجعوني واذبحوني وافق العقيد على ذالك وارسل اثنين من خوياه واحد على ذلول والثاني يسوق الاسير بالبندق قدامه ولما اقبلوا على مزلوه وخوياه عرفوا خطة خويهم قال الشايب تكفى يامزلوه اذبح الرجال قدام يذبح اولدي قال له ((تعاهدني بالله ترده لمستوره)) يعني عشيقته قال ابك والله لجلس عند ركبتها وعلمها بما فعلت قال مزلوه والله مايمطخ الخمس خله يجي في محكر الرمي قال خويه ازهلو راعي الذلول .
ولما اقبل عليهم خويهم مع القوم قال ياهل الركايب عليكم الله وامانه ركايبكم ماخوذه وسلاحكم ماخوذ وارقابكم سالمه ولما وصل محكر الرمي خويهم نهض احجاجه لمزلوه وراغ بسرعه واذا العدو مكشوف وقد اطلق النار عليه مزلوه بسرعه واصابه بجبهته وقتله وليا راعي الذلول يتدلى مع يدها من خوي مزلوه واذا بالأسير سالم وغانم شالوا على ركايبهم ومزع الشايب عرفجه وضعها على كفه ووضع قدر الغدا على العرفجه بكفه ونحاشوا عن القوم.
((وسلامتكم))[/align]
رد مع اقتباس
