دار ابوجاسي
[poem=font="Simplified Arabic,6,black,normal,normal" bkcolor="transparent" bkimage="backgrounds/12.gif" border="none,4,gray" type=2 line=0 align=center use=ex num="0,black"]
عسى مزن ٍ بنوه حاجبٍ برقا الخيال خيال=مراد يمٍ على الكل الوطا عزت هماليله
مجــاهيمٍ ربابه كن صابــه من هواه جفـال=تغـشا كل جوٍ في هزيع الليل ترتيـــله
كما ليـــلٍ طعن جوفــه لميع البارق الشعال=بعد ما ارخا سدوله وانحدر فترت محاميله
تنثر من قــواريـر السحــاب المـرزم الهطال=أســاريره تهــلل والسمــاء تشرب قنــاديله
على دار أبــو جاسي ياعـلــها لصــادق الهمــال=ربيع أهــل القلــوب اللي تباشر فيه وتجيــله
تسيل من النفــود لشرقي العبــله لحـد الجال=شهــر ألين القسومي في علــوه ينزبر سيـله
ربيعه مثل موجٍ ينكسر في جوفـه المـــوال=سقــاه الوبل رحمــه كــل تسبيحــه وتهليـله
علـشـان أن فيـها للحــبايب والـغـلا منزال=فــداها كل حــلـمٍ للصبا كانــت مداهيـــله
لها في عيوني أجمل صورة للعــز والأمـــــال=وطــن ودي لو أخذ من سنين العمر وأهديلـه
وفاء ياديرتي يادار ربعٍ للوفــاء مدهــــال= أجل لو كان ماقـلت القصــايد فيــك منهي لـه
أشوفك في حبيبٍ يسرق النظرة وهو يختال=يــشـم ورودك اللي كــنــها خـده و أغــنــيله
أغـنــيــله ويسكت كل لحنٍ بالهوى لا مال= تكـسر لــه قــلوب وويـن اســافر يامظـاليــله
كـثر هجره وأنا مشتـاقــلك واشتاق له بوصــال=ولو زاد الجــروح وجيت يمـك تبت مــاأجيـــله [/poem]
خالد محيسن
رد مع اقتباس
