طلب خاااص قصائد سحمي

[مذير الريم]

السلام عليكم ورحمة الله وبركاته

ماأعرف كيف ابداء بلموضوع لاكن انا عندي طلب وأتمنى ألاقي له صدى في منتداكم

انا من عشاااق سحمي الحيميداني
وأجمع قصايده

بس قصائد سحمي الي أعرفها قليله جداً

ياليت اي أحد عنده من شيبانه أو أهله أحد يحفض شيء لسحمي

يفيدنا ويكتب لنا وربي ان سحمي مدرسه شعريه بروحه وحرام تضيع قصائده

أتمنى كل من يحفض شيء يكبته

ولا يبخل

وانا عنددي بيت بس مخربط ومدري وش الصحيح الي يعرف يصححه ياليت مايبخل علينا


أنا فوح صدري فوح قدر(ن) اليا طفر
لو صكو عليه اثنين ازرو يطمونه

وانا دمع عيني كل ماهل له شهر
عواهيج(ن ) وأغضي عن أهلي لايشوفونه

نوج(ن ) تصب دموع ونوج(ن) دم(ن) حمر
وونوج(ن) عواهيج(ن) هل الطرش يردونه

تكفون لا تهملون الموضوع ابي اي شيء عن سحمي

حتى له اخت شاعره وشعرها يجنن ياليت الي يعرف لايبخل علينا

[برق الوسم]

وانا عنددي بيت بس مخربط ومدري وش الصحيح الي يعرف يصححه ياليت مايبخل علينا


أنا فوح صدري فوح قدر(ن) اليا طفر
لو صكو عليه اثنين ازرو يطمونه

وانا دمع عيني كل ماهل له شهر
عواهيج(ن ) وأغضي عن أهلي لايشوفونه

نوج(ن ) تصب دموع ونوج(ن) دم(ن) حمر
وونوج(ن) عواهيج(ن) هل الطرش يردونه

تكفون لا تهملون الموضوع ابي اي شيء عن سحمي

حتى له اخت شاعره وشعرها يجنن ياليت الي يعرف لايبخل علينا

مذير الريم

هلابك اخووي وحياك الله في منتدى بني عمك

بالنسبه لسحمي الحميداني انا والله معرف عنه شــئ

وأضم صوتي الى صوتك ونوجهه للحمادين اللذين يعرفون

شئ من قصائد هذا الشاعر0000000

بالنسبه للابيات اللي انت كاتب

والله مدري عنهاا ولاكنت ادري انها لسحمي

وانا سمعتها من واحد عتيبي يغنيهاااااااااااااااا

وحفظنه منها بعض الشئ وسوف اضعهاااااااا

هنااا حسب معرفتي يمكن تكون صح ويمكن تكون خطاء


وهي كاالتالي

[poem=font="Simplified Arabic,6,white,normal,normal" bkcolor="transparent" bkimage="backgrounds/38.gif" border="none,4,gray" type=2 line=0 align=center use=ex num="0,black"]
انا دمع عيني كل مازل لي شهر =هماليل واغضي عن هلي لايشوفونه
نوب يجي دمعٍ ونوب دم حمر= وتجهش كما عدٍهل البوش يردونه
سبايب عشيرن كل مامرني حدر= تقافى وحال ملولح الحزم من دونه
ابو لبةٍعفراء وطوقٍعلى النحر =ومااخبلك ياللي تعذل القلب من دونه
ولايااهل المجمول ماعادب بي صبر= هاذي بنقي فيماتقولون مرهونه
أنا فوح صدري فوح قدر(ن) اليا طفر=لو صكو عليه اثنين ازرو يطمونه [/poem]


والله هاذا اللي انا اعرف
ومدري وش صحه من الخطاء اعذرني

واتمنى من الحمادين ايراد الصحيح

تقبل كل الووود / برق الوســـــــــــــــــم

[ابونادر]

مذير الريم

حياك الله وياهلا فيك بالنسبة لقصايد سحمي هي فعلا تستحق من يجمعها ويحفظها و لكن المشكلة ان قصايد سحمي قصيرة ومتفرقة وبعضها يتشابة مع قصايد شعراء غيره .

على كلا سوف نحاول ان نجمع مانقدر على جمعه وحفضه أن شاءالله .


وعلى فكرة القصيدة التي ذكرت أنت ولاخ برق الوسم , ليست من قصايد / سحمي مع ألاسف .. ؟




..

[برق الوسم]

هلا بونادر

انا قلت والله مدري اهي لسحمي والا 00لا
وانت ابخص شكرا لمرورك تحياتي برق الوسم

[مذير الريم]

إلا هاذي القصيده لسحمي لاكن كيف منتدى كامل مايكتب فيه شي لسحمي وهو اهم علم من اعلام الشعر للحمادين

[غنام العرافه]

مساء الخير يابرق الوسم بالنسبه للقصايدالشاعر المرحوم/سحمي بن مرزوق الحميداني كثيره ومنها مايقول فيها
************************************************** *
أنا من عنايه وقت في عالي المرقاب * رمـــاني زمــــاني للــبهاذيل والسبره
أنــا جالسن والكبد فيها تقل مشهاب * واليا من بغيت أنزل منه تسبقنيالعبره
وأنــا ونتي يـاحمـود ونت قريص الداب* كما ونت المكسور مازينوا جـــــــــــبره
على جادلاً من دونها حالوا الاقـــــراب* أنـــــا مــــاقدرت أنـساه والعين مندبره
وحتىالزمن ياحموديسعى بفرقاءأحباب*وعـقب العسل ذوقني المر والصبره
تـعـــاندت انا وا الـــزمن الـــزمـن غـــلاب*يقول أنت ابا أخليك لاهل الهواء عبره
ولالي زمــــيلاً يخــــفـــف مـــن العــذاب*وحتى سلوك الخيط ســــاعدته البره
وقولوا ترى سحمي توفى ونجمه غـاب *على المارد اللي يدهله بينوا قــــبره
وأنا ياهلي جرح الهواء بالحشاء ماطــاب*ومــن مـات مـيت فيه مـاتنفع الـدبـره
************************************************** ** لاتــقولون مــجنون يـــــاعـرب ***** راعي الــود مـثلي هذا لــونـه
أزعج الصوت ماهاضني طرب ***** والــــجاويد مثلي يعـــــذرونـه
يابس الكبد عطشان ماشرب ***** ليت أهل داعج العين يسقونه
يــــأهل الهجن لاصابهن جرب ***** لازمن في سفركم تمرونـــــه
رفـــــت العين وحجاجها ضرب ***** جــــــالها علمها قبل تــــلفونه
لابـــعيداً ولاقـلت له قـــــــــرب ***** لاوصلته ولاجـــــزت من دونــه

************************************************** *
يــــــافهد ليت كلٍ على شـفه ***** في سلـــــوم العـرب والمواجيبي
ودي آخذ مع البيض لي هـفه ***** قبل في عــارضي يطـلع الشيبي
شبه وضحاٍ مع الذود ومختفه ***** قــــــلدوها الــــجرس والدباديبي
قــام ينــدبلها طـــاير الحـفـــه ***** شـــاف بـــالمد نقع وتشـــــاريبي

************************************************** **

أنا في خميس مشيط وجدي على فرقاه**على كور حـمراً ماتحفى سماريها
وأنــــا عيني القشراء تهيض على طريــاه**تهل العباري وازرق الدمع غاشيها
ولا يــــــاوجــــودي وجد من ضدته دنيـــاه**قليل المواشي والعصاء مـايقديها
وأنـــــــا تـل قلبي تل غربن نتله أرشــــاه**عــلى حــايلاٍ ســواقـها مايداريهـــا

************************************************** **

أنا أحفيت من راس الطويله عراقيبي **واليا جيت أبا أقعد في غباء الخد ماداني
عشيري غدالي من كبار الــعواقـيبي **مثل راع الآشعل يـــــوم عــاقب أدبياني
عــــليهم هبوب النود تقفي وتوميبي **كما أوماي ريشٍ نايشٍ رووس عــيداني
وقـــف سـلم خلي ماتجيه المناديبي **وأنــــا عـنه قفتبي ضعــــون الحميداني


علماً بأن القصايد أطوال من ذلك وارجوا المعذره ، وهذا كل ما جمعته ،
وتقبـــــــــــــــــــــــلوا تحــــــــــــــياتي وأشــــــــــــــواقــــي،،،،،،

[سليمان بن ناصر القصيم]

الاخ مذير الريم.........هلا ومرحبابك وبالنسبه للشاعر سحمي فهو يعتبر من فطاحلة الشعر النبطي والدليل ان قصائده مازال اغلبية الناس يرددونها ويسألون عنها .........اختلطت قصائده مع قصائد الشاعر الكبير دبيان بن عساف فاصبح الكثير لايفرق بين قصائده وقصائد دبيان..
اخي مذير الريم/ القصيدة التي ذكرت ليست للشاعر سحمي مثل ماقال اخوي ابو نادر وكان بودي ان تخبرنا عن القصائد الموجودة لديك حتى يمكننا البحث عن القصائد التي ليست موجوده عندك
وللمعلوميه.....هناك عدة قصائد للشاعر سحمي موجودة في ديوان الشاعر محسن الاصقه في جزءه الاول والثاني على ما اعتقد.............

من قصائده بحثت عن تكملتها ولم أجدها

الا ياعيون اللي قضب خالـــد الهماش =حديدة نظر ومخالطه زين جوهرها
ليا شافت اللي بالحباري تقـل هباش =تبدت براسه والدجاجــــــه تخطرها
طويل المعنق والمبيسم تقول قماش=سبقني عليها ولد عم(ن) وحجرها

وسلامتك وترى لابيات هذي ماهي مرتبه
تقبل تحياتي

[برق الوسم]

الا ياعيون اللي قضب خالـــد الهماش =حديدة نظر ومخالطه زين جوهرها
ليا شافت اللي بالحباري تقـل هباش =تبدت براسه والدجاجــــــه تخطرها
طويل المعنق والمبيسم تقول قماش=سبقني عليها ولد عم(ن) وحجرها

الاخ سليمان بن ناصر القصيم


عندك نقص بعض القصيده بالبيت الاول والذي نسمعه

هــــــــــــــــــــــو

الا ياعيون اللي شبك خالد الهماش= حديد النظر ومخالطه زين جوهرها

مثل سبقني ولد عم(ن)وحجرها

والصحيح سبقني ولد عم(ن)عليها وحجرها






اخواني اعضاء منتديات حمادين نت كووم

من لم يجيد ويعرف قصائد الشعار مثل سحمي

رجاء يبحث عن المصدر ويتاكد او لايكتب شئ ماهو متاكد منه


والحين صار اختلاف بين ابو نادر وبين مذير الريم

عند القصيده وسوف تكثر الاختلافات

وانا ماقلت ان القصيده لسحمي او نفيتها عنه قلت لكم انا سمعتها

من واحد عتيبي وماادري اهي لسحمي والا000000 فقط لاغير

والمطلوب من اقرباء سحمي او ابناءه اذا كان له ابنا او احفاد هم المسؤلين

عن قصائده //والمفروض من من اهتم بالامر ان يبحث ويضع نبذه كامله عن سحمي وقصصه وقصائده ويكون مصدر للجميع ///

لتنويه فقط // والسلام عليكم /// برق الوســــــــــــــــــــــــــــم

[برق الوسم]

اخوي قايد الطيب

هلابك منور بالنسبه لقصائد سحمي معرف عنها شئ

واللي اعرفه واسمعه من الناس ان سحمي شاعر حميداني
اما القصيده اللي سبق ان نوهت عنهاااااااااا قلت لكم انا سمعتها من واحد عتيبي ولم اعلم هي لسحمي والا 00لا

وبالنسبه لتوجيه ردك لي انا // انا مالي دخل في سحمي وجه ردك للحمادين هم اولا وابخص مني ///بذالك ويهمهم الامررررررررررررر


تحياتي لك برق الوســــــــــــــــــــــــم

[سليمان بن ناصر القصيم]

الاخ برق الوسم/////////فالك المليوووووووووووووون

[مذير الريم]

شكر خاص للأخ قايد الطيب علا الأبيات الي جابنها

بنسبه للقصيده الي انا كتبت تراي ماعندي مصدر إلا امي وجدتي لأكثر ولا أٌقل


ولا أختلف مع أي شخص علا مايكتب الي عنده شيء يكتبه بنسبه لي انا عندي عدة ابيات


بس نفس الشي مصدرها محدود جدن



أحب قصيده لقلبي
[poem=font="Simplified Arabic,6,darkred,normal,normal" bkcolor="transparent" bkimage="backgrounds/12.gif" border="none,4,gray" type=2 line=0 align=center use=ex num="0,black"]
انا من قطر مليت يامال فرقى العين=ولابه ذلولٍ(ن)توصل الحي من حيه
وأنا هقوت اني ابا الحق الحوله المقفين =عطوني حذيات(ن) يوقن رجليه
وانا من هلي ماني باغ(ن) ياكود سعين=يحطون فيه الي يجي شربت(ن) ليه
ألا ياعيون موحشن يعجب المهدين =يفز الأمير اليا لفو فيه طرقيه [/poem]

أبيات أخرا غير كامله

احب الخضر يوم(ن) لي صاحب(ن) خضر
حيث الخضر عند التجاجير يغلونه

الأخ الي ييقول قصيد سحمي في ديوان محسن الأصقه

أرجوك تكتب الي تقدر منه هنا لأن انا امووووووت بشيء اسمه سحمي وبنفس الوقت ميزانياتي محدوده

يمكن مااقدر الاقي الديوان ولله انا لو كنت قادره ألاقي ديوان لسحمي ماكنت سجلت ولا طلبت من المنتدى شيء

ارجوكتابه اي شيء عن سحمي ولو كلمه وحده كلمه من سحمي اعتبرها

من ذهب

[غنام العرافه]

يعطيك ااااالف عااااافيه ياااااااابرق الوسم ومشكووووووور

[غنام العرافه]

هلا وغلاء بمذير الريم وهذا من طيبك ومسااااااك طيب

[ألماس]

أخواني أعضاء المنتدى لكم مني أطيب التحية أما بالنسبة للشاعر المرحوم سحمي الحميداني فأخبركم بأن عندي الكثير عن حياته وقصائدة ولكن سوف اقوم بنشرها قريبا فأعذروني الآن فأنا من صغري أسمع اهل بيتي يتحدثون عنه وعشقت أخباره وقصائده

رحم الله سحمي العرافه الحميداني

[برق الوسم]

يمكن مااقدر الاقي الديوان ولله انا لو كنت قادره ألاقي ديوان لسحمي ماكنت سجلت ولا طلبت من المنتدى شيء

هلا مذير الريم

وحياك الله بمنتداك بين اهلك وربعك

والله يهداك يعني لولا قصائد سحمي ماسجلتي

ولاطلبتي شي وش دعووه المنتدى منتداك وحياك الله في اي وقت

وابو نادر فيه الخير والبركه ومن لديه اي قصائد للشاعر سحمي ينشرها

ومشكورواعتقد الماس عنده المطلوب وباانتظاره لك تحياتي برق الوســــــم

[ابونادر]

ابو وسم مساك فل وعسل

انت كثر الله خيرك من البدايه قلت انك لاتعرف شاعر القصيدة

المشكلة ألاخ الذي يسئل عن قصايد سحمي وينسب قصايد غيره له ويصر على خطاه بعد .


الحقيقة كنت متحمس اجمع قصايد سحمي من اجل توثيقها بالمنتدى . لكن ألان سوف اجل الفكرة لوقت لاحق وحتى تهدى العاصفة ..

[برق الوسم]

هلا بونادر

الاخت مذير الريم تسال وانت فيك البركه

وماتقصر وانا والله ياخووك مقدر اخوض بمثل هذا الموضوع

من باب حفظ الحقوق الادبيه للاخرين وانا قلت اللي انا اعرفه
من الناس واسمع ان سحمي شاعر وحميداني بس لااكثر ولااقل

وانا سمعت القصيده اللي انا ذكرت من واحد مو مطيري بعد وكنت اغنيها انا وياه ومن كثر مانرددها حفظت بعضها ولاادري اهي لسحمي والا لغيره الا من مذير الريم وموضوعه وماعندي اي اعتراض ومالي دخل بالموضوع
كلوووه تقبل كل الووود برق الوســـــــــــــــــــــــــــــــــــــم

[مذير الريم]

نبي قصايد سحمي وش دخل العواصف

الي عنده شي يقدر يفيد ياليت مايقصر ياليت

[رهوفه]

السلام عليكم ورحمة الله وبركاته

شرفتنا بنضمامك الينا اخي مذير الريم قصائد بالفعل جميلة

وانا دمع عيني كل ماهل له شهر
عواهيج(ن ) وأغضي عن أهلي لايشوفونه

مع اني ما بعرف الشاعر وهذي اول مرة بقرأ هل ابيات لكن سوف احاول مساعدتك اخي

والحمد لله الاخوان ما قصروا الف شكر لهم

اختك رهوفه

[مذير الريم]

هلا بك رهوفه حياك شاكره لمرورك بس ياأخي المــــــــــــــاس ارجوك لو
عندك شيء لا تبخل به ارجوك

المـــــــــــــــــــاس كان ا هل بيتك يتكلمون عنه اكيد عندهم شئً كثير

لو سمحت لا تبخل علينا

[ساحر البيان]

السلام عليكم ورحمة الله وبركاته
بما ان هذي اول مشاركه لي ودي اشاركم في هذا الموضوع
لانه يخص الشاعر الكبير سحمي الحميداني وهو من فحول الشعراء
و مثل مايقول اخوي سليمان بن ناصر ان كثير من الناس مايفرقون بين شعره ودبيان بن عساف السبيعي مثال ذالك القصيدة اللي يقول فيها دبيان :

لاتقولون مجنون ياعرب=راعي الود ياناس ذا لونه

ياهل الهجن لاناشهن جرب=مرروني تراكم تمرونه

أزعج الصوت ماهاضني طرب=والأجاويد مثلي يعذلونه

يابس الكبد عطشان ماشرب=ليت أهل داعج العين يزونه

عود موزِِِِِِِِِ لحوض اللزا قرب= أه ويلاه ياهزة إغصونه

هذي اختلفوا فيها منهم من يقول لدبيان ومنهم من يقول لسحمي

ولاكيد انها لدبيان والله اعلم
والسلام عليكم ورحمة الله وبركاته

[ابونادر]

ألاخ ساحر البيان


اسمحلي اقول انك غلطان القصيدة لسحمي 1000% وليست لدبيان

وهذه يمكن القصيدة الوحيدة التي ليس فيها شك ابدا



وشكرا ،،،





..

[الساحل الشرقي]

][`-*¤!||!¤*-`][التحية والتقدير لمراقبنا العام أبونادر وللاخ برق الوســـم المدير العام
أشــوف صاير عندكم جدال على قصائد الشاعر ســحمي الحميداني
فاذا فيه تقصير أوعتب فهو موجه لكم انتم الأثنان ؟ تقولون لماذا
أنا اجيب على ذلك
1ــ لم توثق قصائد ســحمي بالمنتدى مع العلم الأكيد ان ابو نادر عنده العلم الكثير عن قصائد الشاعر وشعراء الحمادين الاخرين .
2ــ أتمنى أن يكون فيه قســـم خاص لتراث الحمادين القديم يحكي عن تاريخهم . وعن غزواتهم لانني دورت بالمنتدى عن ( معركة حريقة ) ولم أجد شى يذكر عن تاريخ الأبطال ( هل هو تقصير من الأدارة أولم يوجد مؤرخين موثوق بهم لدى القبيلة . أتمنى من أخوي أبونادر ملاحظة ذلك علما بأنني أعرف أن ابو نادر عنده معلومات كافية ووافية وصادقة عن تاريخ القبيلة ..

تقبلوا تحياتي ][`-*¤!||!¤*-`][

[ساحر البيان]

السلام عيكم ورحمة الله وبركاته
تحياتي أبو نادر يعطيك العافية على هذا التوضيح و معطيني نسبة ماشاء الله
1000%يعني اقنعتني تماماً والله ماورطنا الا يقولون
والمشكله التشابه في الطواريق بينهم ولا اصلاً دبيان ما يعرف سحمي يسمع القصيد ويرد عليه
ماطول عليكم بس القصيدة هذي لسحمي والا لا :
يامـل قلـبِ يقـرع إقـراع شنـه
ــــــــــــ يلعبه الغربي علـى جسـر بغـداد
أقنـب كمـا ذيـبِ إاليمـا حدنـه
ــــــــــــ سحم الضواري وأصبح الذيب ماصاد
وإليـا قنـب لـه قنبتـن جاوبنـه
ــــــــــــ مايفاختنه لين سنا الصبـح ينقـاد
القلـب ونـات العتيـم إصرمـنـه
ــــــــــــ مثل صرام الزرع في يدين حصـاد
على عشيـرن كـل ماقلـت أظنـه
ــــــــــــ جـدد مراسيـه الحويـلات بجـداد
لي صاحبن وادي الدواسـر مغنـه
ــــــــــــ يـم الجنـوب ول يامـال الأبعـاد
هـو يحسبـن الهجـن ماياصلنـه
ــــــــــــ أويحسبـن الحـب تجليـه الأبعـاد
ومن سند الوادي لقـا فيـه جنـه
ــــــــــــ ومن حدر الوادي لقى فيه الأجـواد
لان كثر الكلام فيها بعد
والسلام عليكم

[ساحر البيان]

ودي بس اضيف حاجه المنتديات من اجل الفائدة وليست لتاجيج المشاكل والخلافات وكذلك لطرح المواضيع المفيده
التي تهم القبيلة وبذات الحمادين لان هذا المنتدى هو واجهه لنا امام الناس

[ابونادر]

][`-*¤!||!¤*-`][التحية والتقدير لمراقبنا العام أبونادر وللاخ برق الوســـم المدير العام
أشــوف صاير عندكم جدال على قصائد الشاعر ســحمي الحميداني
فاذا فيه تقصير أوعتب فهو موجه لكم انتم الأثنان ؟ تقولون لماذا
أنا اجيب على ذلك
1ــ لم توثق قصائد ســحمي بالمنتدى مع العلم الأكيد ان ابو نادر عنده العلم الكثير عن قصائد الشاعر وشعراء الحمادين الاخرين .
2ــ أتمنى أن يكون فيه قســـم خاص لتراث الحمادين القديم يحكي عن تاريخهم . وعن غزواتهم لانني دورت بالمنتدى عن ( معركة حريقة ) ولم أجد شى يذكر عن تاريخ الأبطال ( هل هو تقصير من الأدارة أولم يوجد مؤرخين موثوق بهم لدى القبيلة . أتمنى من أخوي أبونادر ملاحظة ذلك علما بأنني أعرف أن ابو نادر عنده معلومات كافية ووافية وصادقة عن تاريخ القبيلة ..

تقبلوا تحياتي ][`-*¤!||!¤*-`][

يا[align=center]هلا بك اخوي // الساحل الشرقي

واشكرك جزيل الشكر على ماتفضلت به لاهنت

لكن ياخي العزيز المنتدى للجميع وليس لبونادر وحده من لديه اي قصه

وقصيدة تخص الحمادين يتفضل بكتابتها هنا وله جزيل الشكر

وانا صدقني مشغول ماقدر احك راسي في ادارة ساحات قبيلة مطير وهو منتدى كبير جدا

العذر من الله ثم منكم ان ماعندي وقت فراغ ابد وانتم فيكم الخير والبركة

وربعا نعاونو ماذلوا وانا اخوك ،،،




تقبل اصدق التحايا والاحتراااام



.. [/align]

[ابونادر]

السلام عيكم ورحمة الله وبركاته
تحياتي أبو نادر يعطيك العافية على هذا التوضيح و معطيني نسبة ماشاء الله
1000%يعني اقنعتني تماماً والله ماورطنا الا يقولون
والمشكله التشابه في الطواريق بينهم ولا اصلاً دبيان ما يعرف سحمي يسمع القصيد ويرد عليه
ماطول عليكم بس القصيدة هذي لسحمي والا لا :
يامـل قلـبِ يقـرع إقـراع شنـه
ــــــــــــ يلعبه الغربي علـى جسـر بغـداد
أقنـب كمـا ذيـبِ إاليمـا حدنـه
ــــــــــــ سحم الضواري وأصبح الذيب ماصاد
وإليـا قنـب لـه قنبتـن جاوبنـه
ــــــــــــ مايفاختنه لين سنا الصبـح ينقـاد
القلـب ونـات العتيـم إصرمـنـه
ــــــــــــ مثل صرام الزرع في يدين حصـاد
على عشيـرن كـل ماقلـت أظنـه
ــــــــــــ جـدد مراسيـه الحويـلات بجـداد
لي صاحبن وادي الدواسـر مغنـه
ــــــــــــ يـم الجنـوب ول يامـال الأبعـاد
هـو يحسبـن الهجـن ماياصلنـه
ــــــــــــ أويحسبـن الحـب تجليـه الأبعـاد
ومن سند الوادي لقـا فيـه جنـه
ــــــــــــ ومن حدر الوادي لقى فيه الأجـواد
لان كثر الكلام فيها بعد
والسلام عليكم

[align=center]
اخي ساحر البيان

كنت اتمنى ان مانقلته حيقية ويخض شاعرنا المرحوم سحمي

لكن مع الاسف الشديد القصيدة اعلاه ليست له وهذه الحقيقة

شاكرا ومقدرا لك جهودك واجنهادك



ولك فائق ألاحترااااااااااام




.. [/align]

[برق الوسم]

اخي الكريم الساحل الشرقي


انا سبق وان نوهت لكم عن عدم معرفتي بشعرا الحمادين

وبالاخص سحمي الحميداني وانما مجهود مني بحثت عن قصائد سحمي


ونقلت لكم ماوجدت ونوهت عنها وقلت من منقوله وليس لاحد عتب علي


وانما بذلت جهد فردي بحت فقط بناءا علىطلب الاخت مذير الريم وسلامك

يالساحل الشرقي تقبك كل الووود خيك برق الوســـــــــــــــــــــــــــــــــــم

[برق الوسم]

اخي الكريم الساحل الشرقي


انا سبق وان نوهت لكم عن عدم معرفتي بشعرا الحمادين

وبالاخص سحمي الحميداني وانما مجهود مني بحثت عن قصائد سحمي


ونقلت لكم ماوجدت ونوهت عنها وقلت من منقوله وليس لاحد عتب علي


وانما بذلت جهد فردي بحت فقط بناءا علىطلب الاخت مذير الريم وسلامك

يالساحل الشرقي تقبك كل الووود خيك برق الوســـــــــــــــــــــــــــــــــــم

[الساحل الشرقي]

تحيه للاخ أبو نادر والاخ برق الوسم على ردودكم الطيبة والدبولماسية ولكن نتعشم بكم أكثر لانكم انتم اللي مواكبين ومتواجدين بالمنتدى بصفه دائمه ونفس الوقت اداريين ودائما المدير الناجح يسعى ويجتهد للتطوير والتجديد
اتمنى لكم ولجميع الأعضاء التوفيق والنجاح والتطوير المستمر لهذا المنتدى

تقبلوا مني أطيب التحيا