هذه القصه صارت علي أنا يوم رحت للرياض حضرت زواج ولد عمي كان يوم الخميس ورحنا ندور شقق مفروشه على شان نريح فيها حنا وعيالنا وعويلنا أربع أشخاص كل شخص معه عائلته وكنا بعز البرد وقمنا ندور بالنسيم من شارع الى شارع حتى وصلنا الى شقق مفروشه أستقبلنا شخص على الكونتر وتفرجنا على الشقق وكل واحد اخذ شقه وأتفقنا على الحساب قال يالربع أبي كروت العائله وعطيناه الكروت قال: حمادين قلنا: حمادين ومن ربع بن حبشان قلنا: من ربع بن حبشان قال : الشقق وراع الشقق تحت خدمتكم وحذف المفاتيح علينا قال : أعتبروها بيوتكم مادامكم في الرياض ومتى مابغيتوا تمشون هاتوا المفاتيح والحساب والله ما أخذ الريال وأمانه من جاء منكم للرياض بلزوم يجيني قلنا : طيب علمنا ويش القصه قال: بن حبشان وهو الشيخ /((غازي بن ماجد بن حبشان الحميداني ))سّوالي معاريف وأنا لولا الله ثم هو كان ماشفتوني في هالمكان وفضايله علي واجد ولو حملته على أكتافي وحجيت به وجيت ما رديت شي من معاريفه علي وتكفون لا تزعلوني عليكم وهذه فرصتي ياااحمادين قلنا: من أنت قال: أنا الشاعر / فهد عافت الشمري أخذنا الشقق وصباح يوم الجمعه لزم علينا بالغداء وتعذرنا وودعناه ومشينا متوجهين للقصيم وكان علينا رش مطر وكنا مع الطريق وكتبت هذه القصيد ه وأرسلتها رسالة جوال الى ولد عمي / نوان محمد مطلق الحميداني أبو(( ريما ))وكان على سيارته معنا أقول فيها::--
يــــابو ريما جــاك شعري وهـو كـله نقـــاش مع طريق العاصمه لين ناصل للقصيـم
ما حلا بعض السوالف على ضرب الرشاش تسمعه وتشوف لاهـب نسناس النسيـم
مــثل طـيب الشـــمري يــوم ســكنا بــــــلاش أشـهـد أنه رد مــعروف حبشان القديــم
أرجوا أن تحوز على أعجـــــــــــــابكم
ودمــــــــــــتـــــي،،،،
أخوكم /غنااااام العرااااااافه،،،،0
رد مع اقتباس
المشاركة الأصلية كتبت بواسطة برق الوسم
