[align=center]السلام عليكم ورحمة الله وبركاته : اخواني الاعزاء
هذي القصيده من البوم شريط (صح السانك )
وارجو ان تنال على اعجاب الجميع وشكرا
( نــجــم اســهـيـل )[/align]
[align=center]
[/align]
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يارجل سجيبي عن الهم والضيق = مالك وراء العالم مشاريه وعتاب
وانا كما طيرٍ بليا مسابيق = يصبح ابمرقابٍ ويمسي بمرقاب
والحال ساترها ولي المخاليق = ماعشت بالمنه ولا برت باصحاب
لابان نجم اسهيل ممرح ولاليق= مثل السجين اللي وراء درفة الباب
صبرت الين ازريت واليوم ماطيق = راع الولع لو قال ابا توب ماتاب
والصيد ولعه والمراجل توافيق = ولاتاتي الارزاق من دون الاسباب
لامسيت في جون العشبه زماليق = على تهو نون البرقه تعقراب
سويتلي صفراً على النار وابريق = واخذتلي من لذت الكيف ماطاب
من بعد سوقه للوجيه المطاليق = اللي سوالفهم رفيعات وعذاب
فرعت باللي ماتشبرق تشبريق = واليا اعترض من دونه الخرب ماهاب
حرٍ مضاريبه تفج المغاليق = من ماكرن دونه مهامات وهضاب
حرشٍ اكفوفه والمناكب مفاهيق = تقول شيخٍ قانتله ابمحراب
واشقر ادقاق الريش مافيه تبريق = والا غبين بين شيهان وعقاب
وهكا النار اليا سطرها بتعليق = يسوى من الدنيا بلا قيد وحساب
تقول معطيني كنوز ومواثيق = وامرن يفوضني على عتق الارقاب[/poem]
.
[align=center][align=center]الـشــاعـر / الرثيع بن حسن الرثيع الصعيري[/align][/align]
رد مع اقتباس
