[align=center]الشاعر الكبير فلاح بن مبرد ومجراتي
السلام عليكم ورحمة الله وبركاته
هذه قصيده للشاعر الكبير فلاح بن مبرد الحميداني المطيري ..
وجدت في ديوانه هذه القصيده فأعجبتني وكلمته وطلبت مجارتها ..
فقال انه شرف له وانه يعتز بها
[poem=font="simplified arabic,5,black,bold,normal" bkcolor="transparent" bkimage="" border="double,6,silver" type=0 line=0 align=center use=ex num="0,black"]
خانت الدنيا بهـا أفكـار مـن فكّرتحيـر=من تخاليف الدّواليـب مـا فيهـا قـرار
لو صفت في يوم باليوم الآخـر تستديـر=ما يجي من حلوها كثـر ماتعطـي مـرار
صار ممشاها بها الوقت مع مجرى عسير=غيرت منهاجها الزيـن والوقـت أستـدار
طمّنت روس الحمايـل مدلّهـت القصيـر=الرجال اللّي مـن أول لهـا قـدر ووقـار
وأرتفع فيها رجال أسم والأ الفعـل غيـر=صار طيب اليوم لأهل المناصب والتجـار
كـم تلقّـي وجههـا واحـدٍ مافيـه خيـر=لانصوه أهـل المواجيـب طيبـه بالعـذار
من عجب ماشفت فيها وانا تـوّي صغيـر=آخر الوقت أشترى الخيل ركّـاب الحمـار
قبـل مايقنونهـا إلا مفـرّحـت النـذيـر=لاسمـع فـي سربـةٍ حاولـت هكالديـار
لا توكّد بالخبـر واوصـل العلـم الأميـر=قال خفت يحاولون العرب مأنتـم حضـار
قال لّه علمك وصل وصّلـك ربـي لخيـر=بس مانرحل عن الدار لو راحـت عمـار
من كتبله طولت العمـر ماعمـره قصيـر=ولاتطول أعمار نـاس كتبهـا الله قصـار
يوم ثاني بالضّحى جاهـم الراعـي مغيـر=صاح بأعلى الصوت يالابتي يأهل البكـار
لجّ كلّ النجع صوت الكبير مـع الصغيـر=وأهل العادات ركبوا علـى قـبّ المهـار
جلّعن مثل القطا اللّـي يبـا نقعـة غديـرصافقه لاهوب صيـفٍ ميبّسـن الخضـار
يوم شافوهم ولحقـوا علـى شـرٍّ وخيـر=اسهمت بمجرّب يوم شاف الجمـع أغـار
ضاريٍ في جدعة الشيـخ باليـوم الكبيـر=لا تلاقـن السبايـا وحـسّ الهيـج ثـار
وارده باللّي تداوي الغليـل مـن المغيـر=مانسى الصيحه وهو يسمع حنين أم الحوار [/poem]
للشاعر فلاح بن مبرد ..
الــمــجـــاراة::
[poem=font="simplified arabic,5,black,bold,normal" bkcolor="transparent" bkimage="" border="inset,8,gray" type=0 line=0 align=center use=ex num="0,black"]
هيض الهاجس نبع شعر من شاعر كبير=شاعرن ينقى الجواهر من اعماق البحار
يفتل وينقض ويغرف من البحر الغزيـر=شاعـرن مأياخـذ الاالنـوادر والخيـار
من فحول الشعر يااخظعله القاف العسير=وتستجيب أله القوافي وتعطيـه الخيـار
الحميداني فلاح ابن مبـرد مـن مطيـر=من رجالن فعلهم واظحن مثـل النهـار
قاس وزنة وقته الي مضى مع الااخيـر=وشاف فالدنيا والايـام ميلـه وانحـدار
واشتكى جور الليالي ومن وظعن خطيـر=يوم شاف الوقت جاير ولهل الطيب جار
والله اني شايفن يابـن مبـرد مايثيـر=يذهـل العقـال ويصيبهـم بالاانهيـار
ذا زمان العولمه صـار بـه مالايصيـر=وبدلت فيه اليميـن الطويلـه بااليسـار
الفلـك دوار والوقـت ماعنـده ظميـر=وش يفيد الصوت ياصاحبي فات القطار
وقتنـا ماعـاد بـه لاشـداد ولابعيـر=من معه مليار شيخن ومن معدن حـرار
ذا زمانن حامل المسك بـه نفـاخ كيـر=والردي فيه اصبح امقدر وشبـاب نـار
ذا زمان البغض والحقد والحسد لنكيـر=والحسد جفت من اسبابه ميـاه البيـار
طمن ازحول المراجل هلا السيف الشطير=واعتلو من لالهم من قديم الوقـت كـار
المعانـي واضحـه للبصيـر ولضريـر=بينه مثل لقمـر مـا ايغطيهـا الغبـار
حكمتن للخالق لبـاري الـرب القديـر=كل ماينـزل لخلقـه مواعـظ واختبـار
والختام اقبل شذى العود مع نفح العبيـر=مع سلامن طيبه الكادى مع نفح البهـار
قالها سلطان مالـه شويـر والاخشيـر=شاعرن مااخذ من اشعار غيره واستعار
من قبيلة حرب كسابت الفعـل الشهيـر=والعرب ماذمهم نعـم فـي كـل الديـار [/poem]
سلطان عوض الحربي[/align]
[align=center]منقووووووول[/align]
رد مع اقتباس
المشاركة الأصلية كتبت بواسطة غنام العرافه
