[align=center]السفينه
يوم قلبي ما عصاك , و ما قدرتي تذبحينه
ليه خنتي فيه و انتي من نفس الديانه ؟
كان ذبحي بيدك ارحم .. من اللي تفعلينه
و ان طلبتك تذبحيني ما ذبحتيني لعانة
كل جرح من جروحي تذكرينه تنكرينه
كن مالك في نزيفه يد خانت بالامانه
ينزف الخافق تواضع لين لطختي جبينه !!
و الا انا ما كنت ابيها توصل لحد الاهانه
قلت: ( من باب الميانة ) صاحبك و تعذبينه ..
لعنبوك ارخي معاي شوي ما صارت ميانة
ღღღღღღღღღღღ
الحلم
اذا اهداك الزهر مرة , فانا اهديتك بساتينه
واذا الهاك بفرح ليله , فانا تهت لبكاك سنين
واذا استضعفتك املاكه و شتتك ملايينه
انا حتى فتات الخبزة اقسمها معك نصين
طموحي , بس اجي و اظفر بشي تستحقينه
تدينته , تسلفته , سرقته , مو مهم منين
كأني من كثر ما ارضى بكل اللي تمنينه
لو انك تطلبين الله يعنيني.. بقول : آمين
( انا ما العب على الحبلين ) وقت الطيش و سنينه
تبيني الحين يوم اني كبرت العب على الحبلين ؟
ترى عند البدو بالذات عيب اللي تسوينه
حلاتك لا عشقتيني .. تعشقيني ليوم الدين ..
ღღღღღღღღღღღ
التمثال
انا جيت اعشقك نبض و مشاعر ما اعشقك ( تمثال )
انا جيت اسكنك واحياك , و ابقى فيك وابقى لك
انا جيت بظما عاشق نعب يطرد سراب اللال
انا جيت استفز رضاك من فرقاك والجا لك
انا ما همت بك عاقل .. انا كنت اعشقك بخبااال
انا ما كنت احبك حي .. انا كنت اعشقك هالك ....
ღღღღღღღღღ
لعنبوك أن مت بيدك وش يفكك من أخواني ... لحزنوا ربعي علي وش اللي تستفيدة
ღღღღღღღღღ
قنوع بمظهري والسم مايذبح ثعابينه**على قول المثل صحيح ماني حلو لكن ماني شين
ღღღღღღღღღ
طموحي بس اجي واظفر بشي تستحقينه**تدينته , تسلفته , سرقته, مو مهم منين
ღღღღღღღღღ
تخونين وتبين ارضى واحد يرضى تخونينه.. انا لاجيت اخونك مع حبيبه ثانيه ترضين!!
ღღღღღღღღღ
واذا قصدك تهين اسمي عشان اتشمت العذال .. حشى لنته ولا غيرك ولا عشرة من اشكالك
ღღღღღღღღღ
ما هقيت أن الهوى عذب قلوب الرجال .. لين ضاع القلب مني وتفكيري سوى
ღღღღღღღღ
ملعون ابو العشق دام العشق دلعها .. لاصارت البنت تامر وتنهينا
ღღღღღღღღ
اذا عندك بعادي عيد ترى عندي جفاك أعياد..وعسى طول الجفا مني يلين قلبك الجامد
ღღღღღღღღ
انا خايف ليا طاح الجمل تكثر سكاكينه..وانا ما عادت اضلوعي تحمل طعنة السكين
ღღღღღღღღ
كل عاذل ردني عنك يالطرف الكحيل** ياعسى الله يقلعه يا عسى الله يقلعه
يامعرض قلب الاحباب للدرب الطويل** السعه لا بارك الله بالضيق السعه
ღღღღღღღღ
اشـتـكيته لـلرفوف ولـلبراويز iiالـهزيله وانذعرت من النياح اللي سمعته في صورها
رحت اسولف للجبال الصم عن قصة iiرحيله مـاتركت متونها الا ينحت الدمع iiبصخرها
ღღღღღღღღ
ولا اناقررت اسافر وامتطي ظهر السفينه***لان مابه شي واحد يستحق اقعد عشانه
ღღღღღღღღ
يـاكبري بـعيني وانـا توني شاب..وأهم كتاب الشعر حاربوني
ღღღღღღღღ
حتى ولو يهوي على نجمي شهاب..يكفيني إن اسمي iiكبيربعيوني
كد قال ابوي ان هبتهم قول ماهاب..ولو يقدرونك قول ماتقدروني
ღღღღღღღღ
مشكله لا جات حاجتك بيدين البخيل..ما يفكك لين تدفع كثر ما يدفعه
ღღღღღღღღ
والـعذاب اللي يذوب بعين من يفقد خليله عندي أكبر من عذاب العين لوتفقد نظرها
والـحبيب اللي صدوده مثل مداته iiجزيله صدعني..واعرفه لاصدعن حاجة هجرها
ღღღღღღღღ
ليه تطعني وانا ميت بليا ؟..ماكفاك اللي حصلي قبل ساعه ii؟..
كن بين همومي وبينك حميا ..جيتكم واحد وجيتوني جماعه ii!..
انت منا والمصايب من هنيا ..كلكم ضدي ترى ماهي شجاعه !!
ღღღღღღღღ
لا جـميل شـفت قـبله ولا بعده جميل العذارى رهن رمشه وانا رهن اصبعه..
والله انـه لـوطلبني طـلوع iiالمستحيل لاطـلعه مـني مـنا يـعني لاطلعه ii!!
ღღღღღღღღ
مـوت فـيني وانـدفن فيك بثياب iiالحداد وان حييت اموت لرضاك واحيابك بهون ..
ღღღღღღღღ
ان روحـوو فانا بري منهم ليوم iiالحساب وان جرحوو قولو لهم ماحركو فيني شعره
شفهم لهم حول السنه ولاخذو مني iiجواب احـسن دوا للي يحاول يستفزك تحقره ..
ღღღღღღღღ
مـاتـقبلت الـفراق ولالـيدي فـيه iiحـيلة آه لـوان الـظروف الـمقبلة تـكشف iiقدرها
لـويعرف الشخص مناوش مع الغيب iiبيجيله كـان جـنبناالمشاكل مـن قبل يوقع ضررها
مـاهقيت الـليله الـلي جـابت الفرقا iiطويلة لين صارت ليلة امس بعيني اطول من شهرها
ღღღღღღღღ
دايم إعرف كل شاعر يهيم بكل واد وانـهم دايـم يقولون مالا iiيفعلون
ღღღღღღღღ
مـن يـسوي بي سواتك يالرهيف iiالاسمراني منهو من الناس غيرك غلطته ترفع رصيده !!
ღღღღღღღღ
جـادل كن الجمال قبالها كتف iiايدينه والقمر لو شاورتله ينزح وتقعد مكانه
ღღღღღღღღღ
ابدوي ما يقود أهل الردا شد iiالاحبال يعسف اليد الشحيحه للعطا حتى اتلين
ღღღღღღღღღ
لوتحن المشاكل عقب حب الخشوم كان حبيّت خشم المشكلة iiوإستحت
ღღღღღღღღღ
غـريبة كـل حـلم يـمر بـرقادي iiتزورينه والاغرب كيف احلم الحلم وارجع واحلمة بعدين
قـبل يـومين شـفتك بـالمنام وقمت من حينه ونمت امس ورجع نفس المنام اللي قبل iiيومين
ღღღღღღღღღ
ما بقي إلا سود الايام تحرمك الرقاد كيف الاوهام إتجراء تسريك مغبون
ღღღღღღღღ
شف غيابك وش يسوي بالصدور iiوبالمباني وانت تدري كيف كانت صدمة غيابك شديدة
والله انـك لـو وصلت البيت متأخر iiثواني مـاتشوف الا بـقايا من حصاه ومن iiحديده
ღღღღღღღღ
الي يخاف من الظما يترك لنا طرد السرااب والـلي مـاهو بقد الظلام ووحشته iiلايسهره
ღღღღღღღღ
في هالزمن مايملي عيون الحسود الا التراب ولا االـحظيظ الـطلقه الي ماتصيبه iiتذعره
ღღღღღღღღღ
اتمنى ان تنال اعجاابكم ..[/align]
رد مع اقتباس
المشاركة الأصلية كتبت بواسطة بـــنـــتـــاجـــون
