[align=center]مجاراة للشاعرين ناشي الصخيني وبرق الوسم
ناشي الصخيني ارق سنود[/align]
[poem=font="simplified arabic,5,white,bold,normal" bkcolor="red" bkimage="backgrounds/38.gif" border="none,5,crimson" type=0 line=0 align=center use=ex num="0,black"]
سلامات ياللي له ليالي وهو ما بات = يساهر نجوم الليل ناشي مغربلته
عليه الهموم غيوم مع هجعة الأصوات = هموم تبذ الحيل والحال ناحلته
وأنا أقول ناشي من سبب غظة الترفات = ضحية غرامه والقراده مطاولته
غنوج ٍ تغنج بالتغنج لها غايات = ولا قلب ناشي يوم هايف وحلحلته
تتله بصد وود وتجدد الكيات = وناشي من التفكير والسهر هابلته
يقول الوصوف حزوف وردوف واللذات = ثمر بيضتين ٍ والترايب مجملته
حمار الخدود ورود وعيونها خدرات = على حظ ناشي بالوصايف مهولته
هنوف ٍ تلوف القلب بالهجر والصدات = غلاها يسل الحال والقلب ناشلته
عليها يجر الصوت ويشايل الحيلات = وانا أقول يا كبر الخطأ ليش مزعلته
وجوده عليها وجد من طاح بالغبات = إنطحته عواصف وغرقت فيه ناقلته
تجود بلوح مع خويه يبا النجات = وخويه لقفله حوت قدمه وميلته
يصيح وينيح ويزهمه والدموع اشتات = ولاهو بيمه روعة الموت مذهلته
ممات الحرج قدمه خويه غدا وجبات = تجمع عليه الحوت قدمه وجزلته
وأنا إن كانهابالجاه والمال والوقفات = أبا أقوم وأنخى كل طيب إلمشكلته
رجالٍ اليا قاموا تروح الرقاب افوات = وقارومقام وتاج الأمجاد حاملته
أببذلك المجهود لو كبرت القالات = اخاف العواذل حبل الأشواك فاتلته
تراني معك بالمال والحال والقومات = إيدين ٍ تبي شرواك ما هي بطايلته
ترى من يعيش أول حياته مع الغظات= يدوبح مشيب الحب داخل مخيلته
مثل مدمن المشروب له بالخمر سكرات = يحاول يكبه بس يكذب بدهولته
وأنا حسب عرفي بالغنادير حب الذات = راع الطيب والمكياج دايم مقابلته
والثاني راع الصالون مثل اليمن والقات = إليا صار ليلة عرس والسوق ناخلته
وفيهن عديمة وصف تسعدك بالحيات = قباله ثواني مرمس الهم زايلته
إليا صار واجب ما تردك عن الطولات = على واجب الطولات والطيب صملته
ماهو حب بعض الناس للشعبثة باسكات = يسولف بامور ٍ بأول الوقت داخلته
ضعيف ٍ مع أهل الطيب ما تلحقه شرهات = تعداه أمور الطيب من نقص مرجلته
شياطين الألسن ماحسب كلمة الشمات = يحاول يشب النار وإن شبت اكلته[/poem]
رد مع اقتباس
المشاركة الأصلية كتبت بواسطة نوووورة
