هل تنام على بطنك ؟ أو تخم الوســاده بالليل ؟ أو تعفس الكنب وتعضه وتسعبل عليه وأنت نايم .. أو تنام في الشوارع كأنك قــــطو,, أوتنام على الكنب وأنت تقرأ الجريده , أوتنام ويطلع ســـــــــــرك ستر الله ســرك ,
[align=center]إذا كانت الإجــــــــــــابه بنعم فـــــإن .[/align]
كل هذه اعراض لرغبه جامحه وكامنه بالزواج وان ما تلاحقت عمرك راح يجي اليوم اللي يقول فيه ابوك لك / (( الله لا يبارك في الساعه اللي جبنا فيها شغاله ** ))
لا تتخذ قرار الزواج إلا وانت في حالة هدوء تااااام بعيد عن الإثاره والعواطف الجياشـــــه .
موتشوف فيديو كليب بعدها تطمر لأمــــك وأنت مشبك أصابعك ومميل رقبتك وتقول (دوروا لي ابي أعرس) أبي أكمل نصف ديني..
أولاَ / مـــــــــــــرحلة ما قبل الزواج ,,
كيف تعرف أنك أستويت عزيزي الشـــــاب وحان قطافك من بنت الحلال..
..... علامـــــات الرغبه في الزواج عند الشباب ..
1- إذا بديت تحب الأغاني وتسمعها بمخمخه وتتخيل أنك تقول الكلام لوحده ..فأعرف أنك (( قـــــاضي يعني قضا علاجك **)) فتلاحق عمرك يا مهدوم البيت وشف لك بنت حلال . بشرط توافر الشروط الأخرى فيك ,(( وظيفه مناسبه , ومبالغ ماليه لمواجهة مصاريف العرس ))) ,,
كذالك إذا صرت تتابع الفديو كليب وتفك فمك عنده ولو ناداك ابوك ما ترد عليه حتى ,, تراك مولي ,
2- إذا بديت تقول يازين بيروت وال إل بي سي والمستقبل ؟ فاعلم أخي الأعزب أنك لو انتظرت سنتين سوف تصدي صواميلك وخصوصاَ ظهرك راح يحلي وتصير بلا مستقبل ,
3- إذا بديت تمشي بالسوق وتتمنى أن البنت اللي قدامك يطيح اللي هي شايلته علشان تصدم فيها وتقول (( ليمون نعناعه )) فاعرف انك على مشارف انك تكون ((سبــــهه ‘)) .... وشــــهار ما يقبلك ولا حتى منتسب
4- إذا بديت تعطر بعطور نسائيه وتقول مافيه شيء _( العطورات ليست حكرا على أحد‘‘ )) فاعرف انك بديت (( تــــخق )) لذالك أكرب عمرك واعرس
ثــــــــــــــــانيـــــاَ/ أثنــــــــــــاء الخطبـــــه ,,
1- انظبط وأبدا صل بالمسجد .واجعل المحافظه على الصلاه تحول دائم من الخطبه الى آخر عمرك ,, لأن أهل البنت يبي يســألون شيبان المسجد ويقولون تعرفون فلان ,, لذالك صل وابدا (( طلطل )) بوجيه المصلين كأنك تدور على أخوانك ,,,,, <<<<< أكره هذه الحركات
2- لا تتهيبل وتروح تتسلف سياره زميلك ( الفخمه ) وترزها عند باب اللي أنت خاطب منهم , لان الخطيبه مصيرها تعرف ان السياره مو سيارتك وبالتالي تطيح من عينها ,,بكيفها .
3- أثناء الشوفه لا تستحي ابد وقز البنت من راسها لرجليها ولا يهمك ابوها ولا أخوانها ((وطقع ما تشوف )) لأن الشرع يدعمك وان قالوا شيء ..قل لهم حديث الرسول صلى الله عليه وسلم ,, ×× فينظر اليها وتنظر اليه فأنه احرى ان يؤدم بينهما ,,,,
4- في الخطبه ان صار فيه مكالمات بعد ما يوافقون عليك , فلا تصير لصقه وعله وريد كل دقيقه داق على البنت ,,(( وينكم فيه )) ؟(( وش سويتوا اليوم ؟)) ما أشتقتي لي.. ؟ وش تسوين . انت على السرير ولا في المقلط ...........؟؟ <<<<يخرب بيت السؤال؟
5-لو ( كتبت كتابك ) على البنت قبل بفتره وبديت تأثث بيتك ..لا تاخذ البنت إلا علشان تختار غرفة نومــــها بسسسسسسسسسسسسس, وإلا باقي الأثاث أختاره أنت وإلا خلها هي اللي تختاره كله ,,, >>>داخ لي الفخر
لأنكم إذا بديتوا تطلعون مع بعض تختارون الإثاث ,فراح يطلع الأثاث مشكله تشكيله عجيبه والوانه كأنها (( شراب تكرونيه بالمربعانيه عند الحرم))))...
كذالك أضبط ميزانيتك على مستوى معين من الأثاث بمعنى ..ما تشتري لي لوحه ب3000الاف والكنبات ب5000الاف ..يعني مافيه توازن وتروح تشتري لوحه ثانيه من (( حلة بن دايــل)) ب20ريال ,ومن أيكيا ب150ريال ..فيصير بيتك كأنه (( حراج بن قاسم )) من كل بحر قطره ..
فتصير مثل اللي بيتهم طين وعندهم (( رولز رويس )) ..
6- أياني وياك تظهر بشكل مثالي (( تراني علمتك ,, وسمع نصيحت أخوك لي الفـــــخر )) طبعا في الخطبه بس خلك على طبيعتك , بحيث تقول للبنت هذا أنااااااااااا ,, مو تصير حبيب بالخطبه وصدام بعد الملكـــه ,
ثــــــــــــــالثــــــــــــــــــــاَ // ليــــــــلة الزواج ,,
ليلة العمر وهي الليله الوحيده اللي تحس فيها أنك أهم واحد بالأحتفال ,, فلا تصدق عمرك ويكبر راسك ,, خلك طبيعي
ولا تكثر من شرب القهوه والشاهي في لليله العرس بعدين تنتفخ مثانتك فتتورط , لأنه صعب إذا جلست مع العروس على ( الكوشـــــه )) فجـــأه تقوم وتقول بعد أذنك باروح الحمام ,, صدقني راح تقول البنت هذا اوله ينعاف تاليه ,,
فلنفرض انك قمت من الكوشــــه .. ؟؟ بعد ما تخلص هل ترجع وتجلس مع العروس مره ثانيه ولا بتطلع من هناك ,..؟؟ بالعربي .. انت بتبلش بلشه ما بعدها بلشــه ..
أما أذا رجعت بيقولون الحريم ؛؛(( جاه أسهال من الخوف من المدام ))
أجل أذا راحوا للشقه بلحالهم وش بيسوي ها الخواف ؟؟
فتصير علك في فم الرايح والجاي وملطشه للصغير والكبير .
2-* ليلة العرس ارفق على السياره حقت الرجال اللي انت متسلفها منه .. لانك ممكن تصدم لانك ما تعودت أنك تكون بسياره كشخه وجنبك بنت ....<<<<<<< وش دراك ,,
3- خلك ذوق واسحب يد البنت وحطها على (( القير حق السياره )) وحط يدك فوقها ولا تكثر تفغيص في يدها لانك بتتهور وممكن يصير لك شيء وإلا يجيك (( شد عضــــلي ‘‘)) بعدين تصدم بأشاره ,, ,,,>>>> لا حقين خير ان شاء الله .. لا تتصربع الله يطامنك باسمه ,,
4- إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين ) وبعد ما تدخلون ( أرقع ×) ذيك الزغروته اللي تهز اركان البيت........ ثبت الله اركانك ,,
رابــــــــــــــــــــــــــــعــــــــــــاَ :: / سواليـــــف لليلة العرس .
الكثير من الشباب في اي المواضيع يطرح ليله الزواج وبرايي انه بالامكان طرح مواضيع تتعلق بذكريات الخطوبه .. والأبتعاد عن المواضيع الرسميه بمعنى تجنب الآتــــــــــــــــــــــــــــي :
1-أنتبه تتميلح او تنكت اكثر من اللزوم لان الموضوع سينقلب ضدك وبدال ما تصير وش زينك تصير (( كــــــخا**))
2- انتبه تجيب طاري (( أمــــــــك)) ليلة العرس , وتقعد تقول لبنت الناس من أول لليله (( أنا بصراحه امي أغلى أمرأه عندي بالعالم )) انا أمي بصراحه ابيك تشيلينها فوق راسك , انا أمي بصراحه ما ابي احد يزعلها , أنا أمي بصراحه مالها غيري ........ الله ياخذ بليسك انت وامك لا هالحين أدخل والسبك بالعقال ,,
>>> يعصب احيانا بدون سبب مقنع , ما عليه رجعت طبيعي , نكمل مافيه شك ان الأم قدرها غالي ومكانتها عظيمه بس لكل مقام مقال , فما فيه مناسبه أنك تجيب طاري أمك , ممكن تأجل الموضوع , لليله آخرى .
3- امـــدح مكياج المدام ,, وفستانها حق الفرح لانها تعبت شهور حتى تظهر بهذا المظهر اللي انت تتمتع فيه أنت وعيونك المغمصه ,,,,
حتى لو كنت ((كمخـــه ) في المواضيع هذه حقت الذوق واللبس ولا تفهم فيها شيء أمدح وخلك عباراتك فيها صدق بحيث تكون الكذاب الصادق ,,
فهذا من شانه يحسس المدام انها جميله بعينك , ويرفع روحها المعنويه , ويخليها تهضمك يابو كوع بني ْ...,,..<< مفروك لين قال بس فتغير من اسود الى بني .
4- انتبه ثم انتبه انك تصير عاطفي او تخق ومن اول ليله تقول للبنت (( بصراحه انا أحـــبك وميت فيك ) ) لانها مؤكد انها مو مصدقتك ( ما أمدى بسم الله تحبها ,,
بصراحه كثير من الشباب محروم من كل شيء (( وفهموها *******عاطفيا**** ))
واول ما تلمس يده يد بنت وطبعا َ تختلف عن يد صديقه (( الضب ))
نخق وبسرعه نسعبل ونقول ؛؛(( الله لا يحرمني منك , أحبك أحبك أحبك ,, ويمكن بعد أسبوع أكرهك اكرهك أكرهك أكرهك >>><< يااااااااي
خلك ثقل وخل سلوكك هو اللي يقول للبنت اني أحبك مو أساليب ((القردنه )) أحبك بعدين تقول لها (( وش رايك نلعب عريس وعروسه )) ترا ها لحركات ما تمشي على البنات التاليات .
مامعنى الكلمات / (( القردنه : محاولة أقناع جاده تتخللها وضع اليد على الكتف مع تنزيل الرأس وكأنك تقول سر للطرف الآخر مع الأتجاه (للقرنه ) أي الغرفــــــه ,,, حلوه منك يا لي الفخـــــــر المراوغه .
خـــــــــــــــــــــامســـــــــــــــاَ //: ملا بس ليلة العرس
1- بعد ما تفسخ ثوبك وشماغك وعقالك ,تروش الله يصلحك لانه ممكن ريحتك تكون طالعه وانت ما تدري من كثر السلام والقلق اللي في قصر الأفراح ولا يهمك أنك راش لك كم (( بــخه ) على الشعرات اللي بصدرك وبارز بها .....>>> تنظفوا (ابتل ) أعلمكم .. هاااااااااه .؟
بعد الأنتهاء انتبه تلبس ملابس تظهر مفاتنك , مثلا تجي بلبس داخلي وفنيله علاقي وتصير كأنك من المصاريه على أيام ابيض وأسود .
2- أنتبه تصير قروووي وتلبس سروال ابو حبل ذاك اللي يخليك كأنك بقره رايحين يبيعونها ..أو تلبس بيجاما حقت النوم المخططه وتصير فيها كأنك الحمار الوحشي ,,
3- للإحــــاطه فإن قمصان النوم النسائيــه ((مشققه )) وشفافه وكلها حركات ,, أنتبه يسول ابليس وتقول (( افآآآآآآآآآ البنت خربانه )).. من هالحين لبست كذا ؟؟ ترا الموضه كذاااااااااا وتطوروا يا بأأأأأأأأأأ عجزت أعلم فيكــــــــــــم ..
إذا لبست لك المدام ( قميص نوم راااااااايق)) ترى مو معناهاااااا ((طب علــّـــي.)) خلك ثقيل ولا جيت هالحين أربط ثقالات برجليك ..
ســــــــــــــادســـــــــــــــــــــــاَ// الخطه المحبوكــــه للقاء الحميــــمي :
1- حـــذاري ثم حذاري وهذاني اقول لك (( حــذاري )) ..تتحرش بالبنت جنسيـــاَ حتى لو كانت زوجتك ,,, فكما يقال (( أحذر أن تبدا حياتك الزوجيه بحادث أغتصـــاب )).. لان البنت مو معنى أنها صارت زوجتك وكتبت ها لوريقه يعني أنها فصخت الحياء وتبيها تصير لعبه بين ايديك ,,
2- أجعل بداية حياتك الزوجيه قصة رومنسيه متعدده الفصول .ليله الزواج تكون بمثابة لقاء بين اثنين للتعارف ما فيه إلا الحديث واذا كثرت امسك يدها ولا تتعدى لأشيــاء آخـــــرى .. عسى يدك الكسر (( ممدين )) هااااه
3- اليوم الثاني انتبه تستقبل اية زيارات من الاهل . او من اهلها . واعزمها في مطعم رايق ولا تجلس تجرجر بالبارتشنز وتقعد تناظر فيه فتحة صغيره مع ها الجهه او ذيك وتسدد فيها وتصير كانك مهندس ( صنادق حمام ) ..أركد وخلك طبيعي ولا قالت البنت وش ( هالعومــه )
4- في ليلة اليوم التالي غالباَ يكون فيه عشاء عند أهل الولد تعشوا واطلعوا ورح أنت وياااااها ( كوفي شوووب )) وأنتبه تقرا الجرايد أو المجلات . وعطها وقتك كله ..
5- اليوم الثالث .حاول تسافر بها عمره بعدين لمدينه جده لسكان المملكه العربيه السعوديه ,او مدينه أخرى لسكان الخليج ,,أو ( لقريح وابو زنه لباقي الدول ))
6- اللقاء الحميمي . لا يمكن تحديد الوقت المناسب له بل تعتمد على الظروف والمتغيرات والتي لا يمكن ان أعرفها فـأنت الذي في أرض المعركه ,فحدد أنت , لانه لا يمكن يجي أحد يحـــــــارب عنك .. واللي ما يجي اليوم يجي بكــــرا ..
وأسف على الإيطاله أحس أن يديني ماهي لي تقطعن ,, وأسف على التطويل
رد مع اقتباس
