[align=center]هـــــب الــشــمــال
هب الشمـال وذكـر القلـب غاليـن
كنه بـراد الصيـف يحكـي عهدهـا
يشكـي مدامـع خافقـي ذاق مريـن
فرقى حبيـب وجيـرة اللـي بعدهـا
قلبي ربيـط احـزان لهمـوم غاليـن
حال(ن)كسير وموجعـه فـي جلدهـا
محبوبتي لادجت عرعر مـع الصيـن
لديار صيدا راجيـا(ن) فـي شهدهـا
مافيـه مثلـه فـي زمانـه مزاييـن
خصره صخيف وريح مسك(ن) جسدها
خدينها رمـان مشمـش مـع التيـن
حورا كمـا بيـض القميـري نهدهـا
عفه وحشمه فيها فطنـه مـع الديـن
مرحه بشوشـه فـي ذرابـه تجدهـا
العنـق عنـق الريـم هـزة مياديـن
يطمـع بصيـده كـل بنـدق وجدهـا
وإلا حلاتـه تذهـل الطيـر شاهيـن
شيهانتـي تبهـر صقـور بهـددهـا
سبحان من صـور برسمـه بساتيـن
مشجـره بـورود نرجـس عقـدهـا
دعيت ربي يحفظـه يـوم عشريـن
طول الدهـر يحفظـه ربـي عمدهـا
علمي بها عامين مدري غـدة ويـن
عقب الخميس ودمع عينـي وردهـا
بلوى زمانا(ن)ماجمعني مـع الزيـن
روحي بقربـه بـس مأقـدر اجدهـا
من عقبها حالي مـن الزيـن للشيـن
قالـوا وليفـك عنـد ربـك وعدهـا
ماعـاد ينفـع دمعـك اليـوم للزيـن
علمي بهم والـروح خـارت شددهـا
والعين تنحـب عبرتـه كنـه البيـن
تنثر سحـاب الديـم تشكـي وحدهـا
صاحت عليه الروح بأقسى المضامين
والعين صابـه مـن فراقـه رمدهـا
خاوتني الضيقه لهـا حـول عاميـن
واضحة تعـزّب فـي منامـي بعدهـا
كني طعيـن السـن مسمـوم بثنيـن
ولا رضيع يصيح لجـل امـه فقدهـا
من لامني فيها عسـى دمعـه يبيـن
يشهق بعبـره يـوم روحـي لهدهـا
ولا مساس جنـون خاطـه شياطيـن
أو هو سجين الضيـم لـف بلحدهـا
يـوم المـلا قـدام ربـي فريقـيـن
أخيرهـم جنـه وبشـرى وعـدهـا
وأضدادهم في نـار ربـي شياطيـن
شرابهـم زقـوم لضـحـو مـددهـا
الشاعر / مطلق بن مطر العنزي
[/align]
رد مع اقتباس
