ياحلو شبتها على طلعت النور

[غريب الدار]

هذه القصيده لابن عمي النقيب ماطر بن خالد الحميداني .. سمعتها منه وقمت بتسجيلها ولروعتها احببت تقديمها لكم..


[poem=font="simplified arabic,5,black,normal,normal" bkcolor="transparent" bkimage="backgrounds/23.gif" border="double,4,royalblue" type=1 line=0 align=center use=ex num="0,black"]
ياحلو شبتها على طلعت النور=لاحافها قرم (ن) مثل علي مسمار
وجهز معاميل (ن) لها فعل مشهور= وحمس من البن اليماني على النار
ويوم استوى بالنجر حطه على الفور= ودنه بصوت(ن) دنته تصحي الجار
وصله على صفرا كما نور بيجور=ثم صب معه الماء على قيس وعيار
ولامنها فاحت وقامت به تفور= ميل عليها حب هيل ومسمار
وردع بها فنجال من شغل دكتور= لين استوت به خنة البن وبهار
ثم ساق فنجال على كل منعور= ربع (ن)على بيته يحبون مسيار
حيثه كريم ودايم الوجه مسرور= ويعرف ماجوب المسير وخطار
ثم سولفوا عن طيبين(ن) لهم دور= اللي يسوقون الدبش يم الاخطار
يم الرشيد وعنه مانقبل الشور= عاداتنا عند اللقاء ناخذ الثار
عاداتنا بالمعركه مالنا سور= اليا اعتلينا فوق زينات الامهار
واهل الكرم في كل الازمان مذكور= ماهي بديعه من قديم(ن) لنا كار
نار الحميداني والآ نيرة السور= تضرب بها الامثال في كل الاقطار
تاريخنا بالمجد والعز مسطور= دايم يذيعونه بنشرات الاخبار
ويابو جديل فوق الامتان منثور= والخد براق سرا يشعل انوار
لاتاخذين اللي به البخل مخبور= شومي لكل مجرب(ن) يشعم النار[/poem]

[حمود العرافي]

صح لسااان قايلها وتسلم يمين ناااقلــها



مشكوور اخوووي ربي يعطيــكـ العافيــه

[صعب المنال]

صح السان ماطر العليم على هالقصيده الاكثر من را ئعه وعز الله يشب النار ابن مسمار ويستاهلون الدويله هذا المدح ولاهنت ياغريب الدار

[صادق الود]

تسلم ياماطر على هالابداع والى الامام مع كل جديد لاااااااااااااااااااهنت

["حميدانية"]

نار الحميدانـي والا نيـرة السـور
تضرب بها الامثال في كل الاقطـار
تاريخنا بالمجـد والعـز مسطـور
دايـم يذيعونـه بنشـرات الاخبـار


اي والله صحح لسانه

[مجرد انسان]

تسلم يمينك على النقل المبدع

[غريب الدار]

حمود العرفي

يعطيك العافية وتسلم يمين قارئها ايضا

وشرفني مروركـ

[غني عن التعريف]

الاخ غريب الدار
اعجبتني القصيده وصح لسان شاعرهاوفعلا نار الحميداني ونار السور شيخ البراعصه من مطير مشهوره ايضا والدليل هذا البيت
اشوف لي بالشفا نيره = السور والا الحميداني
ولااخفي اعجابي بالقصيده كامله وتقبل مروري

[غريب الدار]

صعب المنال + صادق الود

نتاسف على التاخير في الرد وشكرا على مروركم العطر وتقبلوا منى فائق الود والاحترام

[غريب الدار]

ياهلا ياحميدانيه صح بدنك واسعدني مرورك

[من يجاريني]

ويابو جديل فوق الامتـان منثـور
والخد براق سـرا يشعـل انـوار
لاتاخذين اللي بـه البخـل مخبـور
شومي لكل مجرب(ن) يشعم النـار

صح لسان شعاااعرهاا ونااقلهاا
ربي يعاافيك خوويه ع الطرح الطيب
لاهنت....

[ذيب الحمادين]

شكرااااا على النقل الرائع من شاعر رائع والى الامام

[غريب الدار]

الاخ مجرد إنسان شرفني مرورك وتحياتي لك

[( ابن ثعيل )]

صح لسان راعيهها وقصيده جزله ومـــــــــن رجال جزل)))

[غريب الدار]

ذيب الحمادين - من يجاريني شكرا على الاطراء الجميل وشكرا لمروركم

[أميرة المنتدى]

©§§©
©§¤°°¤§©
©§¤°مشكور°¤§©
©§¤°مشكورمشكور°¤§©
©§¤°مشكورمشكورمشكور°¤§©
©§¤°مشكورمشكورمشكورمشكور°¤§©
©§¤°مشكورمشكورمشكورمشكورمشكور°¤§©
©§¤°مشكورمشكورمشكورمشكورمشكورمشكور°¤§©
©§¤°مشكورمشكورمشكورمشكورمشكورمشكورمشكور°¤§©

جزاك الله خيراً على الموضوع الجميل والمميز

©§¤°مشكورمشكورمشكورمشكورمشكورمشكورمشكور°¤§©
©§¤°مشكورمشكورمشكورمشكورمشكورمشكور°¤§©
©§¤°مشكورمشكورمشكورمشكورمشكور°¤§©
©§¤°مشكورمشكورمشكورمشكور°¤§©
©§¤°مشكورمشكورمشكور°¤§©
©§¤°مشكورمشكور°¤§©
©§¤°مشكور°¤§©
©§¤°°¤§©
©§§©

[شمالي]

[frame="3 80"]اخي الكريم ماطر
اسمح لي بهذا النقدلقصيدتك وانا لااحب المجامله ولا اعرف شخصك الكريم من قبل فقد سالت احد زملائك عنك في شرطة الحدود الشماليه فاثنى عليك وهذا لايستغرب عليك اخوي القصيده تعتبر محاله شعريه تحتاج منك اعادة النظر في نظم القصيد ومن ملاحظاتي عليهامايلي
1-بداية القصيده في الشطر الاول جيده ولكن الشطر الاخر من البيت مكسور كسر واضح وبين الخلل نطقا وكتانة
2-البيت الثاني عندك خطا في صياغة الصور كيف ولع بدافوروالواضح من ابياتك انك اردت تصوير اعداد القهوه ورسم صور شعريه وهذه صور صعبه لااضن شاعر مبتدىء مثلك يستطيع رسمها وفي هذا المجال سبقك كثيرون منهم دغيم الظلماوي0
3-البيت الخامس فارغ من المعنىوكسر واضح وخطا في الصياغه0
4البيت السادس بيت متناقض لان ردعة الفنجال للصب وخنة الهيل عندماتفوح الدله فلايوجد تناسق بين الشطرين0
5-البيت السابع الشطر الاول جيد والشطر الثاني ركيك المعنىوالسبب يحبون مسيار0
6-البيت 8-9-10-11ابيات صياغتها ضعيفه جدا وممله والثاني عشرشطر من بيت قديم لم تحسن توضيفه فان نطقته كما كان اصبح مكسور وان ادخلت النفي حرفت معنى البيت0
7-ختاما ادري ان تبي تزعل وزعلك والله ليس هدفي انما هدفي انلاتغتر بمن تثني عليك وهو يضحك فيك فاللذين يردون عليك ليس شعراء وقد تصفحت المنتدى لم اجد لك الا هذه القصيده والناقل وجدت له قصيده في قمة الروعه وتوحي بانه شاعر فحل فاستغربت كيف ينقل هذه القصيده وهو شاعر متمكن ويردعلى اللذين يثنون عليها وهي لا تستحق وتصفحت اسماء اللذين يثنون عليك فلم اجد من الشعراء احد0
ختاما لك احترامي وتقديري لشخصك الكريم فلم اكتب هذا النقد لعداوه انما نصيحه ان لا يضحك عليك [/frame]

[صادق الود]

الاخ الشمالي
اسلوبك هذا غير مقبول ومن انت حتى تنقد هذا النقد الجارج 0وبما انك تقول بانك سالت زميل ماطر واثنى عليه ليه ماكلمته تلفون او ارسلت له على الخاص ووضحت وجهت نظرك في القصيده ارجو منك التراجع عن الخطا والتهجم على شخص محترم معروف لدى الجميع باخلاقه العاليه ومسح رسالتك فابو خالد رجل فاضل لايستحق هذا التجريح وبالنسيه للشعر ياشمالي لايطيب ردي ولايردي طيب والله من شاعر ليس له قدر

[غريب الدار]

الاخ العزيز الشمالي
شكرا على اطرائك على صاحب القصيده وهو صاحب كرم والقصيده تدل على انه صاحب نبل وكرم ويحث عليه والقصيد رساله وهذه رساله رائعه واما نقد القصيده فنيا فهناك ابيات في القصيده كل بيت منها عن فصيده والشطر الاول قمت بتلحينه ليس فيه كسر ومن الممكن ان تكون قرائتك له خطا ففيه فرق بين بن وابن في النطق واما ولع بدافور فاكثر الناس مع التطور يغلون الماء على الدافور وليس على نار الحطب وردعة الفنجال ليس فيها شيءفهي تستخدم قبل صب القهوه حتى تمتزج مع بعضها وفي قوله على بيته يحبون مسيار اي يحبون يسيرون عليه ولا فيها شيء واما ابيات مدحه في الحمادين فهي تشوش الراس وفي غاية الروعه ولا ارى فيها شيء ينتقد واحس ان لها طعم خاص وبالنسبة لنقدك اخي الشمالي فهي وجهة نظر نحترمها وشكراا لمرورك

[شمالي]

تم تحرير الرد من قبل الادارة

[غريب الدار]

الاخ الشمالي

قمت بالاتصال علي صاحب القصيده ماطر العليم واخبرته بنقدك وضحك وقال (بيني وبينك ماهو من حبي لشرب القهوة ) وسبب القصيده انه كان في الثامريه وبعد صلاة الفجر قال له صديقه فهد الكويتي ابي اطلق الابل واشب النار عندها والحقني هناك قال ماطر انا ابي اسلم على الجماعه ما يجتمعون الصباح ؟ قال الكويتي الجماعه كل صبح يجتمعون عند على ابن مسمار يشب لهم النار ويجتمعون عنده حتى سواقين الباصات يمرون وياخذون فنجال قبل ينقلون الطلبه الى المدارس وسير على ابن مسمار وشاهد ما قال له الكويتي واعجبه جمعت الحمادين وعندما رجع الى حفرالباطن واخذ اسبوع بعدها خرج من المسجد بعد صلاه الفجر وعزم احد جيرانه الخارجين معه من المسجد وقال له جاره انه مريض ثم عاد الى منزله وقال (يا حلو شبتها على طلعت النور ) ثم تذكر ابن مسمار وشبت النار وجمعت الحمادين عنده وقال (لا حافها مثل على ابن مسمار ) واكمل القصيده وقد قال لى فكنا من الدافور خلنا على النظام الاول ليصبح البيت (وجهز معاميلن لها فعل مشهور ) وقال لي لحظة عندنا دكتور استشاري اسمه فلاح ابن مبرد سوفا اعرض عليه القصيده واستشيره فيها وقام بالاتصال علي بروفيسور الشعر فلاح ابن مبرد وعرض عليه البيت الاول لا حافها مثل على ابن مسمار قال فلاح الشطر مكسور قال ماطر لا حافها عودن مثل على مسمار قال فلاح الان استقام البيت لاكن انت سبيته يوم تقول عود قال ماطر اجل نقول ونطقوها مع بعض كلمة قرم وهي التعديل الاخير( لا حافها قرم (ن) مثل على مسمار ) ثم قال ماطر بتسميع فلاح ابن مبرد كامل القصيده وبعد الانتهاء قال فلاح ابن مبرد (والله منت هين يا ولد ) وقال ماطر اخاف انك تجاملني يابو بدر قال لا والله القصيده جزله من اولها الا اخرها وهذه شهادة نعتز فيها من قامه من قامات الشعر بالجزيره العربية (فلاح ابن مبرد الحميداني ) .
وبالنسبة للبيتين التي بنيتها مجاراه للقصيده فانا سوفا انقدك في بيتك الثاني يوم تقول توه من الوسم ممطور ثم تقول متشاجر عشبه فكيف يتشاجر عشبه وهو توه ممطور ثم تقول تساقيه الامطار وهنا كررت المعنى وهذا عيب ثاني في نفس البيت.
وارجوا ان يتسع صدرك لهذه الملاحظة والسلام

[شمالي]

تم تحرير المشاركة نتمنى البعد عن النقد الجارح ويمنع اي نقد قد يتحول الا تقال وانتقاص قدر احد بعينه
الادراة

[admin]

ابيات جميلة من شخصية اجمل تنم عن عواطف ثائرة ومتأججه

بارك الله فيك اخوي غريب الدار وبارك الله في شاعرنا الغالي

شكرا على النقل وشكرا على الطرح

ونتمنى من جميع الاخوان ان لايخرج الموضوع عن مساره الصحيح وان لاتثار الخلافات تحت رداء النقد فنقد القصيد مطلب مهم والافضل ان يكون خاصا بعيدا عن الطرح العام

والقصيد ابيات موزونه وابيات مكسوره وابيات مقامة ولابد التفريق بين هذه الامور قبل النقد فالبيت المقام لايعتبر مكسور كما هو متعارف عليه لدى الشعراء

قصيدة جميلة وبالتوفيق

اخوكم ابو عمر

[شمالي]

شكرا اخوي ابوعمر ومع السلامه

[غريب الدار]

ابوعمر بكبره عندنا ولا ردينا عليه ، هذا والله الموضوع المبارك الذي جعل ابو عمر يعلق عليه

وشهاده بالقصيده نعتز فيها ونحن ايضا مع النقد الهادف . وحياك الله يابو عمر