وشلون ترفع ضغط المدرس ؟؟؟
ماصدقتوا ها ... والله اني جننت الاساتذة طبعا ماهو بأنا لحالي طبعا معاي الشلة كل واحد احسن من الثاني في هذي لكن في الدراسة ماعندهم أحد ( الا انا احسن واحد فيهم ) ....
نصائح لتطفيش الاساتذة :
* طبعا اكيد تكون داخل الفصل متاخر ومبسوووط وماهو هامك ولاشي واذا سالك ليه متاخر قوله والله كنت نايم .
* طبعا في المدارس يعطونا واجبات مدرسية صح ... اكيد يعطونا وياحب الاساتذة الملاقيف اول مايدخل مع باب الفصل لاسلام ولاكلام بس كلمة وحدة ( كل واحد يطلع الواجب قدامه) ... وطبعا حنا وش اتفقنا نبغى نجننه فاذا وصل عندك طبعا ماراح يحصل الواجب وش تقوله ؟؟؟؟؟؟؟
بالنسبه لي اقوله والله يااستاذ امس كنت بالمرة مشغوووول ... الحقيقة كان في فيلم يعرضونه لاول مرة وكنت حاب ماافوت الفرصة فتفرجت فيه لكن مايهمك خلاص بكرة اجيب الواجب وعد مني لكن اذا كنت تبغى نسخه من الفيلم اكيد عندي ... شوي وطالع شكل الاساتذة وشلون يصير اكيد تبي تنبسط ولاتنسى تنزل راسك لانه يمكن يخمك كف على غفلة .
* بعد ماخلصنا من سالفة الواجبات يبدا الاستاذ في الشرح وهو في نص الشرح طبعا يكون الاستاذ داخل جو على باله ان الطلاب فاهمين وهم بس يهزون روسهم .. على العموم ماعلينا منهم في نص الشرح ارفع يدك ولما يسالك وش فيك يا ..... طبعا ينادي باسمك قوله لو سمحت ناديني بأدب اكيد راح يعصب هذا اذا ما وقفك لكن راح يسألك وش كنت تبغى ؟ قوله ولاحاجة بس كنت امزح ...:p
* لو جلسك الاستاذ ( ولو تفتح عمل الشيطان ) روح لمحلك واجلس وحط رجل على رجل ونادي الاستاذ ، اذا قالك نعم قوله ولا حاجة بس كنت اجرب صوتي .:D
* اما هذا الشي الي بقوله صدقوني دائما اسويه ... قبل ماتغلق الحصة بدقيقة ارفع يدك واسال الاستاذ سؤال صعب والاجابة حقته تكون طويله فطبعا الاستاذ على نياته يبي يجاوب على السؤال على باله انك فاهم ... فتوه يبي يجاوب يدق الجرس امش وخله يشرح لحاله ....:D
خلاص كذا يكفي بس لاتنسى في نهاية اليوم تروح تزوره في المستشفى اكيد جبتله الضغط هذا اذا مافصلوك من المدرسة ....
رد مع اقتباس
