يصير الشعر لعبه يالصخيني

[عبدالله الشطيطي]

هذه ابيات موجهه للاخ ناشي الصخيني
يصير الشعر لعبه يالصخيني ----- بوقت العولمه والمعجبيني
اقول البيت ويشيله خويي ------- على الموال للقلب الحزيني
يعبر عن شعوره من شعوري ------ وانا بالشعر قافي يحتويني
كتبت وهاجسي جاوب وغنا ----- جوابٍ يبري الجرح الدفيني
احسب اني وفيت برد قافي ------ واثره بسك حرفه مبتليني
شكالي بأسمه ونادا جيته ------ واثر شكواه من عبد المعيني
وانا يابو محمد كل حزه ------ على وضح النقاء عندي يقيني
اقدر كل بيت وكل معنى ------- يجيني من الرجال الطيبيني
ولاتمشي تراها كل مره ------- ولا عندي حلول الا اثنيني
ولاكن لأجل قدره في عيوني ------ اغض الطرف واغمض بعيني
ولأغمض ليا بانت علومه ------ اجيه بحد حرفي مايجيني
ابينها وااخلي كل عارف ------- يقدر صمت كل الشامتيني
ولا يدري بخافي ماكتبته ------- على وضح النقاء غير الصخيني
حفظها بس لو انه نساها ------ حفظ حق الاخوه والسنيني
والختام القول لايمكن نزيده ------ عشان القاف في رده يبيني

[ابونادر]

حياك الله شاعرنا الغايب عبدالله اللشطيطي والحمدلله على السلامة وينك كل هالمدة

وصح لسانك مليوووون على هالقصيدة الجزلة الموجهه لزميلك الصخيني

ولاشك ان المعنى في بطن الشاعر وانت وزميلك ابخص به منا .

ونحن بانتظار رد الشاعر ناشي الذي لايقل عنك بالمستوى والجزالة


لك ودي واحترامي ،



..