آه من جور الغرام ومن شقاه ومن هباله
وآه من صد الحبيب ومن قساه ومنه كله
الهـوى شـيٍ مقـدر والشقـا بـه لا محـالـه
والبلا .. والموت الاحمر .. لا شكا الخفاق خلـه
تحسب إني يـوم اداري زلتـك غشـم وجهالـه
لا .. ولا هي ضعف وإلا خوف يـا المجمـول لله
من قرصه الداب يخشى من رشـاه ومـن حبالـه
والفطين اللي يجنب عن جحـرت الـداب ضلـه
والخفوق اللـي يمـوت بطلتـك اعلـن زوالـه
صد واضمر في حشاه من الفـراق سنيـن غلـه
مـا حكـى للـي يـدور للهروج ولا شكـا لــه
خابر الشكـوى لغيـر الله بهـا ضعـف ومذلـه
قلبي اللي لو يلـوح الكـود ف العالـي رقـا لـه
وإن تباطاه الصعـب حـول لـه وجـاه ونزلـه
آه من شيٍ يلـوج بداخلـه مـا اقـوى احتمالـه
فاض واعقب في صواديف الحشـا 2000 علـه
كل مـا هبـت نسانيـس الهـوى جانـي خيالـه
تشخص عيوني لشوفه .. والحشـا بيـده يتلـه
يربـك الكـون بحضـوره ماهـو بقلبـي لحالـه
لا حضر ما اظن يبقى شـي ساكـن فـي محلـه
البشـر أذواق لكـن تتـفـق فـيـه بجمـالـه
جادلٍ لا سل رمشـه فـي عيـون النـاس سلـه
لو شـرب فنجـال دمـي قلـت لعيونـه حلالـه
الحـق الفنجـال صفـريّ الغـلا واسـوق دلـه
إيه أنا أول من هواه ولا ني آخر من سعـى لـه
كـل مـا جيـت اشتكيـه لخافـقٍ شفتـه مولـه
إن بغيـت العـدل مالـت لـه موازيـن العدالـه
ينقلـب ميـزان كـل الكـون وتمـوت الادلــه
وإن شكيته للخفوق اللـي عطـاه أجـزل جزالـه
جيـت وإلا الحـب وافـر والنوايـا مسفهـلـه
وإن بغيت أحط له حدّ ورسوم وضبط حالـه
طاح عزمي وانثنى تمثـال عشقـي خاضـعٍ لـه
علمـوه إن القلـوب بكـفـه وقلـبـي لحـالـه
لا يسـاوي خافـقٍ حـبـه بقـلـبٍ مستغـلـه
وعلموه إن الديـار اللـي هجرهـا ريـح شالـه
عقب ما اقفى عن ثراها صـارت بعينـي مملـه
وعلموه إن كان قصده بالهجـر شـيٍ ف بالـه !
والله .. ليبطي وراسي ما انحنى له ضعف .. والله
من اختياراتي
رد مع اقتباس
المشاركة الأصلية كتبت بواسطة الهنوووف
