هذه القصيده للهرم الشعري
الشاعر:عيد بن مربح الرشيدي
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
[poem=font="Simplified Arabic,6,orangered,normal,normal" bkcolor="transparent" bkimage="" border="groove,4,royalblue" type=1 line=0 align=center use=ex num="0,black""]
ياعلاوي نجد علك مراديم السحاب=ديرة فيها تربيت يوم اني صغير
ياطبيب النفس وشهو علاج الاكتئاب=اعطني وصفة علاجك ترى وضعي خطير
عشت في غربة حقايق وفي وضع اغتراب=والتجارب عرفتني على شي كثير
شفت ناس ترسم الورد في صدر الغراب=والغراب اليا بغيت المس الورده يطير
استفدت من الذيابه واستفدت من الكلاب=واستفدت من الرغا واستفدت من الهدير
ولا كسبت الا معرفة عزيزين الجناب=ولا خسرت الا معرفة عديمين الضمير
اقترب لا ماقترب شين بعض الاقتراب=ابتعد لا ماابتعد شي في حقي كبير
يا سؤالي كل مااطرحك ماالقالك جواب=مالي الا الصبر واهل الصبر توعد بخير
وصف خلان الرخى مثل ضحضاح السراب=يفرح العطشان شوفه يحسب انه غدير
للردي لو هو ولد عم لا تحسب حساب=كم عزيز ذله الوقت بضيافة حقير
الدروس انواع تطبيق والا بانتساب=بس انا اللي طبق الدرس قدام المدير
ياغريب ان مت شلني ليا هكالهضاب=حط قبري بين عنتر وابن عمه زهير
حطني في مقبرة عبس مرويت الحراب=حطني بااعلى علم عبس مرويت الشطير
وان عسرك الوقت نطلع ونرجع للتراب=ويارث الارواح الاله الاول والاخير
واول الدنيا طرب واوسط الدنيا عذاب=واخرتها الموت والقبر وحساب عسير
ياجزيل الملك ياكافل رزق الذباب=ياالاهي من عذابك برحمتك استجير[/poem][/poem][/poem][/poem][/poem][/size][/frame]
رد مع اقتباس
