السلام عليكم
لا اجيد المقدمات ,,,,
قصيدة لعزيز محيسن آمل ان تحوز على اعجابكمـ,,,
صاحبي كانك على الطيب مغصوب
.........الصراحه بالمواقف راس مال
الليالي علمتنا بالدروب
.........والتجارب من مداغيش العيال
كم من الهقوات راحت كالهبوب
......وكم عزيزن راح مايسوى ريال
العيون تشير عن غيب القلوب
.....واضحه في خبرة أصحاب السؤال
أعرف الصادق من الحكي الكذوب
.....تنقري في شاشة أفكار الخيال
لاتقول الشمس تحتاج الغروب
......دامها غابت وش يفيد الظلال
السكوت أحيان عيب من العيوب
......والكلام أحيان هفوه للرجال
والقريب ان طاب مكسب ومحسوب
......وان تردى عاد ماهز الجبال
العطا يبقى أحاديث الشعوب
......يشبه التاريخ في واقع قتال
صاحبي ماني بحاجه للذنوب
.....كان ماتدري تعلمك الليال
عــــزيز محيســــن
رد مع اقتباس
