السلام عليكم ورحمة الله وبركاته ...
أعضاء منتدى الحمادين الشامخ أسعد الله أوقاتكم بكل خير ...
هذه قصيده جديده للشاعر/يوسف الشيب (شبل مطير) ...
شاعر أستطاع أن ينبغ الشعر الجزل رغم صغر سنه إليـكم هذه القصيده الرائعه ...
(( جايب العيد فيني ))
[poem=font="traditional arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تكفى.. طلبتك جعل عمري فداياك = تدمح لي الزلات ( يانور عيني )
محد ٍ سكن بالقلب..؟ لا ذا و لا ذاك = ماغيرك أحد ٍ صار وسطه سجيني
والله مدري كيف ( بقعد بلياك ) = و أنسى غرامك و أتناسى ( حنيني )
حتى لو أنك رحت.. جاء طيف ذكراك = منا و منا [ جايب العيد فيني ]
ترى الخطا ياغايتي ( تتبع ) خطاك = و لابعدت عني قلت : وينك و ويني
راحت سنين.. العمر يازين وياك = يعني معك يازين ، راحت سنيني
الله وكيلك ؛ عاشقك صدق و أهواك = والخاطر المكسور منك حزيني
/مشتاق لعيونك و طلة محياك = و الشوق لك وحدك /سرا مبتليني
حرام تتركني ( بشوق ) أتمناك = و أصفق من أشواقي ،، يسار بيميني ،،
أشفق على عين ٍ شفوقه للقياك = و أشفق عليّه < يامبيح كنيني
تعبت.. أجامل دنيتي و أكسب رضاك = تعبت.. أزيل إشياء بينك وبيني
مافيه شيء ٍ ( ياهواء البال ) يخفاك = والخافي بدور الليالي يبيني
عطني غلاك و مد بشويش ( يمناك )..! = والله ( ما ابيها تفارق يميني )..؟[/poem]
الاخوه الاعزاء اعضاء المنتدى
يسعدني و يسرني مروركم و دودكم
تقبلو تحياتي وأنتظرو المواضيع الحصريه مني لكم أخوكم/ مطيـر..!
رد مع اقتباس
