السلام عليكم ورحمة الله وبركاته
صور وتعليقات
دايم إذا كنا مسافرين عن طريق البر يحذرونا من البعارين
خاصة في الليل
وكثيرين راحو ضحايا للاصطدام بها
لكن اللي في افريقيا يواجهون أشياء أخرى
يعني مثلاً تخيل انك بعد ما طلعت من الرياض انت واهلك معكم غداكم جاهز
ناوين تغدون في شعيب صلبوخ وقابلكم هالشاب الوسيم
يمديك تفرش بساطك ؟
والا وانت رايح لحفيرة نساح لقيت هالحلو يمشي قدامك هو ومرته وهو معصب منها
يمديك تضرب له بوري علشان يطلع عن الخط ؟
طيب تخيل انك وقفت تصلي العصر
ويطلعون عليك هالشباب وانت في الركعه الاولى !!!
هاذي كلاب الدينغو، وتعتبر أخطر من الضباع في الصيد وشرسة للغاية نعوذ بالله من ملاقاهم
هذا لو طلع لك وصدمته انعدم موترك وماتوا اللي معك وهو ما درى عنكم
لا تقول ياحليلهم
تراهم لو تولوك قرمشوك قرمشه
هذا سيد بيه قشطه
لو صدمته تبي تبنط وتصدم اللي وراك
هذولا لو تزعج ولدهم ودوا سيارتك للتشليح
هالمنظر يتكرر عندنا كثير بس بدال الغزلان غنم ووراهم سوداني
هذي يمكن تصدمها تحسبها برج جوال
طبعاً ركبتها بتشلخ جبهتك
عاد هاذول عندنا منهم واااااااجد
تخيل انك كاشت في شعيب وجوك هالبزرين
يبي ينكدون عليك طلعتك.... فيهم لعانه مدري كيف اصفها
ويا كثرهم في الهدا....
راعي الهايلكس وهقه راعي السياره اللي وقف قدامه
خايف من اللبوه ووده يتطيب قدام زوجته يعنني ما أخاف وهو واضح انه رايح فيها
هذولا لو قابلتهم وسيارتك لونها احمر مهوب مخليها الثور ابو قرون
شكل راعي البي ام يقول لعياله ما قلت لكم الملاهي ازين من البر!!
هذولا ما صوروا اللبوه الا بعد ما تعدوها والا قبل مقززين ومقفلين البيبان من الخوف
بس لا تفوتكم اللبوة مشيتها رهيبه
طبعاً في الوضع هذا مافيه الاولويه للقادم من اليمين
حتى لوكان سيارة اسعاف هع هع
ماقلت لكم انهم بزارين ؟؟
شكله يناظر الانتل وده يكسره
جيب باترول ومركب دعاميه(صدام) لكن بدري عليه يمشي
لان احترام الكبير واجب
شافته وحامة كبدها هههههااااي
اتمنى اعجبكم تعليقاتي ..
رد مع اقتباس
المشاركة الأصلية كتبت بواسطة ابونادر
