[poem=font="Andalus,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
السلام عليكم ورحمة الله وبركاته
يسرني أن أضع هذه القصيدة بين أيديكم
وأتمنى أن تحوز رضاكم وتنال إعجابكم[/poem]
[poem=font="Simplified Arabic,5,white,normal,normal" bkcolor="transparent" bkimage="backgrounds/3.gif" border="double,4,darkred" type=1 line=0 align=center use=ex num="0,black"]
يالله بغيـمٍ تقـادح لمـعـت بـروقـه=ريـح الشمالـي يهـب ولا يفرقـهـا
وقت الوسم مستمـرٍ بامـرك تسوقـه=يهل مزنـه علـى الريضـان دفقهـا
تمشي سيوله مع الشعبـان وعروقـه=يملا الخباري مـع الغـدران يغرقهـا
تاخـذ لـك أيـام كـلٍ سايـقٍ نوقـه=ينصـون قـاعٍ تبشـر عـن حقايقهـا
البـدو واللـي يعـد البـر معشوقـه=ما يصبـر وطلعـت البـرّان يعشقهـا
يفرح مع العشب يطفي بشوفته شوقـه=ينسـا همـومٍ تهـاوت فـي دقايقهـا
احب انا العشب وريح الورد ونشوقـه=ومشاهد الشمـس مغربهـا ومشرقهـا
الله على القاع بين العشـب مشقوقـه=تلقى الزبيدي على البطحـاء وتنتقهـا
والروض الاخضر يسر وماحلا رموقه=وبيت الشعر والذبيحـه مـن تعلقهـا
واحب ربعٍ نشامـا مـا بهـم عوقـه=والبن الاشقر على المحماس يحرقهـا
وصوت النجر يجذب اللافين بطروقـه=ياكن دقـه علـى الضلعـان يصفقهـا
واحب الارطا ونار جـروم محروقـه=وفنجال مـن دلـة مـا مـل ذايقهـا
ياماحلا الحر الاشقـر تطلـق سبوقـه=لا شاف زول الحبـاري قـام يلحقهـا
كلما ضرب له حباره يرتفـع سوقـه=لجـواد تفـرح بصيـده يـوم وفقهـا
انا اعرف اللي يداوي القلـب وفتوقـه=فرقـا المدينـه وبعـدٍ عـن خلايقهـا
يالايمـي لـو تـروح البـر وتذوقـه=اضن رجلي علـى الصمـان تسبقهـا
للشاعر : ابن شارخ[/poem]
رد مع اقتباس
مشاركة: انا اعرف اللي يداوي القلـب وفتوقـه=فرقـا المدينـه وبعـدٍ عـن خلايقهـا
مشاركة: انا اعرف اللي يداوي القلـب وفتوقـه=فرقـا المدينـه وبعـدٍ عـن خلايقهـا
