بسم الله الرحمن الرحيم
هذه القصيدة تتحدث عن القبر و ما أدراك ما القبر وعن سؤال الملكين آمل أن تجد آذان ٍ صاغيه و ارجو أن ينفع بها الله من يسمعها أو يقرأها...
يـا لله أنـا طالبـك يـا رجايـه
يـا عالـم سـري قبـل نجوايـه
يا ربي أغفرلـي ذنـوب كثـرت
يـا كثرهـا كثـراه يـا مشكايـه
منتـه بناسيهـا و أنـا ناسيهـا
ياعالـم ماقـد مشتـه أخطـايـه
أدعوك دعوة عاصي جـاء تايـب
و هو منوّل فـي المعاصـي تايـه
و المعصيـه لهـا همـوم توجـع
و الهـم لضلـوع الفتـى برايـه
و حـوادث الدنيـا تصـح النائـم
لوهـو تـدرا ماهنـاك ادرايــه
رقدت لين الوقـت صحـى قلبـي
و الحمـد لله أنـجـلا عمـايـه
يـا راقـد غـرك منـام الدنـيـا
عيونهـا لـو غمضـت صحايـه
نحب هالدنيا و هـي مـا تسـوا
لكـن صـارت للقلـوب أهوايـه
غـدت بنـا الآمـال و التكـاثـر
أقول عن نفسي و عـن سوايـه
ياكم عدينا فيك يـا دنيـا الشقـى
و انتي سهومك ترمـي الرمايـه
اليوم نضحك بك و بكـره نبكـي
و لنتـي بباكيـة مـع البكـايـه
و العافية مـا هـي بدائـم دائـم
تاتنتهـي ولكـل شـيْ نهـايـه
و سن الشباب يروح مثل اللمحـه
و اللي يشيب يحـط لـه مشايـه
ولانـي بدائـم حــي لالا و الله
و الموت و الله ما حسب لدوايـه
دنيا ً تزول و مـا عليهـا زايـل
تهـوي باهلهـا طبعهـا هوايـه
ما فيه شي يـدوم غيـر الخالـق
اللي بنـا سبعـا ً شـداد ابنايـه
يا الله في قبري تونّس و حشتـي
تكفى يـا ربـي لا تـرد ادعايـه
و يـا الله تقبلنـي قبـول طيّـب
وأ نا لغيرك مـا رفعـت ايدايـه
النفـس لوّامـه و انـا مقدرهـا
ازريت امشيهـا علـى مشهايـه
ما غير تجمح بي و أنا اجاهدهـا
جاهدتها ليـن اشقـرت عصايـه
يا كثر ما حملها علـى مرضاتـك
و ارضاك ياربـي تـراه رضايـه
و لادري عن الايام و يش تجيبـه
و انتـه عليـم بالليـال الجـايـه
مادري حياتي و يش باقـي منهـا
و الموت ما عندي عليه اوصايـه
يمكن يجي بكـره و يمكـن بعـده
و يمكن بعد قدام اصـل اعشايـه
اشوف سيفه حامي ٍ في اصحابـي
يا كثر مـا ياخـذ مـن اصدقايـه
و أنـا بعدهـم يبسـن اعروقـي
اشرب من الماء ما قطع ضمايـه
من شين وقتي خاطـري ياشينـه
عيّا قـراح المـاء يبـل أشفايـه
ياليتنـي يـوم امتنـي واليـا الله
بأمره مهيٍ ٍ لـي جميـع امنايـه
و انا اتمنـا رحمتـه و ارجيهـا
و باقي المنـاوي مالهنّـه غايـه
باقي المناوي قـد شبعنـا منهـا
و لقيتها كـذب وعنـى و دعايـه
ماعاد ابا ضابط و لا ابغـا تاجـر
و لا عاد ابي بيت ٍ علـى هوايـه
و انا بخير و نعمة ٍ مـا حصيهـا
اجـد عشـاي وواجـد ٍ غذايـه
و النفس تبغا ذي و تبغـا هـاذي
و تبغـا علـوم ٍ مالهـن نهايـه
و ميزت ولييـن الزمـان يبـوه
ياويش اسـوي بالزمـان البايـه
ماعاد ابا الا المغفـره و التوبـه
اعلنـت بعـد المعصيـه ولايـه
للواحـد القيـوم سلمـت امـري
عساه يرحمنـي و هـو مولايـه
اليا غبت غيبة غايبٍ مـا يرجـع
و تقطعت مـن هالحيـاه اعرايـه
إلا بـثـلاث قالـهـن نـبـيـي
اللي رووهن في الصحيح روايـه
اما ولـد لـي صالـح يدعولـي
و الاصـدقـةٍ دائــم ٍ جـرايـه
و إلا بعلـم ينتفـع بـه بـعـدي
يصير لـي بأمـر الإلـه حمايـه
ليا غر غرت ها لروح لين تغرغر
مـا هـو بمحيينـي دوا الرقايـه
ليا من ملك الموت طلـع روحـي
و كُتـب علـي مفارقـة دنيايـه
و غديت مـا فيّـه حيـاة ٍ تذكـر
و عقب المعاين غمضت عينايـه
و أمسيت في قبر ٍيوحـش مظلـم
ما يحْتـرك راسـي و لا رجلايـه
و اخـوي خلانـي وقفـا عنـي
قفا و انـا قعـدت فـي مثوايـه
حتى ولدي ما عاد يبغـى شوفـي
و اصحابـي الغاليـن و اقربايـه
و قعدت من تحت اللحود و جوني
نكير مـع منكـر و لـو دعوايـه
يارب وفقنـي صـواب المنطـق
في ساعة ٍ يبلـش بهـا الحكايـه
في ساعة ٍ لو أنها ابطـت عنـي
لابدهـا للـروح جـايـه جـايـه
ليا جو ملـوك مرسليـن بأمـرك
و انتـه خبيـر وخابـر ٍمسعايـه
و قالو تكلـم قلـت كيـف اتكلـم
و انتم ملـوك عارفيـن اقصايـه
قالو نبا ننشـد مـن هـو ربـك
و من الرسول اللي بعـث بالآيـه
و دينك نبا ننشدك ما هـو دينـك
عجـل علينـا و الكـلام اكفايـه
فأن كـان ربـي دلنـي سبحانـه
و أنـا عليـه معـلـق رجـايـه
قلـت الله المعبـود ربـي واحـد
بيـده مماتـي و بيـده محيايـه
و أما رسولـي فالرسـول محمـد
خاتم جميع الرسـل جـا بهدايـه
و ديني هو الإسلام مالـي غيـره
دينـي و ديـن المسلميـن أبايـه
قالو هـذاه العبـد عبـد ٍ مؤمـن
له احترام و قـدر و لـه عنايـه
و رضى عليّ الله ووسـع قبـري
و لقيت في قبري سعه و رعايـه
لقيت قبري مـن ريـاض الجنـة
في الصيف برد و في الشتاء دفايه
و جابو لهم عندي غـلام ٍ طاهـر
يطيعني ما عنـده الـي عصايـه
و يقول قلي وش تبى و ابشربـه
دائـم معـي و مونّـس خـلايـه
ويقول أنـا عملـك يـا عبـد الله
نتيجـة الأعمـال فـي مربـايـه
و إن كان ضيعت الكـلام السابـق
و قمت ارتجف و إلا التفت ورايه
و اقول هاه و هاه مدري مـدري
و قامت تراجف في اللحود اعضايه
قالـو هـذاه العبـد عبـد ٍ ظالـم
و ضاقوا علـيّ و زودوا بلوايـه
و فكو عليّـه بـاب مـن جهنـم
وادخل على الله من سبب شقايـه
و القبر ضاق و طقطقن ظلوعـي
يضمنـي ليـن التقـى ضلعايـه
و لقيت في قبري جحيـم صالـي
قامـت توقّـد قدمـي اللضّـايـه
نـار توقـد مـاقـدر اطفيـهـا
و أنـا وحيـد و لامعـي طفايـه
في حفرة ٍ ما معي من يفزع لـي
إن كان ربي مـا سمـح خطايـه
و جوني بشخص منظره ما طيقـه
كنه مشـوا ً لـه علـى شوايـه
شوفه يـروّع و الطبـوع تـروّع
عاصي على عمياه ماش اهدايـه
و يقول أنا عملك ياشيـن العمـل
اللـي عملتـه نفسـك الغـوّايـه
و دخلت في حبال العذاب المبهـم
و ندمت وأغبـون النـدم كوايـه
يا الله يـا ربـي تحـط لنفسـي
و لوالـدي مـن العـذاب اوقايـه
و اسألك تعطيني كتابـا ً يشـرح
صدري و تعطينيـه فـي يمنايـه
و ادخل عليك من الكتـاب الثانـي
يا الله عسى مامـد لـه يسرايـه
في جنة ٍ ما عـاد نشقـى فيهـا
من عقـب دنيـاً بيّحـت خفايـه
و ختامهـا صلـى الإلـه و سلـم
علـى رسـول ٍمرسـل بهدايـه
كتب هذه الابيات الشاعر ؛؛؛؛؛ محمد بن دغيّم السميري
رد مع اقتباس
