قصيده الام التي القائها ابنها في دار العجزه

[القلب الصافي]

قصيده الام التي القائها ابنها في دار العجزه
يا مسندي قلبي عــلى الدوم يطـريك ... ما غبت عـني وطــيفك سمـــايا
هذي ثلاث ســنين والعــين تبكيـــــك ... ماشفت زولــك زايــرآ يا ضنايا
تذكر حياتي يــوم أشــيلك وأداريـــك ... والاعــبك دايــم وتمشــي ورايـا
ترقد على صـوتي حضني يدفــــــيك ... ماغيرك أحدآ ساكـنن في حشايا
وليا مرضت أسهر بقـربك وداريــك ... ماذوق طعم النوم صـبح ومسايا
ياما عطيتك من حــناني وبعطــيــك ... تكــبر وتكــبر بالأمل يا مـــنايـــا
لكن خسارة بعـــتني اليوم وشــفيك ... وأخلصت للزوجـة وأنالي شقايا
أنا أدري أنهـــا قاســية ما تخـــليك ... قالت عجـوزك ما أبيهـا معـــايـا
خليتني وسط المصحة وأنا أرجيــك ... هذا جزا المعـروف وهذا جزايــا
يا ليتـني خـــــــــدااامة بين أيادـيك ... من شأن أشوفك كل يوم برضايـا
مشكور ياوليدي وتشكر مســاعيك ... وأدعـــــي لـــك دايمــآ بالهــدايا
حمدان يا حمـــدان أمــــك توصيـك ... أخاف ما تلحـق تشوف الوصايـا
أوصيت دكتور المصــحة بيعطــيك ... رســالتي وحروفهـــا من بكـــايا
وأن مت لا تبخــل علي بدعــاويك ... وأطلب لي الغفـران وهذا رجايــا
وأمطر ترااب القـبر بدموع عينيك ... ما عاد ينفعــك الندم والنعـــايــــا

[ابونادر]

لاحول والا قوة الله بالله والله قصيدة مؤثرة وتكسر الخاطر

تسلمين على النقل لاهنتي

وجزاك الله خير



..

[ذيب الحمادين]

انا لله وانا اليه لراجعوون لاحول ولا قوة الابالله مشكووره اختي على النقل المذكر برضى الوالدين

[صادق الود]

تسلمين يالسمراء على نقل هالقصيده المميزه والمعبره والمحزنه