المشاركة الأصلية كتبت بواسطة خالد العليم
بسم الله الرحمن الرحيم
هذه القصيده لشاعر غويزي ساري العليم الذي يتميز بحب الصيد والقنص وحب الروابي وخوة الرجال المناعير ,,,,,,,,,
[poem=font="simplified arabic,6,white,normal,normal" bkcolor="green" bkimage="" border="ridge,4,orange" type=2 line=0 align=center use=ex num="0,black""]
أحب الروابي لا صبحت خضر ممطوره =وفاحت عطور زهورها عقب ماطرها
في ديرةٍ لا شفتها تقل مهجوره =من الناس ولا الصيد يملا حواجرها
أفضل هواها عن هواء كل معموره =عسى السيل دائم هو ملكها وعامرها
يزيد الفرح لا شفت الاشعاب معيوره =ودلت هما ليل المطر مع عوايرها
وصارت مروج وهي بالاذكار مذكوره =وانا الذى من كثر الاشواق ذاكرها
الى ابطيت عنها تصبح النفس مذعوره =كما الريم يوم تفر من صوت ذاعرها
عشقت المروج الخضر والروض وزهوره =كما يعشق البلبل يقطف زواهرها
واشوف الغزيل فيه وتمر وتزوره =جذبها جمال الارض والشوق زايرها
تعرض بعينٍ كن في موقها صوره =جمال حباها الله قدر وصورها
وصارت لكل الناس بالوصف موثوره =وكم عاشق شبه وليفه بحاجرها
ترى الخازع اللى مابه الريم موفوره =تراها عديمة ذوق مثلي معاصرها
اقضيبها وقتي والاعمار محصوره =ولا دامت الدنيا لكسرى وقيصرها
وهذى قصيدة شوق من نفس محروره =تذكر عصور الصيد والشوق شاعرها [/poem]
مع تحيات ---- خالد العليم
رد مع اقتباس
