حــــــــــــذراك من بعض المخاليق حـــــــذراكـ
من زمرة الطاغوت حـــذراك حـــذراك
لا تبتلي بجروح يصعب دواهــا
وإلى مشيت اعرف دروبك وممشاك
احرص على نفسك وخالف هواها
أمّارةٍ بالسوء ما هي بتنهاك
اقبض عليها لين يجلى صداهــا
اقطع نواياها بدينك وتقواك
هلّل وعند الله سريعٍ شفاها
والعين لا تنظر بها من تعدّاك
المحصنه لو تلتفت لك وراها
اصبر على همّك وغمّك وبلواك
عف وتعفف لا يغرّك حلاها
واترك حرام القوت ما هو بيملاك
كل البطون الجايعه ما ملاها
رشفة حلال اتسد جوعك ومضماك
تسوى مشاريب الحرام وغثاها
واحفظ لسانك لا يجرك ويبلاك
اخذ الثمينه لوغلا مشتراها
الهرج ميزانك ويكشف خفاياك
كلمة تعيبك لا تبيّن نباها
صون الكلام وصون نفسك ومبداك
للنفس حشمة لا تفصّم عراها
اصمت مدامك عارفٍ سيرمجراك
لا تنقل النّمة وتبحث خفاها
يزول قدرك عند أقرب دناياك
لو هو ولدعمّك حياتك جفاها
خل الجهل لاتجعل الغيظ ياطاك
ترى الجهل سم القلوب وعماها
وإلى ابتليت ارفع إلى الله شكواك
لا بدّها الأيام تكشف غطاها
اصبر يزين الحظ ويزين مرماك
الله يفرجها ويدفع بلاها
لا تمنع المحروم لا من تنصّاك
الناس لأجل الناس وأحسن عطاها
ابذل لوجه الله والله يجزاك
مثل الغروس أتطيب للي سقاها
لا ضاع معروفك ولا ضاع حسناك
إن كانها لله تلقى جزاها
جارك ولو هو جار تسقيه منماك
عليه لا ترفع يدينك عصاها
أحسن جوار الجار لو كان يشناك
ترى العرب تحشم كلاب اقصراها
بكره يشد ويكتب الله فرقاك
عساه يذكر جيرتك مانساها
الظلم شين ويجعل النار مثواك
راع الظليمه عيشته ما هناها
فوقك إلهالعرش عالم نواياك
ينظر قلوب الناس وش محتواها
يسمع بما تجهر وعارف خفاياك
بأمره شروق الشمس ترسل ضياها
والضيف له حقٍ إلى حل بحماك
قلّط ضيوف الله وأكرم لحاها
وعليك باللي حزة الضيق يفداك
لا شانت الدنيا ودارت رحاها
لا من زهمته لو على الموت لبّاك
عيني لجل عينك وروحي فداها
حذراك من بعض المخاليق حذراك
بعض العرب ما تفرقه مننساها
تايه وضايع بين ذولا .. وذولاك
فيه الجهالة واصلٍ منتهاها[/poem]
ممـــــــــــــا رآإآإ[color=""]آإآق لــــــــــــي[/color]
رد مع اقتباس
