[poem=font="simplified arabic,5,red,bold,normal" bkcolor="transparent" bkimage="backgrounds/1.gif" border="groove,4,gray" type=0 line=0 align=center use=ex num="0,black""]
لامال ظل العصر نصيت حباس = ولقيت فنجالٍ يداوي عماسي
رجلٍ له العلّيا من أول على ساس = طيب وكرم وبالمهمات قاسي
من روس سنجاره ليا عدة الناس= روسٍ لها بالمجد راسٍ ومراسي
قمة فخر ثوب المكارم لها لباس= يجري بمجاري الدم مع قوّ باسي
بالوجه يتهلهل بشاشه من الراس= وقولت هلا صدقٍ بدون إللتباسي
في مجلسه تلقى المناعير جلاس= صوارمٍ مثل الجبال الرواسي
الكل منهم للجزيلات عساس= مصرف ذهب ما فيه عملة نحاسي
واليا هرج واحد تقل ما به أوناس= صمتٍ بحكمه خوف كلمه تحاسي
سوالفٍ فيها من الدر والماس= بين التعجب والعجب والحماسي
سوالفٍ يطرب لها كل حساس= لا سمعها الممرور طار النعاسي
مكارم الدنيا على خمس الأجناس= دين وكرم مع حشمةٍ ما تقاسي
والرابعه عين الحياء سوق الأنفاس=والخامسه تذكير من كان ناسي
من يزعله شعري على مدح حباس=يضرب بعرض طويق وأبليس خاسي[/poem]
الشاعر عبد الله الداموك الرشيدي
رد مع اقتباس
