بسم الله الرحمن الرحيم
اعزائي رواد منتدىالحماديـــــــن المحترمين
السلام عليكم ورحمة الله وبركاته . وبعد
يسرني ان اقدم لكم خبر هام من اخبار البيت الابيض مطلس الله جدرانه بالسواد .
قال احد عمال النظافة العاملين في البيت الابيض ( من بدو امريكا او مايسمون الامش amesh ) ان الرئيس بوش ضايقن صدره ويدور في المكتب وفناجيل القهوة على مكتبة مصفوفه ولا عرض بسوق من اسواق الديره ويتصل على بالتلفون ويهز يده ويقول شت شت شتت الله شمله وشعبه وشوي ولا كنداليزا رايس داخله ومعها باغة فيها سندويتش هوت دوق وتفاحه وقريض حجاج محمص ويومنه شافها قالها .... ياهيش ... انتي يا مقفى القدر ... يامحراث النار ( يقصد عصاقيلها ) تعالي وهي تنطل الباغه من يدها وتسرع لمكتبه قال لها بوش تكفين يابنت رايس بنت رايسي ياعصابة راسي بنت رايس يامحزمي وهي تمصع الباروكه وتمصط بها على الماصه قالت ايوالله وانا بنت رايس ماتنضام وانا مناخري يدخل معهن اعصاير الهواء وهو يطيح بوش على الكرسي ويمسك راسه والعبده شامرتن تنورتها فوق الركبه بعشرين سنتي وتقول انا اخت اخوي انا بنت رايس مدباس البار عفوآ البر قال يابنت رايس الحقيني انا رحت فيها انا صرت بين غار وبين نار انا محتار في اموري كلها وفي سياستي الخارجيه العراق ومشاكله وهالاعصار اللي طير ابراج راسي قالت ماعليك وانا اختك هونها وتهون وهي تقعد على الكرسي قالت خلني افكر لك في فكرتن زينة لكن الحين الدم شاعطن راسي وماقدر افكر عطني يوم ولا يومين وارد عليك ....
قال الريس ابك يوم واجد الله ياخذ مغمد هالفره المتفلحه اللي كنها جحة طايحتن من جمس على ملف المزاحميه ومنفلحه ... انا كيف اصبر ياويل ويله ويلاه ياونته والطناه افا وانا ولد باربره عويني حرمه وعبده وتغلى تقول يوم ولا يومين اواحلالاة منهو معين وزاره واعوانه ناس يردون الريد بيل عفوآ الابل ......... وهجت رايس وغيبت وجهها عنه من شان الاحراج .
فهمها الخبل وقال مافيه الا اني اقول يادكتشيني رح للعراق وقل ابشروا انا نبي نطلع منكم لكن على شوي شوي وابد اسحب القوات وفرقهم على الجيران وفي طريقك مر سوريا تفل عليهم وقل تلعفر داخلينه داخلينه ومر الخبل في اورشليم وقله يكفي هذرمه واطلع من غزه عسى يغزك المشهاب واذا جيت على اجواء ليبيا خذلك لفه واستفهام روع اللي في الخيام خله يمرج عقله ومرعلى الخوال في كترينا وقل لكل المنكوبين هذي نكبة من الله وانتم عليكم ذنب عظيم ونبي نرفع عليكم الضرائب ماتزكون وادخلوا الكنايس وصلوا واطلبوا الفرج من عند الله وتراكم نكبتوا عفشنا عند الله وخلق الله وبينتو انا خرطي وبدينا نطلب مساعدات من الدول الفقيره واخزياه واخزياه واخزياه وانا سمعت ان اثيوبيا مرسلين لنا اعانات لكن مطالبينا بدفع اجور الشحن واجور الزراعه والحصد والقمح .
وسلامتكم
رد مع اقتباس
