السلام عليكم
تحيه طيبه وبعد......
ياحـي صـــوتك يا هـلا في مجـية
تو زان سمعي من بعد شين الأصـوات
مبـطي وأنـا مـشـــتــاق للجـاذبـية
اللي معـه صـوتـك ونـبـرتـك بالــــذات
غـرد وخـل الصـوت يعـلـن دوية
بـجاري حروفـك دخـيـلك بـلا إسـكـات
فـيـني كــدر ضايق وحايـر وفـية
هـمٍ من الهاجــوس مــاصـابه أشـتــات
يــوم الجـسـد ميـت وله روح حـية
كيف الحـياة أتـكون في جـو الأمـوات
أقـرب مـن الكـذبه ودمـج الخطـية
لأكــن حقـيـقـة واقــعي والـمــعـانــات
واللي خــذاني مـن هـمـوم القضية
شـرواك ياللي تـقـلب الهـم ضحـكـات
عـــانه وصــالك لـلحـيـاة الـهـنـية
بشرى مقــيـمه مـاطـوتـها الـخــلافـات
منها الـسـعـادة يــوم كـانت خـفـية
سـعـادتـن ما نـلـتـها أبـكـل الأوقـــــات
لأنـك خــوين مـا يـبــور أبخــوية
لـو طـالت الـمـده وحــارت مـســافـات
ولأنـك مـسار العمر وحـلـم البقية
بـدور بـرضك مـثــل دور الـمـجــَرات
مـعـلـن وداعـي لـلحـيــاة الشـقـية
ولـمـصـافـح الـبـسـمه ســـلام وتحـيات
يابـو مــزايــا مانجــبـتـها الـبـرية
أبخـتـصـرها وأعـتـبرهـا لك أوصــات
بـنبـيك في بعـض البيوت الـنـقـية
وأرجــو جـنابـك يلتمس عـذر الأبــيات
مابـيـك غـير اللي خـذتـه الحـمـية
فـــزاع خـلـقـه لا تحـريت فــزعـــات
ولابـيـك شـارد عن سواعـد يـديه
لا ضـاقـت أبعـيـنك فـجـوج الوسـيـعات
كــذا يـكـون الـحـب بـسـم الهويه
وأصـيـح بعـلا صـوت ياحـزن هـيهات
وسلامتكم
رد مع اقتباس
