يــــالله جيتك وذنبي متعب حالي
عبدك رجا رحمتك كــفر له ذنوبه
انت الذي لاإله إلاانت يالعالي
انت الذي تهدي اللي ظلل دروبه
مريت انا بالحياة وزينها البالي
واصبحت لبليس واهل الغي ألعوبه
واحياني الله عقب موت(ن) وإذلالي
تبعت سنة نبي الله محبوبه
ياسيدي من قبل قصاف الاجالي
يسر دروب العفو ياقابل التوبه
يالغافرالمعطي يالتواب يالغالي
ترحم ضعيفا ذليلآ كثرت عيوبه
خليت لجلك نعيم كان يحلالي
بدلتها بجنة (ن) ياحلو مشروبه
ابيك ترضى علي وتغفر اعمالي
يوم(ن) اهل الكفر بالنار مكبوبه
يوم الفضيحه ويوم(ن) فيه الاهوالي
تشوف كل الخلايق منه مرعوبه
يـالله تغفر خطاي وترحم الحالي
عبدآ ضعيف تعب من كثرة ذنوبه
ان دار وقتي علي ولاتهيالي
تبقى لي الغافر اللي يقبل التوبــــــه
ممـآآآآآآآآآ سمعتــ ورآآآآقتــ لي ***********
رد مع اقتباس
