سقى الله بدايات الهوى يوم كنت صبي
مع الفاتن اللي بأجمل الوصف فتانه
هنوفآ على الضلع القصير كوتني كي
عليها ورود الشوق ضميا وذبلانه
عطتني عن الحب الحقيقي نموذج حي
لكني صغير ونظرتي مالها خانه
وبعد ماكبرت وصار عندي وضوح شوي
لقيت الحياه بضيقة الصدر مليانه
تذكرت يوم تقول ويدينها بيدي
تراني على شوفتك وجله وشفقانه
تخودر بنجلآ ناعسه ماتناعس غي
هذا لونها دايم على طول نعسانه
شعرها أشقرآ يغلب شقاره شعاع الضي
يغطي جسدها لو من اللبس عريانه
وقررت اقابلها عساها على ماهي
واعالج جروحآ باثرها الروح تعبانه
سعيت ومشيت لوصلها شمس والا في
على شوفها نفسي من الوجد ولهانه
وبعد ماتلاقينا وشافت عيوني مي
تغطت وقفت بنت الاجواد خجلانه
وأنا من صعوبة موقفي كان وضي سي
عن البوح والتعبير الالفاظ خوانه
وراحت وخلتني مسجم على مافي
تزايمني العبره والاخلاق خربانه
تشد العبايه كنها مادرت عن شي
وتمشي رويد رويد ماهيب عجلانه
تباها بجسمآ مثل غصآ بساقي ري
غضيضآ عروقه بأزرق الجم رويانه
تقول يتجزل يوم تمشي شوي شوي
لالا مع علوه واسفله عرف وميانه
عيوني تشاهدها وجرح الظماير ني
ورجلي على الخوه شفوقه وحيرانه
عليها سلام الود من يوم كنت صبي
ليا الليله الي بالهواجيس مليانه
قصيدة الشاعر\ محيا محمد السلات
ينقلها لكم -- جندي خفاره
رد مع اقتباس
