القلب للبيع لاعلي سعر
هلا حبايبي كل ابووكم
وحشتوني موت والله بس عساي وحشتكم ؟.. مو مهم
بما اني من زمان عنكم حبيت اني اقدم لكم هذا الموضوع واعتبروه ضريبه
وبما اني تغيرت نظرتي للحياة<-----اصطروه قبل يكمل
حقيقه مادري وش اقول بس انتم عارفين اني غبي بالمقدمات وذكي في اللب <--- لا عقب
ذي عطوه بالخيزرانه على راسه فياليتكم تعفوني من هالمقدمات ..
قبل اسبوع تقريبا وانا طالع من الدوام جانحن على يمين وامشي 40 وماعلي من احد
الا ويجيني تلفون يخبصني بهالظرف المفاجيء فاحتديت اني ادعس وانا ماودي
عاد وانا ادعس الا وهالدباب الي ماسك وسط الشارع ويمشي على بيض وانتم عارفين
الدبابات الصغار الي منتشرة مع العمال
المهم ويوم استوعبته قدامي رجفت بالفرامل رجفه الين انطلق من قوة الظغط وارجع رجلي
عشان يزين بس ماش ماسك وهو مايفرمل وعلى فكره تراي امشي بوقتها حول 120وفي الديرة
والهندي قدامي وانا مجلعد وناحره ..قلت عز الله الحبيب تقطع من الحين والله يرحمه
قلت لنفسي بس ليه تيأس وين مخك وين الدبره والحركات ومن جد استجمعت قواي
وشغلت مخي بهالظرف الصعب الين رسيت على فكره منتازه
والفكره اني انحر اقرب شجرة والي يصير يصير وانا ان شاء الله انه موب جاين شي كايد
المهم اني لفيت الطارة لفه بسيطه على الشجرة بس الحظ طلع نعال لان بوقت اللفه
صادفت سيارة على يساري فغيرت وجهه سيارتي
وبدا يلعب بي الموتر وهذا الي مانبه وصارت المشكلة مشكلتين وانا والي حولي والهندي
ماندري وش يبي يصير لنا بعد ذا المشهد
المهم اني بديت اداقش السيارات ( ثلاث سيارات ) وانا جالس اتفرج وماسك الطارة
كني على علم
بس بارادة الله وقدرته هدا الموتر وستر الله وقدرت اتصرف فيه بعد الخبصه يالله لك الحمد والشكر
عاد تجمعو العالم وجت الدوريه والهندي واقف يتفرج مع انه يعرف ان كل هالخنبقه والحوسه
منه وهو السبب ويعرف بعد اني بغيت اقشه ويصير بخبر كان بس قلبه ميت ومافيه أي ارتباك
او خوف.. جالس يضحك مع رفقاه ويتلفت واخر مهنا شغل دبابه وتوكل .....
...............................
مرة من المرات يوم عمري 11 او 12 سنه يعني بزر
كنت اسبح بمسبح في مزرعه عرعر الله لا يعيدها وغرقت والمصيبه ان كل الي حولي دبش ومايعرفون يسبحون
عاد وانا اطافش بحاول اطلع بحاول اتمسك بشي يمين يسار ماش ماقدرت ابي اتماكن نفسي
المهم اني غرقت لمده دقايق وانا ما اشعر
بعدها فتحت عيوني لقيتعمي الله يرحمةمطلعني وصاير قدام وجهي .. همن اصيح واصارخ ليه
يخلوني كل هالمده تحت الماء وينكم عني ؟ وشلونلو ان عمي ماجاء ؟ ومن هالكلام الي
تعرفونه لاصار الواحد مرتاع
وللحين السالفه عالقه براسي وبكل ليله اقول ( وشلون لو ان عمي ماجاء بوقتها )
وافكار غريبه وخوف من الماضي وكلمة ( لو ) بسرة الافكار <---- يمديكم على الكلمه
.........................
مرة وانا اطلع من مقهى الساعه 3 بالليل لقيت عامل فارشن كرتون على عتبة ومنبطح عليها
وصابخها نومه من احسن مايكون!!!
مادري كيف يرتاح له بال وهو بهالوضع يعني شي غريب والله !!!
ملاحظة المقهي مقهي انترنت ..<< ولو جاب العيد بنفسة لحد يعلم
الشاهد من كلامي عشان محد يقول وش ذا الي موب صاحي انقطع عنهم ورجع منهبل
سؤالي
هل وسوسه وحساسيه اكثر من اللازم وعيب فينا او هم قلوبهم ميته وبلاده فيهم ؟
رد مع اقتباس
