بدأت أحداث قصتنا عندما ولد بطلها عام 1898
ظهر الى الدنيا وأحبه الجميع صغار وكبار
كان أسمر اللون وطيب القلب
عرفتوه ؟؟
إنه الببسي
دارت الأيام الولد كبر وكبرنا أحنا معاه
وصار عنده أخوان وخوات
في يوم من الأيام كان البيبسي تعبان شوي وارتفع عنده الضغط وكانت فايره غازاته
فقرر انه يروح للمستشفى عشان يتعالج
وراح وحجز موعد وجلس ينتظر بغرفة الانتظار
وشوي وتيجي وحدة برتقالية اللون انيقة
تتمختر في مشيتها
والناس تقول يا أرض احفظي ما عليكي
طبعا أكيد عرفتوها
هي الميرندا
جت وجلست جنب البيبسي في غرفة الانتظار
الولد خف عقله وخفق قلبه
وكان يحوس الشيطان في راسه يرسل رقمه بالبلوتوث وإلا لأ
لكن الحمدلله ماتهور وسواها
ماقدر البيبسي يتحمل ان يشوف كل هالجمال ويسكت
فخش عرض و سألها : سلامات وش يابج عند الطبيب
هي : فيتامين سي متعبني من وصف لي اياه الطبيب وانا اعاني من آثاره الجانبية
هو : سلامتج عسى ما العوار شديد؟
هي : لا بس دايما ارجع
هو : اها ماتشوفين شر ( ويقول في باله ياليته فيني ولا فيج )
هي : الشر مايجيك
وقامو يسولفون لين ماجى دور البيبسي يدخل عالطبيب
وقبل لايدخل قال للميرندا : ممكن اشوفج مرة ثانية؟
هي : متى؟
هو : الليلة
هي : اسمح لي ما أقدر
هو : أفا ليش؟
هي : الليلة عمتي بينتهي تاريخ صلاحيتها ونبي نكون كلنا عندها نودعها
هو : أها احسن الله عزاكم مقدما
هي : طول الله تاريخ صلاحيتك
هو : الله يسمع منج يارب ، طيب متى تحبين الموعد؟
هي : خليها بعد العزاء أحسن
هو : على راحتج
وأتى الموعد المرتقب وتواعدوا في ثلاجة كارفور
ودار بينهم الحديث التالي
هو : ممكن أسألج سؤال وتجاوبيني عليه بصراحة؟
هي : تفضل
هو : معقوله كل هالجمال وماتزوجتي للحين ياترى شو السبب؟
هي : حكم القوي عالضعيف
هو : كيف؟
هي : قصة قديمة
هو : ممكن أعرفها
هي : قبل سنة عشت قصة حب مع بيبسي مكينة وجا وتقدم لعند أبوي عشان يخطبني
لكن أبوي عيا
وقال مانزوج بناتنا لعيال المكاين
وقام وفرض الاقامة الجبرية علي في الثلاجة
الى انتهت صلاحيته و مات
هو : آسف ذكرتج بالماضي
هي : لا عادي خذ راحتك تذكرت لو ماتذكرت هذا الماضي موجود وماراح ينتسى
هو : ليش؟ ان شاء الله يجيج اللي ينسيج هالماضي
هي : تعبت وانا انتظره والظاهر اني بعنس ولابشوفه
هو : انتي تشوفينه جدامج الحين
هي : منهو ؟؟ <<<<< تستهبل
هو : أنا..تقبلين تتزوجيني يا ميرندا ؟
هي : هاه << دلــع بنــات
هو : انا تقبليني زوج ؟
هي : روح اخطبني من عمي
هو : ان شاء الله
اتصل على عمها واخذ موعد انه يشوفه عشان يخطب بنت اخوه
وراح لهم وشربوا القهوه << قهوه و بيبسى خخخخخ
هو : طالب يد بنت اخوك
عمها : لنا الشرف ياولدي بس لازم نشاور البنت
هو : شاور ياعم
وافقوا على الزواج واتفقوا على الملجه وكل شي
والزواج بيكون بثلاجه سيفيوي
تـم الزواج وكان فيه حضور كبير ومن بينهم سفن آب و ميرندا فراوله و بايسن و حضور كبيير
وهاذي بعض الصور لحفل الزواج
وقرروا يسافرون شهر العسل الى ثلاجات دبي
وسافروا واستانسوا ورجعوا
وبعد سته شهور أكتشفت إنها حامل
وفرحوا فرح كبير لأنه بيجي ببسي وإلا ميرندا صغنطوط وبيقول لهم ماما و بابا
جات وقت الولاده والبيبسى كان خاااايف وجت الممرضه وقالت له:
مبروووووووك جاتك ميرندا صغنونه
وعاشوا حياه سعيده وجاهم بيبسى صغنون بعد
وانتــهـــــت القصــــــة
أتمنى تكون القصة و الصور قد نالت إعجابكم
م ن ق و ل -
رد مع اقتباس
