[poem=font="simplified arabic,5,red,bold,normal" bkcolor="transparent" bkimage="backgrounds/4.gif" border="solid,5,skyblue" type=0 line=0 align=center use=ex num="0,black"]
اليـا قمنـا مقـام الجـود جدنـا = ولانمشي مماشـي مـن جحدنـا
نعـز النفـس ونعـز القبيـلـه = وإلا منـا سمعنـا الكيـد كدنـا
سمعنا من ولد محسـن قصيـدة = وراجعنـا المعانـي واستفـدنـا
لقينا الزيـن فـي مبـدا كلامـه = يقول لغيـر ربـي مـا سجدنـا
ولاكـن فـي سياقـة للمعـانـي = وجدنابـه خـرافـات ولهـدنـا
مثل حكي الروافـض بالمحافـل = كلامـن مـا يغـيـر معتقـدنـا
يعـدد لـه فعـول مـا فعلـهـا = وحنا اللي علـى كذبـه شهدنـا
وجفيل الناس من معجـب علامـه = شكرنا الله على العقـل وحمدنـا
على حكيه مثـل عنتـر بوقتـه = حمانا الله بسيفـه مـا حصدنـا
رعد بالحفـل وبروقـه تكاشـف = وعقب عاصوف ابن محسن ركدنا
ركدنالـه وركـدنـا المعـانـي = يحسب انـه ليـا هـاز ارتعدنـا
تحاشانـا مشاهـيـر القبـايـل = ماهي كلمة دقيـش اللـي بعدنـا
كبيـرة شرهـة التالـي علينـا = يسابـق نمـرنـا والا فهـدنـا
وانـا بااقـول يامعجـب تسمـع = مثل شرواك يقصـر مـا فردنـا
كلامـي منـه تهتـز الرواسـي = وكلامك يعجب اللي منـك وادنـا
نهار الحرملية ماانـت حاضـر = ولا نشـدت يـوم انـا حشدنـا
ترانـا بـاأول الجمـع المسمـى = ليا قالـوا يلـد علـي وجردنـا
وحنـا لااعتزيـنـا بالمـواقـف = ورى الهقـوات باللقـوات زدنـا
شياطيـن ليـا مـنـا عديـنـا = سلاطيـن ليـا مـنـا قعـدنـا
مزبنـة المجنـا يــوم جـانـا = سرى من حايف الموت وهجدنـا
وراع العـق يـوم انـه نصانـا = عمدنـا العـق دونـه واعتمدنـا
عوايدنـا نزبـن كـل خـايـف = ليا منه دخل فـي وجـه احدنـا
وعمي لا وقـف ميقـاف جـده = بيـوت العـز ترفعهـا عمـدنـا
مثل بالمالحـه مـن دون نايـف = خفت برقك وحنا اللـي صمدنـا
صمدنـا قـدم دقـلات السبايـا = وراحن مـرج عنـد اول هددنـا
وردينا فـرج مـن بيـن ربعـه = وعند الشيـخ منهـم كـم جلدنـا
وجندلنـا مشاهـيـر النشـامـا = على راسـه وبالميقـاف سدنـا
وعلى قولك بالاقصـى والموالـي = ترا ذا فعل اهلنـا وانـت الادنـا
فلابك زين تخشى عيـن حاسـد = ولا حنـا علـى شينـك حقدنـا
فتقت الخيـط وسلوكـك ضعيفـه = عسـاك سعيـد لامنـا نشـدنـا
ان كان انك تحـدى كـل ناقـد = تذكرنـا وحـل اللـي عقـدنـا
تمعـن بالمعـانـي والمـواقـف = وراجع فكرتك وان عـدت عدنـا
اليـا عديـت بالضلـع القصيـر = على قمة جبـل سلمـى صعدنـا
[/poem]
محمد علي بن ضاوي الحميداني
تم تعديل القصيدة : ابو عمر
رد مع اقتباس
المشاركة الأصلية كتبت بواسطة حمد المطيري
