صرخة فتاة كويتية ابتليت بمرض نقص المناعة الوراثي

بسم الله الرحمن الرحيم
السلام عليكم ورحمة الله وبركاته
هذهـ قصيده كتبتهآ أختنآ : نوآل العنزي المصآبه بمرض نقص المنآعه الورآثي ..

واليكم كلمات القصيده
ياهل القلوب الطيبة والرحيمة …… تعبت أنادي والبشر ما يردون
تكفون ياهل الخير لاتتركوني …… أقل حاجة ياهل الخير تدعون
وأنا دموعي سايلة من عيوني …… وحدي وكن الناس ما عندها عيون
عشت العمر والدمع مغرق ردوني …… من صغر سني يوم الأطفال يجرون
نقص المناعة حطم أجمل غصوني …… وتحطمت كل الأماني على الهون
قصت جناحيني وماقدروني …… ياما جلست وهم حولي يطيرون
وللمدرسة راحوا وأنا ماخذوني …… ضاعت طموحاتي وهم ما يردون
ومر العمر وأنا تزايد شجوني …… وكن البشر حولي حجر ما يحسون
أسهر الين الشمس تطلع بكوني …… وحدي وكل الناس حولي ينامون
أشكي مع الجدران خابت ظنوني …… وما غير دمعاتي يجون ويسلون
كني غريبة والبشر هملوني …… وعلى جروح القلب عيوا يحنون
حتى بعيد الله لا عايدوني …… من مظهري يا ناس قاموا يكشون
ما حسوا بجرحي ولا قدروني …… ولا دروا أن المرض حيل ملعون
ما عاد لي خاطر بشكلي ولوني …… حطم شبابي وطابت النفس بالعون
وأبوي وأمي كل ما ناظروني …… بعيونهم موتي ولو ما يقولون
ما ودهم وسط العنا يتركوني …… وما في يديهم شي حتى يسوون
وأنا ليا من والديني بكوني …… يزيد جرحي كل ما هم يبكون
واخفي جروحي علهم يسكتوني …… وأنا بقلبي حزن وآهات وطعون
تعبت والأيام ما عالجوني …… وما ظني ان جروح قلبي يطيبون
طاحت حياتي يا عرب من عيوني …… حيه وبي الناس جوني يعزون
انطر مماتي والبشر منطروني …… وقلبي من الآهات والحزن مغبون
مو باقي إلا بالثرى يدفنوني …… وعلي لامن ادفنوني يصلون


يويتوب

http://www.youtube.com/watch?v=w3BtPjUtvHM


الله يشفيهاااا يااارب