[align=center]الســــــــــلام عليكم
كيف أحوالكم أن شاء الله كلكم بخير
المهم هذي قصيده بصراحه شدت انتباهي وعجبتني حيل وحبيت أنقله لكم
لأن لو تتمعنوا في كلماتها تلقون فيها معاني أكثر من الحروف وفيها لذه غريبه لما تقراها هذا رأيي ولا تحرمونا من ردودكم لأني بصراحه ابي أعرف مدى روعة هذي الابيات عندكم


أدري طولت عليكم يالله أتركم مع الابيات:embarassed:



كنت احسب اني عرفت الحب قبل اعرفك
وعشقت قبل اعشقك واشتقت قبل التقيك
***
وكنت احسب اني لقيت احباب قبل اوصلك
واثري توهمت في غيرك وانا كنت ابيـك
***
تعال نعطـش وتشربنـي وانـا اشربـك
تعال قبل الوعد اجلـس معـي نحتريـك
***
تعال شفني وانـا استنـاك كـم اشبهـك
يطري علي الف راي و راي واحتار فيك
***
اجي مكان الوعد والا اسبقـه انطـرك
والا آخذ الموعد اللي يحتريـك واجيـك
***
يا آخر الحـب ذقـت الحـب فـي اولـك
ويا اول الشوق اقصى الشوق ما ينتهيك
***
علمتني كيف اعرفك لين صـرت اجهلـك
ضيعتني فـي متاهاتـك وكنـت ارتجيـك
***
حبيـب الاحـلام يابـعـدك ويامقـربـك
حـرام يكفـي تبعثرنـي وانـا احتويـك
***
ان شفتك بحلم صدقتـه وانـا اتوهمـك
وان شفتك بعلم كذبتـه اليـن انتشيـك
***
اخاف اغمض عيوني وان رمشت افقـدك
واخاف افتح وتصبح حلـم ولا التقيـك


الامير الشاعر طـــــــــــلال الرشيد (الملتــــــــــــاع) رحمة الله عليه[/align]


مع تحياتي لكم

قوت القلوب