فـراق عـكـف الأشـانـيـب ،،، لمــتـعـب الـتـركـي
[align=center]مـتـعـب الـتـركـي يـجـسـد لـنـا شـعـورهـ و يـتـكـلـم بـلـسـان لـغـيـرهـ
فـيـنـقـل الإحـسـاس الـذي شـّعـَر بـه و مـا يـِشّـعٌر بـه غـيـره ...
إلــيـكـم هـذهـ الـقـصـيـدهـ عـلى آمـل أن تـصـل إلى قـلـوبـكـم ...[/align]
[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="solid,6,black" type=1 line=1 align=center use=ex num="0,black"]
ياسعود لاتنشد ترى ماني مجيب=خل الذي خافي له شهور..خافي
إن شفتني مغتاظ.. لي حق ومصيب=ياسعود مزعلني جديد اكتشافي
الغالي اللي كان من قلبي قريب=بيني وبينه..صار مثل التجافي
إن قلت زله.. مثلنا زلته عيب=من قال لك شمس الضحى ماتشافي
إن قلت هقوه.. يمكن تصيب وتخيب=كم لي سنه .. ما شفت فيه اختلافي!
و إن صار في نفسه بعض شكة و ريب=حتى البحر ماهو على طول صافي
((صرنا من الصده ..سوات المصاويب=كلن نقل جرحه وقال:امتعافي!))
((أصعب فراق.. فراق عكف الأشانيب=ما هو مفارق لابسات الغدافي ))
والذيب لامنه عوى..جاوبه ذيب=والعلم حامض..بس وين الأشافي؟
دامه لقى له غير قلبي معازيب=الله يسمح درب هاك السنافي
يروح..لايرجي رسول ومكاتيب=هو خابر إني..ما اتلفت خلافي
واللي تعلى فوق روس المراقيب=أكيد ماتسقى عليه السوافي
رح بشر اللي_شال شلفا_تريحيب=قله : تراها كلبوها عوافي
اليوم نفسي طابت و باكر يطيب=جرحي .. لو انه من يدين المشافي
خلصت .. والدنيا دروس و تجاريب=سجل يابو عبدالعزيز اعترافي[/poem]
[align=center]و ســلامــتــكــم [/align]
رد مع اقتباس
المشاركة الأصلية كتبت بواسطة محمد أبن عقوب
رد: فـراق عـكـف الأشـانـيـب ،،، لمــتـعـب الـتـركـي
