::شئ يرفع الضغط::
[align=center]أهلين وسهلين , بالقراء الحلوين ....
البديهي أحيانا تتحمله إذا كانت أعصابك باردة ...
بس إذا كان دمك حامي تبي تعصب ويرتفع ضغطك...
خلـونـــا نشــوف أمثلة لـمثل هالأشياء
مثــلا :
أنت بغرفتك منسدح بالسرير ومطفي النور ومتلحف بالبطانيه >> أحيه يالبرد ...
يجي أحد أخوانك ويفتح الباب عليك ويقول : تبي تنام !!!
(( لا أبرقص على وحده ونص ,, أكيد أبنام ))
أنتم معزومين عند ناس ورحتو لبيتهم وأول ما فتحوا الباب لكم : قال ولدهم " جيتــوا " !!!!!
(( لا رحنـــا ,, أكيد جينا وأنت وش تشوف ))
والعكس : أنت لابس ثوبك وكاشخ ومشخّص بالشماغ وماشي بالبيت متجه لباب الشارع ,, يجي أحد من أهلك وينادي بصوت عالي : هاه تبي تطلع !!!!
(( لا أبدخل ,, أيه أبطلع ))
أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز ,, أنت بكل ذوق تفتح القزازه وتقوله : آمر يالحبيب ؟
يقولك : أنت تبي تمشي !!!
(( لا أبفحط وأسوي خمسات .... أكيد أنا ماشي ))
عزيزتي الفتاة مثلا أنتي بالكليه وقمتي من الطاولة عقب ألف سالفه وسالفه
يتخللها الحش والضحك والمزح ورحتي عند الباب تلبسين عبايتك ...
تجي وحده ملقوفه من البنات وتقولك :فلانه تبين تطلعين للبيت !!!!
(( لا أبطلع برا أشم هواء,, أكيد أبروح لـ بيتنا من زين الكلية ))
مثلا ماسك سماعه التلفون وقاعد تضغط بالارقام يجي أحد من أهلك ويقولك : تبي تكلم بالتلفون !!!!
(( لا أبتفرج عليه ,, أكيد أبكلم ))
مثلا : ماسك مذكرة أو كتاب وقاعد تحفظ ومتحمس .. جاء أحد وقالك : قاعد تذاكر !!!
(( لا أطالع التلفزيون ,,, أيه أذاكر ))
تسبح بالمسبح بالاستراحه يجي واحد من أخوياك يمر عليك ويقول : فلان تسبح !!!
(( لا أتروش ... اللي يسمعك ما تشوف أيه قاعد أسبح ))
ولا تعالــو شوفو قنواتنا واسئلتهم البديهيه البايخه ..,,
برنامج اهداءات يتصل واحد يطلب أغنيه ؟
ترد عليه المذيعه بكل سخافه : أنتا بتحب هي الغنيّة !!!
(( لا ما أحبها بس طالبها أستهبل ,, ايه أحبها ليش أجل متصل ))
أو مثلا بالعيد جايين يقابلون مع الناس شوفو حوارتهم :
المذيع : مرحبا عرفنا على اسمك ؟
المواطن : فلان الفلاني .
المذيع : وش تقول لأهلك بالعيد ؟!!!
المواطن : أقولهم كل عام وأنتم بخير ..
(( أكيد يبي يقولهم هالعبارة أجل وش تبونه يقول بهالمناسبة ))
والأسخف من هالبديهيات اللي تضيع وقتنا إذا قابلو مع بزارينا ,,,
يقول المذيع للبزر : أنت تحب ماما وبابا !!!
(( أيه يحبهم أجل تبي يقول لا ))
المذيع : ايش تسوي بالعيد أكيد تروح لأهلك تسلم عليهم وتقولهم كل سنه وانتو طيبين !!!!
(( لا أبروح أكفخهم وأسوى هوشه ,,, أكيد أبعايدهم ))
مدري البديهيات تملا الفراغ ولا سالفة لنا نقولها علشان نغث اللي عندنا
أسفه على الإطالة
ولكم منى خالص التحيات والامنتيات [/align]
رد مع اقتباس
رد: ::شئ يرفع الضغط::
