[glow=333333][glow1=666666][align=center]السلام عليكم ورحمة الله وبركاته
اخواني واخواتي .. تحية عطرة
يشرفني ان انثر بين ايديكم
قصيدة متواضعه عباره عن
مجموعة نصايح ..
واتمنى ان تصل الى ذائقتكم الكريمه ..
::::::::::::[/align][/glow1][/glow]
[poem=font="Simplified Arabic,5,black,bold,normal" bkcolor="transparent" bkimage="backgrounds/40.gif" border="double,7,gray" type=1 line=1 align=center use=ex num="0,black"]
هاضت هواجــيس الفـكـر والصّـــدر بــاح =وطــرالــي اكــتب للنــشــامـا نـصيحه
مـثـايــل ٍ مــثـل العـطـر والــعــطـر فـاح =نـظـمـتــهــــا لأهــل الوجـيــه الفليحه
حذراك من رجل ٍ عـلـى الــســـدّ فـضـّاح =اللي لـيـا قـفّـيـــت ســـدّك يـبــيـــحه
واحذر من اللي ما تـــبـع درب الاصـــلاح =كــسّابــة الـمــتــردّيــه والـنـطـيـحه
بـعــض الـعرب يــرّث على قـلـبـك اجـــراح =الله يــــبـعـد عـــن ديــارك نـزيـحـه
حـتّـيـش لــو جـالـك وحـتّـيــش لــــو راح =ماهــوب يـنفع فالليال الـشـحيحه
اقــــولـــهـــا صــادق ولانــــي بـمـزّاح =لا عاد قرب أهـــل الوجـيــه الكليحه
احرص على اللي لشوفه الـنّـفس تــرتاح =اللي يداوي كلّ نـفــــس ٍ جـــــــــريـحه
واحرص على اللي دايم الــدّوم نـــصـّاح =اللي دروبــه كــلّـبـوهــا صـــــريحه
واحرص على اللي جلسته خـيـر واربـاح =راع العلوم الطيـّــبـــه والـمـلـيحه
واحرص على اللي يسعدك وقت الاتراح =ويعجبك لاضاقــت عليك الفسيحه
شـــهـــم ٍ كـــريــم ٍ للـمــواجـيـب نـطّاح =حـرٍّ عـزيــز ٍ مــا مشى بالفضيحه
شــيــخ ٍ ســنـافـي كاسب ٍ كل الامداح =ريــف ٍ لــربعــه والرجال الطــــــريحه
لا ثــارت الــهــيــجـا مـــعَ شلف ورمـاح =يــنـحـر حــريبه مثل نحر الذبـــــــيحه
ســعــد الـرفـيــق وللــعــدو سمٍّ اذحاح =امــجـنّــب ٍ كـــل الصفات القبــيــحه
هــذا الـــذي يــبــقــى لنا درع ووشاح =والا الرّدي يــا لـيت يبنى ضـــريحه
ودرب الـمــعــزه يــعـرفــه ربــع ٍ اصحاح =اللي تــــروم الــمرجله والمــديحه
والــمــرجــلــه يـبــغى لـها صبر وكْفاح =شـــدّ الحزام وخلّ نفسك لحيحه
والـــزم كـتـاب الله عـلــى طول يا صاح =تـــرى بريق الشر يجـذب لـميحه
واحــفـظ حـقــوق الجار .. خلّك له سلاح =قـالــه رسول الله بحكمه فصيحه
والصــمـت حـكــمــه والـصبر خير مفتاح =والـعـــدل ميزان العقول الرجيحه
هـــذي مــثـايـــل صغـتـها وسط الالواح =نــظـمـتها لأهل القلوب الصِّحيحه
والخــتــم صــلــوا عـــدّ مــا بـــارق ٍ لاح =على النبي واعداد فيض القريحه [/poem]
[glow=333333][glow1=999999][align=center]وسلامتكم
الــشـاعـر // حسن بن علي الهاجري[/align][/glow1][/glow]
رد مع اقتباس
