[align=center]
السلام عليكم ورحمة الله وبركاته
ان شاء الله الجميع بخير
المهم ما اطول عليكم
اليوم كتبتلكم
همســـــــــات
وان شاء الله تعجبكم
:: ماني من اللي لا شرى الناس باعوه .. انا من اللي لا باعهم يشترونه ::
.................................................. .................................................. ....................
انقطع هاتفك وش صابك
ليه ماتطمن... محابيبك؟
مثل نور الصبح احيا بك
وان ضواني الليل اهذيبك
كل يوم ايمر اشقى بك
حطمتني وازداد تعذيبك
اتلفت روحي من اسبابك
ياجعل ما صابني ايصيبك
اختفى نجمك وانغلق بابك
والليالي ...عيت اتجيبك
ان كان لك مقصد من اغيابك
وضح وقل وش هي مطاليبك؟؟
احرقتني ببرودة اعصااابك
وقطعت قلبي ابمخاليبك
رووح واتهنى مع اصحابك
بس لاتنسى محابيبك
خل الذي غيرك يهنا بك
حسبي عليه الله ..وحسيبك
.................................................. .................................................. ..................
هاجر عيوني قال لايمكن انساك .. واليوم شفته في هواهـا نسانـي
سبحان ربي كيف دارن هالافلاك .. واشوف عقبي من توسد مكانـي
كذب علي بقولتـه آه مااغـلاك .. وعشمني فدنيا الهوى والامانـي
وانا نطقت وقلت لولاك لـولاك .. ماقلت احبك ثم هديتـك حنانـي
كنت اسعد بشوفك وقربك ولقياك .. وكنت انت تضحك وتودد لثانـي
لكن وعد هاليوم لاهـد ذكـراك .. واهد قدرك في صدوق المحاني
.................................................. .................................................. ..................
بشكيك انا يادفتري شخص غايـب
يومٍ رجع زود على القلب بصدود
كنـا انـا ويـاه ربـع وحبايـب
والليل واشواقه وانا كلنا اشهـوود
اتذكـره لامـن لفـن الهبـايـب
ولامن تنغى عبدو بناعـم العـود
واتذكـره لامـن تعلـن سحايـب
بالجو واصبح للسحب برق ورعود
.................................................. .................................................. ..................
ليلي لج وبحـري التج وانا احتــج بــازعــاجه
وهو ازعاجه ما يزعج .. الا يــزعج الازعــاج
اجابل عـنــهـجي الجـد ووجــه جامـد احراجـه
جمــود المرجله جــده وهزله جــد بس بمــزاج
وهو الهــج بذاك المــرج اللي جـانب ابــراجه
ترى له برج في كل مرج ومرجه يعني الابراج
.................................................. .................................................. ...................
يا حلو الطبع يا أغلى الحــبايب
يا قرم ٍ نسل راعيين الشهـامه
خيالك صاحـــبي لو كنت غايب
يـــرج البـــال يا عالي مقامـــه
هلا بك عد نسمــــات الهبايب
وعد الشووق ما قامــت قيامه
غــــلاك بخافقي ماله شوايب
وعيني منك مشتاقه إبتسامه
.................................................. .................................................. .................
اثني عليك الجزل واهديك اقوال
والشعر في حضرة جنابك شويّه
با وضّح القيفان من غشوة اللال
مهما تعاندني الرياح العتيّه
يلي شموعك ولّعت كل لامال
يانجم ساطع بث لأرض ضيّه
يانور شعشع في سما القلب والبال
ياعزوتي وقت الضروف القويّه
.................................................. .................................................. ..................
احب اسلوبك الراقي..و احب احساسك المرهف
و اموت افـ ظحكة امحياك ..ظحكتها طفــولّيه
احب فرحك و احب زعلك واحبك دون ما احلف
و احب الحب من اسمك و من نوره ومن ضيّه
و احبك يوم تظلمني..احسه منك شي منصــــف
و احبك يوم تتوله ..و تملانــي بحنــــــــــّيـــه
.................................................. .................................................. ...................
يالله ابي رايكم وردودكم ؟؟؟؟؟
فديت الـــ في ـــي بالي[/align]
رد مع اقتباس
ي ــي بالي[/align]
