[align=center][align=center]السلام عليكم ورحمة الله وبركاته [/align]
هذي القصيده اهداء الى ..
الشيخ / راجح بن محمد بن مليح الحميداني أطال الله بعمره ... شيخ قبيله الحمادين
اترككم مع القصيده ..[/align]
[poem=font="Simplified Arabic,5,black,normal,normal" bkcolor="transparent" bkimage="backgrounds/18.gif" border="none,5,gray" type=1 line=0 align=center use=ex num="0,black"]
اخر شهر شعبان يوم الثلاثين = طلعت هلال الصوم شهر رمضاني
سيرت يمك يازعيم الحمادين = ياشيخنا اللي لك مكان وكياني
سلطانا لو يكثرون السلاطين = راس القبيله من قديم الزماني
شيخ ٍ ولد شيخ ٍ لك عهود وسنين = ماكنك إلا سهيل ونجم اليماني
راسك براس مليح والربع الاقصين = متواصلن بحمود قاصي وداني
انتم عمود البيت بأول وهالحين = وحتى تقوم قيامة المودماني
راجح وراجح في جميع الموازين = علم عليه شهود شوف وبياني
ديوان بيتك غير كل الدواوين = ماصك بابه عن ضيوف وعواني
من جاه يلقى دلال مع وارد الصين = ابهارها بالهيل والزعفراني
كيف الرجال المكرمين الميامين = ماهو بكيف أهل الردى والهداني
وصينية ٍ فيها من الحيل ثنتين = وانتم هل المدات وأهل السماني
من ساس جدك وانت زين على زين = متوارثين الطيب قبل الاخواني
من كبر قدرك يطلقون المساجين = ويعفى عن المندان لو هو مداني
جاهك كبير فوق كل القوانين = طلق اليمين ومن طوال اليماني
ياعون من صكوا عليه الديايين = وألا عليه الوقت سوا امتحاني
قد قيل ماتعلى على الحاجب العين = مضرب مثل لفلان وإلا فلاني
وأن كانني مخطي عسى قلبك يلين = أبا السموحه منك يابن الحصاني
ومن دون وصلك صار بالامر نوعين = نوع العمل والوقت صلف وحداني
ولا ودي أكشف مابصدري من البين = من خوف لا تزعل علي العواني
وختامها مني بمسك ورياحين = وأقبل سلامي مع جميل التهاني[/poem]
[align=center]الشاعر / غزاي بن عطالله العليم الحميداني [/align][/align]
رد مع اقتباس
