[poem=font="Simplified Arabic,5,black,bold,italic" bkcolor="transparent" bkimage="backgrounds/49.gif" border="double,5,gray" type=0 line=1 align=center use=sp num="0,black"]
يا صاحبي معادلي فيه حاجه = ولاهوب والله صايرٍ كل همي
ليا صار ماطابق مزاجي مزاجه = كيف العرب ماهوب رايق لدمي
ياطير ياللي منت شبه الدجاجه = أللي عليك من المقاريد أسمي
حرٍ ينومسني نهار المواجه = في خاطري مافيه مثله يومي
فرخ الحرار اللي ذبح في مداجه = من كثر صيده يتعب اللي يلمي
أنت الوحيد أللي بليا لجاجه = أللي هويته كثر حبي ألعمي
والفرق مابين القراح وهماجه = يومن كل وارد له ألجمي
أرد على عدٍ لروحي علاجه = والباقيه لوكان ماها يزمي
جنبتها والشرب منها سماجه = عسى لها نجمٍ عليها يدمي
منيب من يجهل ويجهل خراجه = إليا سقت رجلي صوب فجٍ ويمي
أجنب النفس العزيزه حراجه = عن موقفٍ مافيه ياكود ذمي
وطرق نظر عيني ويضحك حجاجه = ومن حسن حظي للجزيله أضمي
وياسيد أجموع البشر ياسراجه = عليك أصلي يارسوله وأتمي [/poem]
رد مع اقتباس
