]عذرا على هذا الحزن..ولكن ابداع الشاعر خالد الهديب اجبرني على العيش بهذه الكلمات....فهل يرد البحر الصدى؟!!!
أنا يا بحر ماجيتك فضى ولمشاهدك شفقان**أنا جيتك أبنسى الياس وبعض هم ٍ يباريني
على جالك أنا جالس ,, أسامر موجك الغضبان**أسولف له عن أوجاعي وعناي وغربة سنين
علامك يا بحر غاضب .؟ علامك تصرخ بكتمان .؟**أنا جيتك أبشكي لك وأبي منك تواسيني
أنا مثلك بحر لكن .!! وسط نفسي أنا غرقان**تعبت أبحر مع نفسي وأسألها انا ويني
أنا محتار في وضعي ومع نفسي أنا حيران**أنا لا قادر افهمها وهي تجهل مضاميني
أنا مليت من حزني و تعبت أبحث عن السلوان**ولا ضنيت به شيء ٍ عن أحزاني يسليني
أحس أن الحزن عالم بحور ,, وصحرى ,, ووديان**وتخيل يابحر حجمه اذا كله سكن فيني ..؟؟
وتصور ..!! لو شقى الدنيا تجمع في كيان أنسان ..!!**وتصدق ما بقى بالكون أسى مابات في عيني
وتر ا كل الحزن لو غاب وراح لأخر الأوطان**يغيب ويرتحل لحظات ويرجع يستقر فيني
أنا اخر فصول الحزن وانا لدروبه العنوان**وانا اخر عزوفاته وأصواته تغنيني
انا والليل والغربه تعانقنا مثل اخوان**ل ليلي كل أهاتي وللغربه عناويني
تعبت أسقي ثرى أحلامي وأزرع بالوهم بستان**تعبت ولا نبت زرعي وتعب جفّت بساتيني
جحدني حظي العاثر ,, رماني بسكة الحرمان**جحدني ولا قدر مره على الفرحه يرسيني
ألا يا بحر جاوبني .؟ وش اخر هذه الأحزان .؟**وش أخر رحلة أوجاعي .؟ وعناي وغربة سنيني .؟
من منقولي[/I]
رد مع اقتباس
