السلام عليكم ورحمة الله وبركاته
تحيه طيبه وبعد اليكم هذه المشاركه وهي مصافحتي الاولى لهذا الصرح الشامخ
واتمنى ان تنااااااااال على رضاااااااااكم
http://www.l5s.net/download-53f1d51055.mp3.html
هنا القصيده بالصوت وبجوده عاليه
او من هنااااااااا
http://gmrup.com/up/dldFVF79560.mp3.html
رابط احتيااااطي
http://w15.easy-share.com/1699766934.html
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تكفى يابو متعب ترا الشعب منهـار=من لعبـة التجـار شـاف النكالـي
رحنا ضحايا كارثـة رفـع الاسعـار=وكل المعوشه سعرها صـار غالـي
مؤامرات اتحاك مـن بيـن تجـار=ولعبـة هواميـر البلـد لاتـزالـي
حتى حليب الطفـل ياسيـدي طـار=وبعض الأسر ماله عليـه احتمالـي
والرز واسعار الطحين اصبحت نـار=وشحيلـة اللـي مابجيبـه اريالـي
كبير سـن وعيلتـه كلهـا اصغـار=وعن الوظايـف قاصريـن العيالـي
وشيحلة اللي في يده صك الاعسـار=ولاله علـى التجـار درب ومجالـي
وشحيلة الرملاء وهي وقتهـا جـار=وفي حضنها طفـلٍ يحـب الدلالـي
أنتـم سندهـم ياطويليـن الأعمـار=وأنتم سند للشعب فـي كـل حالـي
وأنتم هل العوجاء صواريم الأحـرار=حكـام حـق وحكمكـم بالعـدالـي
وأنته مليك المملكـه طيـر سنجـار=حـرٍ مواكيـرك بـروس الجبالـي
وأنت الذي بأمرك نوقـف للاخطـار=وأنت الذي بأمرك نخوض القتالـي
والجيش من دون الوطن درع وستار=وأنت الذي باامرك تسيـر الرجالـي
ياسيـدي حتـى محطـات الأخبـار=ترفع هموم الشعب لااهـل المعالـي
جونا هوامير البلد مثـل الأعصـار=تيار سيل وضغـط الأمـواج عالـي
خلوا مؤشرنـا كمـا لعبـة اقمـار=تدخل غني وتطلـع الجيـب خالـي
ياسيـدي نبغـى عـلاوة للايجـار=وأنت المليك أبو العطايـا الجزالـي
عطنا عطاك الرب جنـات الانهـار=في ساعة المحشر نهـار السؤالـي
وحفظك ربك من صواديـق الأقـدار=ومن الفتن واهل الفتـن والظلالـي
أنتم رفعتـم قدرنـا بيـن الأقطـار=حتى التطور صار مضـرب مثالـي
وخليتم الصحـراء عمـارات وأدوار=وأصبح ملاح البحر للشـرب حالـي
والكهرباء في المدن يبرا لها القـار=فوق الجبال وفـوق حمـر الرمالـي
ومدارسٍ تمشي على نهج الاخيـار=وعلى كتـاب الله عزيـز الجلالـي
والجامعات اللي لها تلفتـت انظـار=ومراكـزٍٍ للطـب فيهـا الكمـالـي
نظراتكـم يـم الثريـاء والأقـمـار=ومن المليك العـود فيكـم اخصالـي
لكـن تبنونـا بعـد رفـع الاسعـار=دام المعوشه سعرهـا صـار غالـي [/poem]
رد مع اقتباس
