[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="solid,8,black" type=1 line=1 align=center use=ex num="0,black"]
ياعـاذلي رح مـالك ومالـي = نفس الـفـتى ماتحـب اللي يعـذربـهــا
انا ابخص الناس في حِلي وترحالي = النفس نفسي واعـرف اشـلون أأدبها
لـضاق صـدري وتاه من الغـثا بالي = والارض ضاقت وضاقت بي مناكبهـا
نصيت لي مرقبٍ في صحصحٍ خالي = في راس رجـمٍ تـصافـق بي هـبايبهـا
بارضٍ خـلا خـاليه ماحـولي الـوالي = بـس الـذيـابه تعـاوي فـي مــراقـبـهـا
جـلست في مرقـبي ابكي على حالي = مـن حــرةٍ بالـحـشـا زادت لـواهـبهــا
وقامت تكسر بصدري عـبرة الجالي = اللي قـبـل يـتِـقـي لــــْـد لـمـضـاربـهـا
وقـمـت اتفكر بـوقـتي اول وتــالــي = وشـلون عـقب الصفا شانت مشاربها
طـاوعـت ثنتين والثنتين غـربـالــي = استاهـل اللي حصل لي من مصايبهـا
يامـن يوصل* لابو000* مرسالي = انا عـلى العهـد احـارب مـن تحاربهـا
لغـبت عـني تكدر خـاطـري السالــي = لـغـابت الشمس ماتـنـفـع كـواكـبـهـا
دامــك رفـيـقـي ورب البيت مابـالـي = اضرب عـلى الـكـايده ماني بهـايبهـا
يالله طـلبـتـك ودمـع العـيـن هــمالـي = إغـفـر ذنوبي قـبـل تِـنـشـب مخالبها[/poem]
رد مع اقتباس
